လါမးရှး(၇)သီ,၂၀၂၅နံၣ်
ကညီကီၫ်စဲၣ်,လၢ၀့ၫ်ဖၣ်အၣ်အပူၤ ဖဲလါမးရှး(၅)သီ,ဟါခီန့ၣ် သိလ့ၣ်အခိၣ်(၃၀၀)ဘျဲၣ်လၢဟဲက့ၤတီၣ်၀ဲ ကၠီၣ်တဲၣ် ပနံာ်တဖၣ် ၀့ၫ်မီၣ်လမၠဲၣ်, မုၫ်ထီၣ်ကလံၤထံးကီၫ်ခီ သုး၀ဲၤလီၫ်ခိၣ်သ့ၣ် ကီၫ်ခီခိၣ်ခံအတၫ်ကလုၫ်အဖီခိၣ် ဘၣ်တၫ်ဖီၣ် ၀ဲအဂ့ၫ် တၫ်သ့ၣ်ညါဘၣ်လၢ ၀့ၫ်ဖၣ်အၣ်က၀ီၤဒ့ပၢပြးကရၢဖိတဖၣ်အိၣ်န့ၣ်လီၤ.
သိလ့ၣ်တဖၣ်န့ၣ် ဘၣ်တၫ်ဖီၣ်ပာ်ဃာ်အီၤဖဲ ကညီနံၣ်ထီၣ်သီ(သံၣ်ရံး)ပျီ,ကီၫ်စဲၣ်ပၢၤကီၫ်အိၣ်အလီၫ်ဒီးဖၠၣ်စိမိကျဲ သ့ၣ်တီၣ်ကၠံကွ့းအပူၤန့ၣ်လီၤ.
အပူၤကွံာ် လါအီးကထိဘၢၣ်(၉)သီနံၤ ပနံာ်လၢဟဲနုာ်လီၤတဖိးသဲစးလၢကီၫ်ဆၢဒီးတၫ်ကူၣ်လဲၫ်မၤကၤကျဲတဖၣ် တၫ်ကနုာ်လီၤသမံသမိးဘၣ်၀ဲလၢ ကီၫ်ပူၤတၫ်ပာ်ကီၤအလီၫ်ဒီးကျးတဖၣ်အပူၤအဂီၫ် သုးကီၣ်ကးသုးရိၣ်မဲခိၣ် ကျၢၫ်ခံစိ၀့ နဲၣ်လီၤ၀ဲ၀ံၤအလီၫ်ခံ ဘၣ်တၫ်ဖီၣ်၀ဲတပယူာ်ဃီန့ၣ်လီၤ.
က၀ီၤဒ့ပၢပြးကရၢဖိတဂၤတဲ၀ဲလၢ”ဖီၣ်သိလ့ၣ်တဖၣ်လၢတၫ်ပညိၣ်အိၣ်အပူၤလီၤ.အိၣ်၀ဲအခိၣ်(၃၀၀)ဘျဲၣ်ညါလီၤ.ဖဲမဟါ ဆီလီၤတၫ်သမံသမိးတြဲၤသတူာ်ကလာ်အိၣ်၀ဲလီၤ.ဖဲကီၫ်ခီခိၣ်ခံ အနီၫ်ကစၫ်လဲၤသမံသမိး၀ဲ အကတီၫ် ထံၣ်၀ဲ ခဲၣ် မံၣ်ခၢၣ်တဖၣ်လီၤ.ဂာ်လၢဘၣ်ထွဲဒီး တၫ်မူၤတၫ်ဘှီးတဖၣ်လီၤ.သိလ့ၣ်အိၣ်ဟဲက့ၤလီၤ လၢ၀့ၫ်ရၤမတံခဲလၢာ် ဘၣ်တၫ် ဖီၣ်၀ဲလီၤအဂ့ၫ်”တဲ၀ဲလီၤ.
လၢတၫ်ကူၣ်လဲၫ်မၤကၤတၫ်လၢ ပယီၤ-ကၠီၣ်တဲၣ်ကီၫ်ဆၢအပူၤန့ၣ် ပနံာ်လၢတၫ်တီၣ်ဆှၢန့ၫ်စ့ ၂၅ မျးကယၤန့ၣ် တၫ်ဘၣ်ဟ့ၣ်သွီနုာ်ဆူ လီၫ်ခၢၣ်သးစ့တၢး၀ံၤ ဒ်သုးကီၣ်ကးလီၫ်ခၢၣ်သးစ့တၢး ပာ်ပနီၣ်န့ၫ်အပှ့ၤကလံၤအသိး တၫ်ကက့ၤဆါလီၤ န့ၫ်၀ဲအဂ့ၫ် ဖဲလါအီးကထိဘၢၣ်(၃၁)သီအနံၤန့ၣ် ထုးထီၣ်ဘိးဘၣ်ရၤလီၤ၀ဲလီၤ.
လၢတၫ်န့ၣ်အဃိ ပနံာ်လၢတၫ်တီၣ်ဆှၢဆူထံဂုၤကီၫ်ဂၤ စ့လၢဒိးန့ၫ်၀ဲ ၂၅ မျးကယၤန့ၣ် ဘၣ်ဟ့ၣ်သွီနုာ်၀ဲဆူ လီၫ်ခၢၣ် သးစ့တၢးအိၣ်တကးဘၣ်အမဲာ်ညါ တလီၤပလိာ်အသးဒီး တၫ်ပာ်ပနီၣ်န့ၣ်အလုၫ်အပှ့ၤဘၣ်အဃိ ပှၤကူၣ်လဲၫ်မၤကၤ တၫ်ဖိတဖၣ် ဘၣ်ကွၫ်ဆၢၣ်မဲာ်ဒီးတၫ်လီၤဆံးလီၤစှၤတဖၣ်လီၤ.
လၢတကပၤ ပှၤကူၫ်လဲၫ်မၤကၤတၫ်ဖိတဖၣ် ကဒိးန့ၫ်ပနံာ်လၢတၫ်သွီနုာ်တဖၣ်အဂီၫ် ပနံာ်လၢဆှၢ၀ဲတဖၣ် ဘၣ်တူၫ် ဃၣ်ကွံာ်၀ဲဘၣ်ဆၣ် ကဒိးန့ၫ်တၫ်သွီနုာ်ပနံၣ် လဲၣ်စ့ၣ်အဂီၫ် ကီခဲ၀ဲအဃိ တၫ်ကူၣ်လဲၫ်မၤကၤတၫ်လၢတဖိးဒီးသဲစး ဘၣ်အိၣ်ထီၣ်၀ဲအဂ့ၫ် ပှၤကူၫ်လဲၫ်မၤကၤတၫ်ဖိတဖၣ်တဲ၀ဲလီၤ.
Ref: DVB
