လါမးရှး(၃)သီ,၂၀၂၅နံၣ်
ကညီကီၫ်စဲၣ်,ကီးတရံးကီၫ်ဆၣ်အပူၤ သုးကီၣ်ကးအသုးဒီးကညီဒီကလုာ်တၫ်ထူၣ်ဖျဲးသုးမုၫ်ဒိၣ် (KNLA)သုးပာ်ဖှိၣ် တဖၣ်အဘၢၣ်စၢၤ တၫ်ဒုးဆူၣ်ထီၣ်ကဒီး၀ံၤ ခံကပၤလၢာ် တၫ်သံတၫ်ပှၫ်အိၣ်၀ဲအဂ့ၫ် လီၫ်က၀ီၤသုးဂ့ၫ်၀ီဂ့ၫ်ခီၣ်ထံး တၫ် ကစီၣ်တဲ၀ဲန့ၣ်လီၤ.
စးထီၣ်လၢလါဖ့ၤဘြူၤအါရံၤတ၀ာ်အပူၤ တုၤလၢကနံၤအံၤ တၫ်ဒုးဆူၣ်ထီၣ်ကဒီး၀ံၤသုးကီၣ်ကးအိၣ်ကတီၤဃာ်သုးဖဲ ကီးတရံး ဒုးယၤဂ့ၫ်၀ီတၫ်ပၢဆှၢရဲၣ်ကျဲၤ၀ဲၤလီၫ်ခိၣ်သ့ၣ်(စကခ-၁၂),ကၠိၣ်ဒိ,နဘူဒီးခီၣ်ချ့သုးရ့ၣ်(ခလရ-၉၇)ပာ်ဃုာ် အီၣ် စ့ၣ်ယးဒုးယၤဂ့ၫ်၀ီ,တၫ်ပၢဆှၢရဲၣ်ကျဲၤတၫ်မဲာ်ညါသုးကလၢၤဒီးဖဲရွှ့ၣ်ကၠဲးမ့သီခါဖၠၣ်သုးကလၢၤတဖၣ်န့ၣ်လီၤ.
“သုးကီၣ်ကးတကပၤ လၢကတီၫ်အံၤ သုးက့နီၫ်ဂံၫ်(၆)ဟီၫ်က၀ီၤပူၤ အီၣ်စ့ၣ်ယးဒုးယၤတၫ်ရဲၣ်တၫ်ကျဲၤကမၤနၢၤ တၫ် အဂီၫ်,ကီးတရံး-ရၤမတံ အ့ရှၢၣ်ကျဲကပၢဆှၢကဒါက့ၤ၀ဲအဂီၫ် ထီၣ်ဒုးဃီၤ၀ဲတန့ၫ်ဘၣ်အဃိ ပာ်ထီၣ်တၫ်ဂ့ၫ်လၢ ကၠါဖၠး ၀ံၤကူၣ်ကျဲၤတၫ်အကလုာ်ကလုာ်ဘၣ်ဆၣ် တကဲထီၣ်လိၣ်ထီၣ်ဘၣ်.တၫ်န့ၣ်အဃိ ဒုး၀ဲလၢကလံၤကျါကန့ၫ်အဂီၫ် ဆှၢ ဃာ်ဒြိတဖၣ်ဆူ ၀့ၫ်ကီးတရံးအဂ့ၫ်”ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
လၢကတီၫ်အံၤသုးကီၣ်ကးအသုးလၢအိၣ်ဖဲကၠိၣ်ဒိ,နဘူး,စကခ-၁၂,ခလရ(၉၇)သုး,ဒီးလၢရွှ့ၣ်ကၠဲးမ့တၫ်လီၫ်တဖၣ် သုးကီၣ်ကးပျၫ်ထီၣ်ဒြိလၢမုၫ်နၤမုၫ်ဆါဒီးကွၫ်စုာ်တၫ်၀ံၤမၤ၀ဲကလံၤကျါဒုးယၤခီဖျိလၢဒြိတဖၣ်အဂ့ၫ်တဲ၀ဲလီၤ.
သုးကီၣ်ကးအဒြိလၢဟးကွၫ်စုာ်တၫ်တဖၣ် တၫ်ကခီၣ်ဆၢဒုးကဒါက့ၤအီၤလၢဒြိတဖၣ်အဂီၫ် KNLAသုးပာ်ဖှိၣ်တဖၣ် မၤ၀ဲအသိး,သုးကီၣ်ကးအသုးကျိၤလၢဟဲထီၣ်တဖၣ်စ့ၫ်ကီး က၀ီၤကးတံာ်ဒုး၀ဲန့ၣ်လီၤ.
KNLAသုးပာ်ဖှိၣ်တဖၣ် တြီဆၢဃာ်၀ဲ အီၣ်စ့ၣ်ယးသုးကျိၤလၢဟဲထီၣ်ဒီးဂံၫ်ဘါလၢအကထိတဖၣ်အဂ့ၫ်တဲ၀ဲလီၤ.
သုးပာ်ဖှိၣ်တဖၣ် ဖဲအပူၤကွံာ် ၂၀၂၄နံၣ်အပူၤန့ၣ် ထီၣ်ဒုးမၤန့ၫ်၀ဲ ၀့ၫ်ရၤမတံဟီၣ်က၀ီၤပူၤ,သ့ၣ်ခါညံၣ်နီၣ် တၫ်တိာ်ကူၣ် ကျဲၤသုးကလၢၤ,လ့က့ၣ်ကီၣ်ဒီးရၤမတံသုးခိး၀့ၫ် ခမရ-၂၇၅)တဖၣ်အဂ့ၫ် တၫ်သ့ၣ်ညါဘၣ်လီၤ.
တၫ်န့ၣ်အဃိ သုးကလၢၤလၢဘၣ်ပျၫ်ကွံာ်၀ဲတဖၣ် ကမၤန့ၫ်ကဒါက့ၤ၀ဲအဂီၫ် အီၣ်စ့ၣ်ယးဒုးယၤတၫ်ရဲၣ်တၫ်ကျဲၤ လၢဂံၫ် ဘါအိၣ်(၁၀၀၀)ဘျဲၣ်အံၤ ဘၣ်တၫ်ပၢဆှၢရဲၣ်ကျဲၤ၀ဲခီဖျိလၢ သုးကီၣ်ကးအခိၣ်ခံ စိ၀့အဂ့ၫ် တၫ်သ့ၣ်ညါဘၣ်လီၤ.
အီၣ်စ့ၣ်ယးသုးကျိၤအံၤ တၤလီၤအသးလၢကဟဲထီၣ်ဆူ ၀့ၫ်ရၤမတံလၢ(၄)သီအတီၫ်ပူၤ၀ံၤ စးထီၣ်ဖဲ၂၀၂၄နံၣ် လါအ့ဖြ့ၣ်(၉)သီနံၤန့ၣ် အိၣ်ဟဲထီၣ်လၢ ဖၣ်အၣ်ဒီးမီၣ်လမၠဲၣ်တကပၤန့ၣ်လီၤ.
လၢကတီၫ်အံၤ အီၣ်ဟ့ၣ်ယးဒုးယၤတၫ်ရဲၣ်တၫ်ကျဲၤန့ၣ် တၫ်ဆၢကတီၫ်ယံာ်ထီၣ်(၁)လံဒီးကိးမုၫ်နံၤဒဲးဃၣ်ဃၣ် တၫ်ဒုးကဲထီၣ်၀ဲအဂ့ၫ် တၫ်သ့ၣ်ညါဘၣ်လီၤ.
Ref: VOM
