လါဖ့ၤဘြူၤအါရံၤ(၂၈)သီ,၂၀၂၅နံၣ်
တၢ်အၢၣ်လီၤလၢယူၣ်ကရ့ၣ်ကပျဲအမဲရကၤကဟဲဟံးန့ၢ်ဟီၣ်ခိၣ်လီၤဆီအဂီၢ်အိၣ်ဒီးတၢ်ကဆဲးလီၤမံၤစဲပနီၣ်ဒီးယူၣ်ကရ့ၣ်ကီၢ်ခိၣ်အဂ့ၢ် ကီၢ်ခိၣ် Donald Trump တဲလီၤ၀ဲဖဲ မုၢ်ပျဲၢ်အနံၤန့ၣ်လီၤ. တၢ်ဆီၣ်ထွဲမၤစၢၤလၢ အမဲရကၤမၤစၢၤတ့ၢ်၀ဲယူၣ်ကရ့အဂီၢ်တၢ်လၢၥ်ဘူၣ်လၢၤစ့ၤတဖၣ် ယူၣ်ကရ့ကဟ့ၣ်က့ၤအီၤလၢ ဟီၣ်ခိၣ်လီၤဆီအဂီၢ် တၢ်အၢၣ်လီၤအဂ့ၢ် ကီၢ်ခိၣ် Trumpစံး၀ဲန့ၣ်လီၤ.
လါဖ့ၤဘြူၤအါရံၤ(၂၈)သီအနံၤန့ၣ် ကီၢ်ခိၣ် Volodymyr Zelenskyyကလဲၤဆူ ဟံၣ်၀ါ၀ံၤ ကဆဲးလီၤ တၢ်အၢၣ်လီၤမံၤစဲပနီၣ်အသိး ကထံၣ်လိၥ်တဲသကိးစ့ၢ်ကီး ဘၣ်ထွဲဒီးတၢ်ဒုးတၢ်ယၤအဂ့ၢ် ကီၢ်ခိၣ် Donald Trumpတဲလီၤ၀ဲန့ၣ်လီၤ.
ခီဖျိလၢ တၢ်အၢၣ်လီၤအံၤအဃိ ကဒိးန့ၢ်ဘၣ်တၢ်ဘၣ်ဘျူးအါအါဂီၢ်ဂီၢ်အဂ့ၢ်စ့ၢ်ကီး စံး၀ဲန့ၣ်လီၤ. ဘၣ်ဆၣ်ဒီး တၢ်ပညိနီၢ်နီၢ်တခီ ကမၤကတၢၢ်ကွံၥ် တၢ်ဒုးလၢ အမၤသံတ့ၢ် ရၢရှၣ်ဒီးယူၣ်ကရ့ သုးမုၢ်သံၣ်ဘိဒီးထံဖိကမျၢၢ်ဖိတဖၣ်အဂီၢ်အဂ့ၢ် ကီၢ်ခိၣ် Donald Trump စံး၀ဲန့ၣ်လီၤ.
တၢ်မၤစၢၤတ့ၢ် အမဲရကၤ စ့ဒီလၣ်ဘံၣ်လံၣ်ယၣ်(၁၀၀)ဘျဲၣ် စုက၀ဲၤတၢ်မၤစၢၤတဖၣ်လၢ ယူၣ်ကရ့တဖၣ်၀ံၤ တၢ်စုက၀ဲၤတဖၣ်မ့ၢ်တအိၣ်ဘၣ်န့ၣ် ခီၣ်ဆၢဒုးက့ၤ၀ဲ ရၢရှၣ်တန့ၢ်ဘၣ်ဒီး တၢ်ဒုးတဖၣ်ပတုၥ်ကွံၥ်သး ဖးယံၤလံအဂ့ၢ် ကီၢ်ခိၣ်ထရၢးစံး၀ဲန့ၣ်လီၤ. တၢ်ဒုးကကတၢၢ်ကွံၥ်အဂီၢ် ကထံၣ်လိၥ်သးဒီး ကီၢ်ခိၣ် Zelenskyyတကးဘၣ် ကထံၣ်လိၥ်သးစ့ၢ်ကီးဒီး ရၢရှၣ်ကီၢ်ခိၣ် Vladimir Putin၀ံၤ ဆၢမုၢ်လၣ်လၢ ကဒိးန့ၢ် တၢ်အၢၣ်လီၤအဂ့ၢ် စံး၀ဲန့ၣ်လီၤ. မ့မ့ၢ်လၢ ယူၣ်ကရ့ကကဲထီၣ်ဘၣ် NATO သုးဂ့ၢ်၀ီသိၣ်မှံအဂီၢ်တခီ တၢ်ကသးပ့ၤနီၢ်ကွံၥ်အဂီၢ် ကီၢ်ခိၣ် Trumpစံး၀ဲန့ၣ်လီၤ.
တၢ်အၢၣ်လီၤလၢ ဘၣ်ထွဲဒီးဟီၣ်ခိၣ်လီၤဆီတၢ်တိၥ်ကျဲၤန့ၣ် ဒိးန့ၢ်ဘၣ်၀ဲလံဘၣ်ဆၣ် မ့မ့ၢ်လၢ တၢ်ကအုၣ်ကီၤ ယူၣ်ကရ့ပဒိၣ်အဂီၢ် အရ့ဒိၣ်လၢယူၣ်ကရ့တၢ်ဘံၣ်တၢ်ဘၢဂ့ၢ်၀ီအဖီခိၣ်တခီ ကဆဲးတဲသိးတၢ်ဒီး အမဲရကၤအဂ့ၢ် Kyiv မၤ၀ဲတၢ်တဲနၢ်ပၢၢ်တၢ်ပရၢမူးအဆၢကတီၢ် Zelenskyy တဲလီၤ၀ဲန့ၣ်လီၤ.
Ref: VOA
