လါဖ့ၤဘြူၤအါရံၤ(၂၈)သီ, ၂၀၂၅နံၣ်
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုးကဘီယူၤဒုးသုး ဟဲတ့ၢ်လီၤမ့ၣ်ပိၢ်ဆူ ခ့ၣ်အဲၣ်ယူၣ်-ကီၢ်ရ့ၣ်ဒူပျၥ်ယၥ်, နိၣ်တကီကီၢ်ဆၣ်, ခိၣ်န၀ၣ်သ၀ီပူၤအဃိ ဘၣ်သံ၀ဲလီၢ်က၀ီၤပိၥ်မုၣ်(၁)ဂၤဒီး ဘၣ်ဒိ၀ဲလွံၢ်ဂၤအဂ့ၢ် တၢ်သ့ၣ်ညါဘၣ်လၢ လီၢ်က၀ီၤဖိတဖၣ်အအိၣ်န့ၣ်လီၤ.
ဖဲအပူၤကွံၥ် လါဖ့ၤဘြူၤအါရံၤ(၂၆)သီအနံၤ, ဂီၤ(၁၀)နၣ်ရံၣ်အဆၢကတီၢ် တၢ်ဒုးကဲထီၣ်သးတအိၣ်ဘၣ်း သုးကီၣ်ကးအသုးကဘီယူၤဒုးသုး ဟဲတ့ၢ်လီၤမ့ၣ်ပိၢ်(၂)ဖျၢၣ်ဆူ ခိၣ်န၀ၣ်သ၀ီပူၤန့ၣ်လီၤ.
ခီဖျိ သုးကီၣ်ကးအသုး ဟဲတ့ၢ်လီၤမ့ၣ်ပိၢ်အပူၤ ခိၣ်န၀ၣ်သ၀ီဖိပိၥ်မုၣ်လၢသးနံၣ်အိၣ်(၄၀)ဘၣ်သံ၀ဲတဂၤဒီး သးနံၣ်(၅)နံၣ်ဒီး(၇)နံၣ်ဖိသၣ်ခံဂၤပၥ်ဃုၥ် လီၢ်က၀ီၤလွံၢ်ဂၤ ဘၣ်ဒိ၀ဲန့ၣ်လီၤ.
တၢ်ဘၣ်ဒိဘၣ်ထံးဒိၣ်ဒိၣ်မုၢ်မုၢ်ခံဂၤလၢအမ့ၢ် ဖိသၣ်တဂၤဒီးပိၥ်ခွါတဂၤတဖၣ်တခီ လဲၤကူစါယါဘျါအသးဆူ လမဲ၀့ၢ်ကမျၢၢ်တၢ်ဆါဟံၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
ခီဖျိသုးကီၣ်ကးအသုး ဟးတ့ၢ်လီၤမ့ၣ်ပိၢ်တဖၣ်လၢကလံၤကျါအဃိ လီၢ်က၀ီၤကမျၢၢ်တနီၤ ပျံၤတၢ်ဖူးတၢ်အဃိ ပၥ်တ့ၢ်အိၣ်ဆိးလီၢ်ကျဲဘၣ်ဃ့ၢ်ပူၤဖျဲးသးတဖၣ်အိၣ်ထီၣ်၀ဲအဂ့ၢ် စံး၀ဲန့ၣ်လီၤ.
BMC အတၢ်မၤနီၣ်စရီတဖၣ်အဖီခိၣ် ထံကီၢ်ဒီတဘ့ၣ်အပူၤ သုဟံးန့ၢ်ဆူၣ်ထံကီၢ်တၢ်စိတၢ်ကမီၤအတီၢ်ပူၤ ခီဖျိသုးကီၣ်ကးအသုး မၤ၀ဲကလံၤကျါတၢ်ဒုးတဖၣ်အဃိ လီၢ်က၀ီၤကမျၢၢ်ဘၣ်သံတ့ၢ်၀ဲ တစှၤန့ၣ်(၃၆၀၀)ဂၤန့ၣ်လီၤ.
Ref: Than Lwin Times
