လါဖ့ၤဘြူၤအါရံၤ(၂၆)သီ, ၂၀၂၅နံၣ်
အမဲရကၤပဒိၣ် တၢ်ဂုၤထီၣ်ပသီကရၢ USAID ပတုၥ်ဃၥ်တၢ်ဆီၣ်ထွဲမၤစၢၤလၢ အသီ(၉၀)အတီၢ်ပူၤအဃိ ဆူၣ်ဒၣ်ကမျၢၢ်ဘူးထီၣ်ခံကကွဲၢ်အဖီခိၣ် တၢ်ဘၣ်ဒိဘၣ်ထံးအိၣ်၀ဲအဂ့ၢ် ကရၢလၢအမၤစၢၤ၀ဲတဖၣ် ဒွးတယၥ်၀ဲန့ၣ်လီၤ.
တၢ်ဒိသူၣ်ဒိသးတၢ်ဆီၣ်ထွဲမၤစၢၤတဖၣ် ပတုၥ်ကွံၥ်အဃိ ကီၢ်ဆူၣ်ဒၣ်လၢထံလီၢ်ကီၢ်ပူၤတၢ်ဒုးတၢ်ယၤကဲထီၣ်အံၤအပူၤ တၢ်ဘၣ်ပတုၥ်ကွံၥ်၀ဲ တၢ်ပၥ်တၢ်အီၣ်ဒၢးလီၢ်(၁,၁၀၀)ဘျဲၣ်အဂ့ၢ် စံး၀ဲန့ၣ်လီၤ.
တၢ်ပၥ်တၢ်အီၣ်ဒၢးလီၢ်(၁,၁၀၀)ဘျဲၣ်လၢတၢ်ဘၣ်ပတုၥ်ကွံၥ်အီၤအံၤအမျးကယၤအိၣ်ဃိးဆံးဃၣ်ဃၣ်ဒီးတၢ်အိးထီၣ်ဃၥ်၀ဲဒ်သိး တၢ်ကမၤစၢၤ ပှၤဆူၣ်ဒၣ်ဘၣ်ကီဘၣ်ခဲဖိတဖၣ်အဂီၢ်န့ၣ်လီၤ.
ကီၢ်ဆူၣ်ဒၣ်သုးမုၢ်ဒိၣ်ဒီး RSFသုးအဘၢၣ်စၢၤ တၢ်သဘံၣ်သဘုၣ်လၢ စးထီၣ်ကဲထီၣ်သးဖဲ ၂၀၂၃နံၣ်, လါအ့ဖဖြ့ၣ်အံၤအပူၤ ကမျၢၢ်လၢအကကွဲၢ်တဖၣ် ဘၣ်ပၥ်တ့ၢ်အိၣ်ဆိးလီၢ်ကျဲအသိး ပှၤအကလးတဖၣ်စ့ၢ်ကီး ဘၣ်သံ၀ဲဒၣ်န့ၣ်လီၤ.
တၢ်ဒုးတၢ်ယၤတဖၣ်အပူၤ ဆူၣ်ဒၣ်ကမျၢၢ်လၢဘၣ်ကွၢ်ဆၢၣ်မဲၥ်ဘၣ် တၢ်သၣ်၀ံၤလီၤဒိတဖၣ်အဂီၢ် ဂ့ၢ်ဂီၤအူတၢ်ခီၣ်ဆၢကရၢတဖၣ် အိးထီၣ်မၤ၀ဲ တၢ်ပၥ်တၢ်အီၣ်ဒၢးလီၢ်တဖၣ်န့ၣ်လီၤ.
ဆူၣ်ဒၣ်ပှၤဘၣ်ကီဘၣ်ခဲဖိတဖၣ်အပူၤ ဖိသၣ်,ပိၥ်မုၣ်ဒီးပှၤသးပှၢ်တဖၣ် ပၥ်ဃုၥ်၀ံၤ အီၣ်ဘၣ်၀ဲမ့ၤ တနံၤတဘျီလီၤအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်တထံၣ်ဘၣ်လၢ တၢ်ဒုးတၢ်ယၤတဖၣ်ကကတၢၢ်ကွံၥ်အဂီၢ်ဘၣ်ဆၣ် မ့မ့ၢ်လၢ ဆူၣ်ဒၣ်ကမျၢၢ်တဖၣ်တခီ ဆၢမုၢ်လၢ်၀ဲလၢ ကက့ၤဘၣ်ဆူအလီၢ်အကျဲလၢဃုၥ်ဒီးတၢ်မုၥ်တၢ်ခုၣ်အပူၤန့ၣ်လီၤ.
ဖဲအပူၤကွံၥ်နွံတဖၣ်အပူၤန့ၣ် ဘီမုၢ်စၢဖှိၣ်ကရၢ ပှၤဘၣ်မူဘၣ်ဒါတဖၣ် ဃ့ထီၣ်စ့ပၥ်ကီၤဒီၣ်လၣ်(၆)ဘံၣ်လံၣ်ယၣ်လၢ ကီၢ်ဆူၣ်ဒၣ်အဂီၢ်န့ၣ်လီၤ. တၢ်အံၤဒ်သိး ကမၤစၢၤဘၣ် ထံလီၢ်ကီၢ်ပူၤဘၣ်ကီဘၣ်ခဲဖိ(၂၁)ကကွဲၢ်ဒီး ပှၤဘၣ်ကီဘၣ်ခဲဖိလၢလဲၤတုၤဆူ ထံကီၢ်လၢအိၣ်ဘူးလိၥ်သးတဖၣ်အပူၤ ခဲလၢပၥ်ဖှိၣ်ယဲၢ်ကကွဲၢ်အဂီၢ်န့ၣ်လီၤ.
လၢန့ၣ်အမဲၥ်ညါ တၢ်လီၢ်ယဲၢ်တီၤလၢအလီၤဂၥ်ဒ်သိးတၢ်ဖၣ်ဘၣ်ကီဘၣ်ခဲဒဲက၀ီၤတဖၣ်အပူၤ ဘၣ်ကွၢ်ဆၢၣ်မဲၥ်ဘၣ်ဒီး တၢ်သၣ်၀ံၤလီၤဒိတၢ်အိၣ်သးတဖၣ်အဂ့ၢ် ဘီမုၢ်စၢဖှိၣ်ကရၢ ပၥ်ဖျါဃၥ်၀ဲလၢ အလံၥ်ပၥ်ဖျါအပူၤန့ၣ်လီၤ.
Source : Reuters
