ကထံၣ်လိၥ်တဲသကိး ယူၣ်ကရ့ ဂ့ၢ်၀ီအဂီၢ် အမဲရကၤထံဂုၤကီၢ်ဂၤကိတိၥ် ဟဲတုၤဆူ ကီၢ်ဆီၣ်ရ့ၣ်အၣ်ရ့ဘံယါ

လါဖ့ၤဘြူၤအါရံၤ(၁၈)သီ,၂၀၂၅နံၣ်

လါဖ့ၤဘြူၤအါရံၤ(၁၇)သီအနံၤ, မုၢ်ဆၣ်အနံၤန့ၣ် အမဲရကၤထံဂုၤကီၢ်ဂၤကိတိၥ် Marco Rubio ဟဲတုၤဆူ ကီၢ်ဆီၣ်ရ့ၣ်အၣ်ရ့ဘံယါန့ၣ်လီၤ. တၢ်ကမၤကတၢၢ်ကွံၥ် ယူၣ်ကရ့-ရၢးရှၣ်တၢ်ဒုးအဂီၢ် ထံၣ်လိၥ်တဲသကိးတၢ်ဒီး ခၢၣ်စးတဖၣ်အဆၢကတီၢ် တကတီၢ်ဃီ ကိတိၥ် ယူၣ်ဘံၣ်ရိၣ် ဟဲတုၤဆူ ကီၢ်ဆီၣ်ရ့ၣ်အၣ်ရ့ဘံယါန့ၣ်လီၤ. ကိတိၥ် ယူၣ်ဘံၣ်ရိၣ် ကထံၣ်လိၥ်သးဒီး ကီၢ်ဆီၣ်ရ့ၣ်အၣ်ရ့ဘံယါ စီၤပၤဖိခွါ Mohammed bin Salmanပၥ်ဃုၥ် ပတီၢ်ထီခိၣ်နၢ်တဖၣ်အဂ့ၢ် တၢ်တယၣ်ဃၥ်၀ဲန့ၣ်လီၤ.

ရၢရှၣ်ထံဂုၤကီၢ်ဂၤကိတိၥ် Sergei Lavrovဒီး ကီၢ်ခိၣ်အထံဂုၤကီၢ်ဂၤကိတိၥ် ကျဲသနူဂ့ၢ်၀ီ ပှၤဟ့ၣ်ကူၣ်တၢ် Yuri Ushakovစ့ၢ်ကီး ကထံၣ်လိၥ်သးဒီး အမဲရကၤပတီၢ်ထီခၢၣ်စးတဖၣ် ဖဲမုၢ်ယူၥ်အနံၤအဂ့ၢ် ရၢရှၣ်ပၥ်ဖျါဃၥ်၀ဲ တၢ်ကစီၣ်န့ၣ်လီၤ. ရၢရှၣ်ခၢၣ်စးတဖၣ်စ့ၢ်ကီး ကဟဲတုၤဆူ ကီၢ်ဆီၣ်ရ့ၣ်အၣ်ရ့ဘံယါ လၢတနံၤအံၤအဂ့ၢ်စ့ၢ်ကီး ရၢရှၣ်ပဒိၣ် ပှၤကတိၤတၢ်ပၢ Dmitry Peskov တဲလီၤဃၥ်၀ဲဆူ ပှၤထၢတၢ်ကစီၣ်ဖိတဖၣ်အအိၣ်န့ၣ်လီၤ.

ယူၣ်ကရ့ကီၢ်ခိၣ် Volodymyr Zelenskiyစ့ၢ်ကီး ဟဲတုၤလၢလီၢ်က၀ီၤပူၤ၀ံၤ ကလဲၤဆူ ကီၢ်ဆီၣ်ရ့ၣ်အၣ်ရ့ဘံယါ ဒီး တူၣ်ရကံၢ်ထံကီၢ်အိၣ်၀ဲအဂ့ၢ် စံး၀ဲန့ၣ်လီၤ. ဘၣ်ဆၣ် တပၥ်ပနီၣ်ဃၥ်၀ဲ မုၢ်နံၤမုၢ်သီလီၤတံၢ်လီၤဆံးဘၣ်. အ၀ဲတခီ ကထံၣ်လိၥ်သးတဲသကိးဒီး ရၢရှၣ်မ့တမ့ၢ် အမဲရကၤပှၤဘၣ်မူဘၣ်ဒါတဖၣ် တအိၣ်ဒံးဘၣ်အသိး တၢ်တကွဲၥ်မုၥ်သါလၢ တၢ်ထံၣ်လိၥ်တဲသကိးလၢတၢ်ကမၤအီၤ ဖဲကီၢ်ဆီၣ်ရ့ၣ်အၣ်ရ့ၣ်ဘံယါတအိၣ်ဘၣ်အဂ့ၢ် ကီၢ်ခိၣ် Volodymyr Zelenskiy လဲၤတုၤဆူ UAEထံကီၢ်အဆၢကတီၢ် စံး၀ဲန့ၣ်လီၤ.

အပူၤကွံၥ်အနွံန့ၣ် အမဲရကၤကီၢ်ခိၣ် Donald Trump တဲသကိးတၢ်ဒီး ရၢရှၣ်ကီၢ်ခိၣ် Vladimir Putinလၢ လီတဲစိ၀ံၤအလီၢ်ခံ ကမၤကတၢၢ်ကွံၥ် တၢ်ဒုးအဂီၢ် နဲၣ်လီၤ၀ဲ ခံခီခံကပၤ ပတီၢ်ထီခၢၣ်စးတဖၣ်လၢ ကထံၣ်လိၥ်တဲသကိးတၢ်အဂီၢ်န့ၣ်လီၤ.

ဖဲလၢတၢ်ဃုထၢရိၣ်ဖှိၣ်တၢ်အဆၢကတီၢ်  ကီၢ်ခိၣ်ထရဲး အၢၣ်လီၤဃၥ်၀ဲလၢ ကမၤကတၢၢ်ကွံၥ် ရၢရှၣ်-ယူၣ်ကရ့တၢ်ဒုးအံၤန့ၣ်လီၤ.

ကၣ်စၣ်ခါဆူညါဂ့ၢ်၀ီ တၢ်ထံၣ်လိၥ်အပူၤ ကီၢ်ဆီၣ်ရ့ၣ်အၣ်ရ့ဘံယါလၢအိၣ်လၢ အရ့ဒိၣ်အလီၢ်အံၤ မၤစၢၤ၀ဲစ့ၢ်ကီးလၢ အမဲရကၤဒီးရၢရှၣ်အဘၢၣ်စၢၤ တၢ်ဆီတလဲ ပှၤလီၢ်ဃိၣ်ဖိယၥ်ခီယၥ်ခီအဂီၢ်န့ၣ်လီၤ.

Ref: VOA