လါဖ့ၤဘြူၤအါရံၤ(၂၇)သီ,၂၀၂၅နံၣ်
ဖဲလါဖ့ၤဘြူၤအါရံၤ(၂၄)သီန့ၣ် သုးကီၣ်ကးလီၫ်ခၢၣ်သးစ့တၢး ဘိးဘၣ်ရၤလီၤ၀ဲလၢ လၢထံဂုၤကီၫ်ဂၤကျိာ်စ့တၫ်ဆါ တၫ်ပှ့ၤအပူၤကဆါလီၤန့ၫ်၀ဲ စဲးဖီကဟၣ်သိတၫ်မၤကစၫ်တဖၣ် အမဲရကၤဒီလၣ်(၂၃)ကကွဲၫ်ဒီးကၠီၣ်တဲၣ်စ့ဘး အက ကွဲၫ်(၁၅၀)အဂ့ၫ်န့ၣ်လီၤ.
လီၫ်ခၢၣ်သးစ့တၢးန့ၣ် လၢအခဲအံၤလါဖ့ၤဘြူၤအါရံၤအပူၤ ဆါလီၤန့ၫ်၀ဲ တၫ်မၤကစၫ်လၢတီၣ်သီနုာ်ပနံာ်ဒီးစဲးဖီကဟၣ် သိတၫ်မၤကစၫ်တဖၣ် အမဲရကၤဒီလၣ်(၆၅)ကကွဲၫ်,ကၠီၣ်တဲၣ်စ့ဘး(၉)ကကွဲၫ်ဒီးတရူးယွၣ်(၇)ကကွဲၫ်ဘျဲၣ်န့ၣ်လီၤ.
ဆါလီၤန့ၫ်၀ဲဒ်သိးအံၤသနာ်က့ လၢတကပၤ ဒိးသန့ၤထီၣ်အသးလၢစ့ၣ်ကပူၣ် MOPSအပှ့ၤကလံၤဒီးတၫ်ချၢစ့ဒီလၣ်အ ပှ့ၤကလံၤ အဖီခိၣ်၀ံၤ စဲးဖီကဟၣ်သိလၢညီနုၫ်အပှ့ၤကလံၤ ထီၣ်,လီၤအံၤ ဖဲဒီၣ်လၣ်မ့ၫ်ဂ့ၤ စ့ၣ်ကဖူၣ် MOPSရ့ၣ်နီၣ်သိ အပှ့ၤကလံၤ အိၣ်ဖျါလၢအလီၤတကပၤအဆၢကတီၫ် အပူၤကွံာ်စှၤနွံန့ၣ် အပှ့ၤကလံၤဟဲဒိၣ်ထီၣ်တစဲးန့ၣ်လီၤ.
အမဲရကၤစ့ဒီလၣ်ဒီးကီၫ်ပယီၤစ့ကၠး တၫ်ဆီတလဲအလုၫ်အပှ့ၤန့ၣ် အပူၤကွံာ် လါဖ့ၤဘြူၤအါရံၤ(၂)နွံတနွံအပူၤ (၁)ဒီ လၣ်န့ၣ် အိၣ်လၢ ၄,၈၀၀ကၠး၀ံၤ အခဲအံၤလါဖ့ၤဘြူၤအါရံၤအလီၫ်ခံကတၢၫ်တနွံအပူၤတခီ လီၤက့ၤတုၤလၢ(၁)ဒီလၣ် န့ၣ် ၄,၄၅၀ကၠးညါန့ၣ်လီၤ.
ဒ်န့ၣ်အသိး ကၠီၣ်တဲၣ်စ့ဘးအလုၫ်အပှ့ၤန့ၣ် ဖဲလါဖ့ၤဘြူၤအါရံၤ(၂)နွံတနွံန့ၣ် ကၠီၣ်တဲၣ်(၁)ဘးန့ၣ် အိၣ်၀ဲကီၫ်ပယီၤစ့ ၁၃၈ကၠး၀ံၤ လၢကတီၫ်အံၤ လီၤက့ၤတုၤလၢ ၁၃၂ကၠးအသိး တရူးယွၣ်စ့ၫ်ကီး (၁)ယွၣ်န့ၣ် အိၣ်၀ဲ ကီၫ်ပယီၤစ့(၆၅၀) ကၠးဒီးအခဲအံၤလီၤတုၤလၢ(၆၁၆)ကၠးန့ၣ်လီၤ.
ထံဂုၤကီၫ်ဂၤတၫ်ဆီတလဲကျိာ်စ့အပှ့ၤကလံၤ လီၤ၀ဲဘၣ်ဆၣ် ကနံာ်အပှ့ၤကလံၤအါတက့ၫ်ဒု လၢကတီၫ်အံၤ တလီၤဒံး ဘၣ်အဂ့ၫ် တၫ်သ့ၣ်ညါဘၣ်လီၤ.
