လါမးရှး(၄)သီ,၂၀၂၅နံၣ်
တၢ်ဖီၣ်န့ၢ်အခွဲးလၢ တၢ်ဖီၣ် ကညီသုးခိးကီၢ်ဆၢ(BGF)အခိၣ်လၢအမ့ၢ် သုးခိၣ်ဒိၣ်စိ စီၤခၠံးသူၣ်ဒီးအပှၤပၣ်ဃုၣ်ပၣ်ဂီၢ်မၤသကိးတၢ်တဖၣ်ကန့ၢ်အဂီၢ် ကၠီၣ်တဲၣ်ပဒိၣ် တၢ်သမံသမိး၀ဲၤကျိၤလီၤဆီ(DSI) တီၣ်ထီၣ်ဆူ စံၣ်ညီၣ်ကွီၢ်ခိၣ်ကျၢၢ်အအိၣ် ဖဲလါမးရှး(၃)သီအနံၤအဂ့ၢ် ကၠီၣ်တဲၣ်တၢ်ကစီၣ်သန့တခါလၢအမ့ၢ်Khaosod English ပၥ်ဖျါဃၥ်၀ဲန့ၣ်လီၤ.
တၢ်သမံသမိး၀ဲၤကျိၤလီၤဆီ(DSI)တီၣ်ထီၣ်လၢ တၢ်ကဖီၣ် ကညီသုးခိးကီၢ်ဆၢ(BGF)အခိၣ်တဖၣ်အဂီၢ်အံၤ ဘၣ်ထွဲဒီးတၢ်ကူလဲၢ်မၤကၤပှၤကညီတၢ်ဖံးတၢ်မၤတဖၣ်လၢ တၢ်မၤအီၤလၢ ကီၢ်ပူၤဒီးထံဂုၤကီၢ်ဂၤထံကီၢ်တဖၣ်အဂ့ၢ် စံး၀ဲန့ၣ်လီၤ.
DSI အတၢ်ဒုးလီၤပှီၢ်တၢ်ကူလဲၢ်မၤကၤ၀ဲၤဒ့ ပှၤနဲၣ်တၢ် ပၢၤကီၢ်ခိၣ် Siriwit Kasemsuapအံၤ ကလိၥ်ဘၢလိၥ်ကွီၢ် သုးခိၣ်ဒိၣ်စီစီၤခၠံးသူၣ်ဒီးအပှၤပၣ်ဃုၣ်ပၣ်ဂီၤမၤသကိးတၢ်တဖၣ်အဂီၢ်ထၢဖှိၣ်ဃၥ်၀ဲတၢ်ဂ့ၢ်တၢ်ကျိၤတၢ်မၤနီၣ်မၤဃါတဖၣ် ပၥ်ဂၢၢ်ပၥ်ကျၢၤ၀ဲလံအဂ့ၢ် တၢ်ကစီၣ်ပၥ်ဖျါဃၥ်၀ဲန့ၣ်လီၤ.
ဘၣ်ဆၣ်ဒီး စံၣ်ညီၣ်ကွီၢ်ခိၣ်ကျၢၢ်သမံသမိး၀ဲ တၢ်မူၤတၢ်ရၤအံၤအဆၢကတီၢ် တၢ်ကပၥ်ခူသူၣ်ဃၥ်၀ဲ တၢ်ဂ့ၢ်တၢ်ကျိၤလီၤတံၢ်လီၤဆဲးတဖၣ်အဂ့ၢ် စံး၀ဲန့ၣ်လီၤ.
ကညီသုးခိးကီၢ်ဆၢ(BGF)အခိၣ် သုးခိၣ်ဒိၣ်စိ စီၤခၠံးသူၣ် မ့ၢ်ဟဲနုၥ်လီၤလၢ ကီၢ်ကၠီၣ်တဲၣ်ပူၤတဘျီဃီန့ၣ် တၢ်ကဖီၣ်ဟံးန့ၢ်ဂ့ၢ်၀ီအဂ့ၢ် ကၠီၣ်တဲၣ်တၢ်ဒီတဒၢကိတိၥ်စ့ၢ်ကီး တဲလီၤဃၥ်၀ဲန့ၣ်လီၤ.
(BGF)အခိၣ် သုးခိၣ်ဒိၣ်စိ စီၤခၠံးသူၣ်, သုးခိၣ်ဒိၣ်ဂီၢ်ဂ့ၢ် စီၤမိးသိၣ်ဒီး သုးခိၣ်ဒိၣ်ဖိ စီၤတ့ၣ်၀့တဖၣ် ဘၣ်တၢ်ဖီၣ်အီၤလၢဘၣ်ထွဲ တၢ်ကူလဲၢ်မၤကၤတၢ်ဖံးတၢ်မၤတဖၣ်အဂီၢ် ကၠီၣ်တဲၣ်ပဒိၣ် တၢ်သမံသမိး၀ဲၤကျိၤလီၤဆီ(DSI) တီၣ်ထီၣ်ဃၥ်၀ဲဆူ လါဖ့ၤဘြူၤအါရံၤအပူၤန့ၣ်လီၤ.
ကၠီၣ်တဲၣ်ပဒိၣ်တဖၣ် တဲပဲၥ်အၢပဲၥ်သီ၀ဲလၢ BGFခိၣ်နၢ်တဖၣ် ပၣ်ဃုၣ်ပၣ်ဂီၢ်မၤသကိးတၢ်လၢ တၢ်ကူလဲၢ်မၤကၤပှၤကညီတၢ်ဖံးတၢ်မၤတဖၣ်အပူၤ ဘၣ်ဆၣ် မ့မ့ၢ်လၢ BGFတပၤ ဂ့ၢ်လိၥ်ဃၥ်၀ဲန့ၣ်လီၤ.
Ref:RFA
