လါဖ့ၤဘြူၤအါရံၤ(၂၆)သီ,၂၀၂၅နံၣ်
လၢဘီမုၫ်စၢဖှိၣ်ကရၢတၫ်ဘံၣ်တၫ်ဘၢကီၣ်ကးအပူၤ တၫ်မၤကတၢၫ်ကွံာ် ရၢရှၢၣ်-ယူၣ်ကရ့ တၫ်ဒုးအဂီၫ် အမဲရကၤ တီၣ်ဆှၢထီၣ်တ့ၫ်”တၫ်မုာ်တၫ်ခုၣ်အဂီၫ်ကျဲ”လၢဟ့ၣ်ဃာ်၀ဲအမံၤအံၤ တၫ်ဆၢတဲာ်န့ၣ် တဲ၀ဲလၢတၫ်တီတၫ်တြၫ်အိၣ်၀ဲအဂ့ၫ် ရၢရှၢၣ်တူၫ်လိာ်၀ဲလီၤ.ဘၣ်ဆၣ်တၫ်ဆှၢနုာ်၀ဲအံၤ အဲကလံးဒီးယူၤရပၤသိၣ်မှံၤတဖၣ်တခီ တတူၫ်လိာ်၀ဲထဲန့ၣ်ညါ ဘၣ်.
အမဲရကၤအတၫ်ဆှၢနုာ်န့ၣ် တၫ်အၢၣ်လီၤတူၫ်လိာ်အဂီၫ် မ့ၫ်တၫ်ထဲးဂံၫ်ထဲးဘါတခါအဂ့ၫ် ရၢရှၢၣ်ပဒိၣ်ပှၤတဲတၫ်ပၢ Dmitry Peskovန့ၣ် ဖဲလါဖ့ၤဘြူၤအါရံၤ(၂၅)သီအနံၤန့ၣ် တဲလီၤ၀ဲလီၤ.
ဖဲလါဖ့ၤဘြူၤအါရံၤ(၂၄)သီအနံၤ ပာ်လီၤဃာ်၀ဲ ဘီမုၫ်စၢဖှိၣ်ကရၢတၫ်ဘံၣ်တၫ်ဘၢကီၣ်ကးအတၫ်ဆၢတဲာ်အပူၤ ရၢရှၢၣ-ယူၣ်ကရ့တၫ်ဒုးအပူၤ ပှၤလၢအသးသမူဘၣ်ဟါမၫ်ကွံာ်တဖၣ်အဂီၫ် သူၣ်အုးသးအုးအဂ့ၫ်ပာ်ဖျါ၀ဲအသိး,ဘီမုၫ်စၢဖှိၣ် ကရၢအမူအဒါန့ၣ် မ့ၫ်လၢထံဂုၤကီၫ်ဂၤတၫ်မုာ်တၫ်ခုၣ်ဒီးတၫ်ဘံၣ်တၫ်ဘၢအဂီၫ်၀ံၤ တၫ်ဂ့ၫ်လိာ်ဘှီလိာ်တဖၣ် မ့ၫ်လၢတၫ် ကဘှါဆှဲအီၤလၢတၫ်မုာ်တၫ်ခုၣ်အဂီၫ်အဂ့ၫ် ပာ်ဖျါ၀ဲလီၤ.တကးဘၣ်တၫ်သဘံၣ်သဘုၣ်တဖၣ် တၫ်မၤကတၢၫ်ကွံာ်အီၤ လၢအဆိအချ့ကန့ၫ်အဂီၫ် တီၣ်ဖျါထီၣ်၀ဲအသိး ယူၣ်ကရ့-ရၢရှၢၣ်အဘၢၣ်စၢၤ တူၫ်ယံာ်တၫ်မုာ်တၫ်ခုၣ်ကအိၣ်ဂၢၫ်ဆိးကျၢၤအဂီၫ် တၫ်ကမၤထွဲ၀ဲအဂီၫ်စ့ၫ်ကီး ဆီၣ်တခူထီၣ်ဃာ်၀ဲလီၤ.
တၫ်ဆှၢနုာ်၀ဲအံၤ လၢပှၤခဲလၢာ်အဂီၫ် ကဒုးလဲၤ၀ဲဆူ တၫ်မုာ်တၫ်ခုၣ်ကျဲဖီခိၣ်အဂ့ၫ်စ့ၫ်ကီး ဘီမုၫ်စၢဖှိၣ်ကရၢ အမဲရကၤ မီၫ်သီလီၤဆီ Dorothy Sheaန့ၣ် တဲဘၣ်၀ဲ တၫ်ဘံၣ်တၫ်ဘၢကီၣ်ကးကရၢဖိတဖၣ်န့ၣ်လီၤ. တၫ်အံၤမ့ၫ်ခီၣ်ခါအဆိက တၢၫ်လၢအရ့ဒိၣ်အဃိ ကြၢးလၢပှၤကိးဂၤ ပာ်ကဖၢလၢဘၣ်အသးအဂ့ၫ် တဲ၀ဲလီၤ.ယူၣ်ကရ့,ရၢရှၢၣ်တကးဘၣ် လၢထံ ဂုၤကီၫ်ဂၤတဖၣ်အဂီၫ် ကဒုးအိၣ်ထီၣ်၀ဲခါဆူညါတၫ်မုာ်တၫ်ခုၣ်အဂီၫ် ကသူ၀ဲကျဲ၀ဲအံၤအဂ့ၫ်စ့ၫ်ကီး မီၫ်သီလီၤဆီ Dorothy Sheaတဲ၀ဲလီၤ.
တၫ်ဆှၢနုာ်လၢအမဲရကၤတီၣ်ဖျါထီၣ်အံၤ အမဲရကၤ,ရၢရှၢၣ်ဒီးတရူးတဖၣ် တူၫ်လိာ်ဆီၣ်ထွဲ၀ဲ၀ံၤ အဲကလံးဒီးယူၤရပၤ ကီၣ်ကးထံကီၫ်(၄)ဘ့ၣ်တခီ တဟ့ၣ်တ့ၫ်တၫ်ဖးဘၣ်.ပှၤလၢဟ့ၣ်တၫ်ဖးထီဒါတအိၣ်စ့ၫ်ကီးဘၣ်.ဖြၣ်စ့ၣ်ဒီးအဲကလံးန့ၣ် ဘၣ်ထွဲဒီးတၫ်ကနီၤဖးလီၤတၫ်ဖးတၫ်ဂ့ၫ်န့ၣ် ဂုာ်ကျဲစၢးသုးတၫ်ဆၢကတီၫ်ဘၣ်ဆၣ် တကဲထီၣ်လိၣ်ထီၣ်ဘၣ်.အလီၫ်ခံ အဲးကလံး,ဖြၣ်စ့ၣ်,ဒ့မး,ကရံး,ဆလိၣ်ဘ့နံယါထံကီၫ်တဖၣ် ကျဲစၢးဆီတလဲ၀ဲ ရၢရှၢၣ်-ယူၣ်ကရ့တၫ်သဘံၣ်သဘုၣ် ဆူ ရၢရှၢၣ်ဖဲၣ်ဒရ့ရှ့အတၫ်နုာ်လီၤဒုးန့ၫ်ဆူၣ်လၢယူၣ်ကရ့အဖီခိၣ်စ့ၫ်ကီး တကဲထီၣ်လိၣ်ထီၣ်၀ဲဘၣ်.
