လါမးရှး(၇)သီ,၂၀၂၅နံၣ်
ပှၤလၢဘၣ်တၫ်ဖီၣ်ဃာ်အီၤလၢကၣ်စၣ်ဟီၣ်က၀ီၤတဖၣ် တၫ်ကပျၫ်ကွံာ်အီၤအဂီၫ် အမဲရကၤကီၫ်ခိၣ်ဒီနၢၣ်ထရၢးန့ၣ် ဟ့ၣ် ပလီၫ်၀ဲဟါမးတဖၣ် လၢအလီၫ်ခံကတၢၫ်န့ၣ်လီၤ.
ကမၤကတၢၫ်ကွံာ်တၫ်ဒုးအဂီၫ် တၫ်လၢလိၣ်တဖၣ် တၢၣ်ပီၣ်တဲသကိး၀ဲဒီးအံၣ်စရ့၀ံၤ မ့ၫ်တမၤ၀ဲဒ်တဲ၀ဲအသိးဘၣ်န့ၣ် ဟါမးကရၢဖိတဂၤလၫ်လၫ် တမ့ၫ်ကပူၤဒီးတၫ်ဘၣ်ယိၣ်ဘၣ်အဂ့ၫ် ထရၢးဟ့ၣ်ပလီၫ်၀ဲလီၤ.
တၫ်ကပျၫ်ကွံာ်ပှၤလၢဘၣ်တၫ်ဖီၣ်တဖၣ်အဂီၫ် တၢၫ်ပီၣ်တဲသကိး၀ဲဒီးဟါမးတဖၣ်တဘျီဃီအဂ့ၫ် ဟံၣ်၀ါပာ်ဂၢၫ်ပာ်ကျၢၤ ၀ဲ၀ံၤအလီၫ်ခံ တၫ်ဟ့ၣ်ပလီၫ်ဒ်သိးအံၤအိၣ်ထီၣ်၀ဲလီၤ.
အမဲရကၤန့ၣ် တုၤလၢကတီၫ်အံၤ ဟးဆှဲး၀ဲတၫ်ထံၣ်လိာ်တၢၣ်ပီၣ်တဲသကိးတၫ်ဒီးဟါမးတဘျီဃီ၀ံၤ သူတ့ၫ်၀ဲ တၫ်ဘျၢ လၢ တၫ်ထံၣ်လိာ်သးတဘျီဃီဒီး တၫ်ကရၢကရိလၢ အမံၤအိၣ်ပာ်လၢတၫ်မၤအၢမၤသီစရီပူၤ လၢတၫ်ဆၢကတီၫ်ဖးယံာ် အပူၤန့ၣ်လီၤ.
အမဲရကၤကမၤစၢၤအံၣ်စရ့တၫ်ဂ့ၫ်တခီ တတဲဖျါ၀ဲတၫ်ဂ့ၫ်ခဲလၢာ်ဘၣ်ဆၣ် ပှၤလၢဘၣ်တၫ်ဖီၣ်တဖၣ်တၫ်ကဘၣ်ပျၫ်ကွံာ် တဘျီဃီ၀ံၤ ပျၫ်ကွံာ်၀ဲလၢခံးမးတန့ၫ်ဘၣ်အဂ့ၫ်,ပှၤလၢဘၣ်တၫ်ဖီၣ်ဒီးဘၣ်တၫ်မၤသံ အစိၣ်တဖၣ်စ့ၫ်ကီးတၫ်ကဘၣ် ဟ့ၣ်က့ၤတဘျီဃီဒီးမ့ၫ်တမၤ၀ဲဒ်သိးန့ၣ်ဘၣ်ဒီးဟါမးကဟးဂီၤကတၢၫ်ကွံာ်အဂ့ၫ် တရၢးတဲ၀ဲလီၤ.
တရၢးအတၫ်တဲပျံၤတဲဖုး ဟါမးန့ၣ် တမ့ၫ်တၫ်အဆိကတၢၫ်တဘျီဘၣ်.မ့ၫ်တပျၫ်ကွံာ်ပှၤလၢဘၣ်တၫ်ဖီၣ်တဖၣ်န့ၣ် ကဆှၢဟါမးခဲလၢာ်ဆူလရၣ်အဂ့ၫ် ဖဲလါဒံၣ်စ့ဘၢၣ်အပူၤစ့ၫ်ကီး တဲတ့ၫ်ဃာ်၀ဲအိၣ်န့ၣ်လီၤ.
ကီၫ်ခိၣ်ထရၢးန့ၣ် တၫ်ပတုာ်တၫ်ခးအဖီခိၣ် ဖဲတယံာ်ဒံးဘၣ် ထံၣ်လိာ်အသးဒီးပှၤလၢဘၣ်တၫ်ပျၫ်ကွံာ်တဖၣ် ဖဲဟံၣ်၀ါ ၀ံၤအလီၫ်ခံ တဲလီၤ၀ဲဒ်သိးအံၤန့ၣ်လီၤ.
တၫ်ထံၣ်လိာ်တၢၫ်ပီၣ်တဲသကိးတၫ်တဘျီဃီဒီးဟါမးန့ၣ် တၫ်တသ့ၣ်ညါဘၣ်တၫ်ဂ့ၫ်ခဲလၢာ်ဘၣ်ဆၣ် ဖဲတယံာ်ဒံးဘၣ် န့ၣ် တဲသကိးတၫ်ဒီးအံၣ်စရ့အဂ့ၫ် အမဲရကၤဘၣ်မူဘၣ်ဒါတဖၣ်တဲ၀ဲလီၤ.
Ref: VOM
