လါမးရှး(၁၁)သီ,၂၀၂၅နံၣ်
ကီၫ်ခီဒီးကီၫ်စဲၣ်တနီၤအပူၤ တၫ်စူၤသ့ဘၣ်ဆၣ် ၀့ၫ်တကူၣ်ပာ်ဃုာ် လၢတၫ်လီၫ်အါတက့ၫ်အပူၤ တၫ်ကိၫ်အသဟီၣ် ဆူၣ် ထီၣ်ကဒီးသ့အဂ့ၫ် ဒီကလုာ်ဃူဖိးပဒိၣ်(NUG),တၫ်ဆီၣ်ထွဲမၤစၢၤပှၤတ၀ၢ တၫ်မၤစၢၤဒီးဘၣ်ထွဲတၫ်ပၢဆှၢရဲၣ်ကျဲၤ န့ ဆၢၣ်တၫ်လီၤဘၣ်ယိၣ်၀ဲၤကျိၤ(MOHADM) ထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.
လါမးရှး(၁၀)သီနံၤ တုၤ (၁၆)သီအတီၫ်ပူၤ လၢတနွံအတီၫ်ပူၤ တၫ်တယာ်မူခိၣ်ကလံၤသီၣ်ဂီၤအပူၤ လၢထံကီၫ်ဒီတ ဘ့ၣ် မုၫ်နံၤတၫ်ကိၫ် ကဆူၣ်ဒိၣ်န့ၫ်ဒံးအလီၫ်အဂ့ၫ် ဟ့ၣ်ပလီၫ်ဃာ်၀ဲလီၤ.
“လၢ၀့ၫ်တကူၣ် ဖဲတဟါန့ၣ် တၫ်စူၤ၀ဲတစဲးလီၤ.ဘၣ်ဆၣ်သနာ်က့တၫ်ကိၫ်ဆူၣ်လီၤ. ကိၫ်လၢမုၫ်နၤမုၫ်ဆါလီၤ. မ့ၣ်အူ ဟးဂီၤဒီးတၫ်အိၣ်သးအၢန့ၫ်အလီၫ်ဒံးအဂ့ၫ်”ပှၤ၀့ၫ်တၣ်မွ့ၣ်ဖိတဂၤတဲ၀ဲလီၤ.
လၢတနွံအံၤအတီၫ်ပူၤ စကဲကီၫ်ခီ,တနီသရံၣ်ကီၫ်ခီဒီးကခၠ့ၣ်ကီၫ်စဲၣ်,ကညီကီၫ်စဲၣ်,တလၢၤကီၫ်စဲၣ်တဖၣ်အပူၤ လၢတၫ် လီၫ်ပူၤတီၤပူၤတီၤအပူၤ တၫ်စူၤသ့အဂ့ၫ် MOHADMထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.
လါမးရှး(၁၀)သီနံၤတုၤ(၂၄)သီအနံၤ ၀့ၫ်တကူၣ်,အ့ၣ်ယၣ်၀တံၣ်ကီၫ်ခီ,ပကိကီၫ်ခီ,တလၢၤကီၫ်စဲၣ်, ကညီကီၫ်စဲၣ်ဒီးတနီ သရံၣ်ကီၫ်ခီတဖၣ်အပူၤ မုၫ်နံၤတၫ်ကိၫ်အသဟီၣ် ဆူၣ်ထီၣ်တုၤ (၄၀)ဒံၣ်ကရံၣ်စ့ၣ်တံၣ်ကရ့းဆူအဖီခိၣ်သ့အဂ့ၫ် ပှၤဃု သ့ၣ်ညါမူခိၣ်ကလံၤသီၣ်ဂီၤ အူ၀့နဲၣ် ဟ့ၣ်ပလီၫ်ဃာ်၀ဲလီၤ.
ပှၤလၢဘၣ်မၤတၫ်လၢတၫ်ကိၫ်ကျါတဖၣ်,သူၣ်က့သးပှၫ်ဒီးဖိသၣ်ဆံးတဖၣ် ထံလၢအနီၫ်ခိပူၤတဖၣ် လီၤစှၤကွံာ်သ့ဒီး တူၫ်ဘၣ်(Heat-stroke)သ့အဃိ တၫ်ကပလီၫ်သူၣ်ပလီၫ်သးအဂ့ၫ် အူ၀့နဲၣ်ဟ့ၣ်ပလီၫ်ဃာ်၀ဲလီၤ.
Ref: Hlaing Info
