လါမးရှး(၆)သီ,၂၀၂၅နံၣ်
အမဲရကၤထၢအါထီၣ် တၫ်ကူၣ်လဲၫ်မၤကၤပနံၣ်ခိသွဲတဖၣ်အဖီခိၣ် က့ၤခီၣ်ဆၢကဒါက့ၤ၀ဲဒီး တၫ်ဒုးဒ်လဲၣ်တကလုာ် မ့ၫ်ဂ့ၤဒီးအမဲရကၤန့ၣ် အိၣ်ကတီၤအသးလၢကကွၫ်ဆၢၣ်မဲာ်၀ဲအဂ့ၫ် ကီၫ်တရူးဟ့ၣ်ပလီၫ်၀ဲလီၤ.
ကီၫ်ခိၣ်ထရၢးန့ၣ် တရူးအတၫ်သွီနုာ်ပနံၣ်တဖၣ်အဖီခိၣ် ထၢအါထီၣ်တၫ်ခိတၫ်သွဲ၀ံၤအလီၫ်ခံ ဟီၣ်ခိၣ်ချၢ ထံကီၫ်လၢ မုာ်ကျိၤ၀ဲၤကွာ်အဂံၫ်ဆူၣ် ခံဘ့ၣ်အဘၢၣ်စၢၤ တၫ်ဖ့ၣ်ဆၢဆူၣ်ထီၣ်၀ဲ၀ံၤ တရူးန့ၫ်ခီၣ်ဆၢ ထၢအါထီၣ် ခိသွဲလၢအမဲရကၤ စံၣ်ပှဲၤပနံာ်အဖီခိၣ် (၁၀)မျးကယၤတုၤ(၁၅)မျးကယၤန့ၣ်လီၤ.
တၫ်ဒုးန့ၣ် အမဲရကၤအသးမ့ၫ်အိၣ်န့ၣ် တၫ်ကူၣ်လဲၫ်မၤကၤပနံာ်တၫ်ဒုးမ့ၫ်ဂ့ၤ(မ့တမ့ၫ်) တၫ်ဒုးလၢအဂၤမ့ၫ်ဂ့ၤ အိၣ်ကတီၤ သးလၢကနုာ်လီၤတၫ်ဒုး တုၤလၢအကတၢၫ်အဂ့ၫ် တရူးမီၫ်သီ၀ဲၤဒၢးလၢအိၣ်ဖဲ ၀့ၫ်၀ၣ်ရှ့ၣ်ထၢၣ် ထုးထီၣ်ဘိးဘၣ်ရၤလီၤ ၀ဲလီၤ.
တၫ်အံၤထရၢးကဲထီၣ်ကီၫ်ခိၣ်၀ံၤအလီၫ်ခံ ဖဲတရူးထံကီၫ်ဒီတဘ့ၣ် ကမျၢၫ်ခီကရဲး တၫ်အိးထီၣ်မူးအမုၫ်နံၤအပူၤ ဖဲခၢၣ် စးလၢဘၣ်ထွဲတဖၣ် ဟဲထီၣ်၀ဲအကတီၫ် မ့ၫ်တရူးအတၫ်ဟ့ၣ်ပလီၫ်လၢဆူၣ်ဆူၣ်ကိၤကိၤအဂ့ၫ် ပှၤပဲာ်ထံနီၤဖးတၫ်တ ဖၣ် ထံၣ်၀ဲဒ်န့ၣ်လီၤ.
တရူးကိတိာ်ခိၣ်ကျၢၫ် Li Qiangန့ၣ် လၢတနံၣ်အံၤအပူၤ ကမၤအါထီၣ်၀ဲ ကီၫ်တရူးအတၫ်ဘံၣ်တၫ်ဘၢတၫ်လၢာ်ဘူၣ် လၢာ်စ့ၤ ၇.၂မျးကယၤအဂ့ၫ် ပာ်ဖျါ၀ဲလီၤ.လၢအနံၣ်(၁၀)အတီၫ်ပူၤ တၫ်ဆီတလဲလၢတၫ်တမုၫ်လၫ်ဃာ်၀ဲတဖၣ် လၢ ဟီၣ်ခိၣ်ချၢအိၣ်ရၤလီၤအသးလၢအသဟီၣ်ချ့ချ့အဂ့ၫ် အ၀ဲဟ့ၣ်ပလီၫ်၀ဲလီၤ.
တၫ်ကူၣ်လဲၫ်မၤကၤပနံၣ်အသဟီၣ်ဆူၣ်ထီၣ်ဘၣ်ဆၣ် တရူးခိၣ်နၫ်တဖၣ်တခီ တယာ်၀ဲလၢ မုာ်ကျိၤ၀ဲၤကွာ်တၫ်ဂုၤထီၣ် ပသီထီၣ် အဂံၫ်ကဆူၣ်ထီၣ်၀ဲအဂ့ၫ်န့ၣ်လီၤ.ကီၫ်တရူးတကပၤ မုၫ်လၫ်၀ဲလၢ ထံဂုၤကီၫ်ဂၤတၫ်ဘျၢလီၤတဖၣ် အဂံၫ်က ဆူၣ်ထီၣ်အဂ့ၫ်စ့ၫ်ကီးတဲ၀ဲလီၤ.
တၫ်မၤပျံၤမၤဖုးန့ၣ် ကီၫ်တရူးတပျံၤ၀ဲဘၣ်အဂ့ၫ်,တၫ်ဆီၣ်ဘံၣ်ဆီၣ်ဘၢတၫ်န့ၣ် တၫ်မၤတကဲထီၣ်ဘၣ်အဂ့ၫ်ဒီး ဟ့ၣ်တၫ် ဆီၣ်သနံး,ဖီၣ်ဃံးမၤပျံၤမၤဖုးတၫ်တဖၣ်န့ၣ် လၢတၫ်ရ့လိာ်ဘၣ်ထွဲဒီးတရူးန့ၣ် တၫ်မၤတကဲထီၣ်ဘၣ်အဂ့ၫ် တရူးထံဂုၤ ကီၫ်ဂၤကိတိာ်၀ဲၤကျိၤပှၤတဲတၫ်ပၢတဲ၀ဲလီၤ.
Ref: VOM
