လါမးရှး(၄)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ်ဟီၣ်က၀ီၤအပူၤ စးထီၣ်ဖဲ၂၀၂၅နံၣ်, လါဖ့ၤဘြူၤအါရံၤ(၂၄)သီတုၤ(၂၈)သီအနံၤ (၅)သီအတီၢ်ပူၤ ကညီတၢ်ဆီၣ်ထွဲမၤစၢၤသဲစး၀ဲၤလီၢ်(KLAC)ဒီး ကီၢ်သူလ့ၤလီၢ်ခၢၣ်သးစံၣ်ညီၣ်ပီတ့၀ဲၤကျိၤတဖၣ်တီခိၣ်ရိၥ်မဲမၤ၀ဲ စံၣ်ညီၣ်ပီတ့ဘၣ်ထွဲတၢ်ဒုးကဲထီၣ်သရၣ်တၢ်သိၣ်လိအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲန့ၣ်လီၤ.
တၢ်ပညိၣ်မၤ၀ဲ တၢ်သိၣ်လိအံၤ ဒ်သိး ကီၢ်ရ့ၣ်အပူၤ စံၣ်ညီၣ်ပီၣ်တ့တၢ်ဖံးတၢ်မၤတဖၣ်ကအိၣ်ဒီးအကျိၤအကျဲဂ့ၤဂ့ၤဘၣ်ဘၣ်ဒီး အဂံၢ်ကဆူၣ်ထီၣ်အဂီၢ်, ကရၢလၢအမၤစံၣ်ညီၣ်ပီတ့တၢ်ဖံးတၢ်မၤတဖၣ်ကဒဲကဒဲ ကအိၣ်ဒီးတၢ်ဆဲးကျိၤဘျးစဲအဂံၢ်ကဆူၣ်ထီၣ်အဂီၢ်, ကီၢ်ရ့ၣ်အပူၤကမျၢၢ်တဖၣ်တၢ်နၥ်န့လီၤသးကအိၣ်လၢစံၣ်ညီၣ်ပီတ့တၢ်ဖံးတၢ်မၤတဖၣ်အဖီခိၣ်ဒီး တၢ်တြီတၢ်တြၢ်တဖၣ်ကအိၣ်အါထီၣ်အဂီၢ်န့ၣ်လီၤ.
တၢ်အိးထီၣ်တၢ်သိၣ်လိအမူးတၢ်ရဲၣ်တၢ်ကျဲၤအပူၤ ခ့ၣ်အဲၣ်ယူၣ်-ဒူပျၥ်ယၥ်ကီၢ်ရ့ၣ် ပှၤဘၣ်မူဘၣ်ဒါတဖၣ် ဟဲထီၣ်ဟ့ၣ်ဂံၢ်ဟ့ၣ်ညါ၀ဲ၀ံၤ ခ့ၣ်အဲၣ်ယူၣ်-ကီၢ်ရ့ၣ်, ကီၢ်ဆၣ်တဘ့ၣ်စုၥ်စုၥ် တၢ်ဆီၣ်ထွဲကမျၢၢ်သဲစးတၢ်ဘျၢကရူၢ်(CLV)ဒီး ကီၢ်ရ့ၣ်စံၣ်ညီၣ်ပီတ့ကမံးတံၥ်တဖၣ် ဟဲထီၣ်၀ဲန့ၣ်လီၤ.
ဒ်န့ၣ်အသိး ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA), ကညီဒီကလုၥ်ဂၢၤသးကရၢ(KNDO), တၢ်ဒီတဒၢသုးတဖၣ်, ကညီပိၥ်မုၣ်ကရၢ(KWO)ဒီး ကညီဒီကလုၥ်ပၢၤကီၢ်သုး(KNPF)တဖၣ်စ့ၢ်ကီး ဟဲထီၣ်ဟ့ၣ်ဂံၢ်ဟ့ၣ်ဘါ၀ဲန့ၣ်လီၤ.
