လါဖ့ၤဘြူၤအါရံၤ(၁၇)သီ,၂၀၂၅နံၣ်
ဟါမးကရၢန့ၣ် အိၣ်ဆၢထၢၣ်ဒံး သုးမုၢ်ဒိၣ်တဖု(မ့တမ့ၢ်)ပဒိၣ်တဖုအသိး တသ့ဘၣ်ဒီး တၢ်ကဘၣ်မၤရှဲပျီကွံၥ်အဂ့ၢ် အမဲရကၤထံဂုၤကီၢ်ဂၤကိတိၥ် တဲလီၤ၀ဲဖဲ မုၢ်အိၣ်ဘှံးနံၤ အနံၤန့ၣ်လီၤ.
ဟါမးကရၢန့ၣ် မ့ၢ်အိၣ်ဆၢထၢၣ်ဆူညါ ဒ်ကရၢတဖုလၢ ပၥ်လီၤသဲစးတၢ်ဘျၢတဖၣ်(မ့တ့မၢ်) ပၢပြး၀ဲ, မ့တမ့ၢ်ဘၣ်ဒီး မ့ၢ်အိၣ်ဆၢထၢၣ်ဒ် ကရၢတဖုလၢ မၤပျံၤမၤဖူးလၢဆူၣ်ဆူၣ်ကိၥ်ကိၥ်န့ၣ် တၢ်မုၥ်တၢ်ခုၣ်အိၣ်ထီၣ်တသ့ဘၣ်အဂ့ၢ် Marco Rubioထံၣ်လိၥ်သးဒီး အံၣ်စရ့ကိတိၥ်ခိၣ်ကျၢၢ် န့ၢ်တၣ်ယၣ်ဟူးဖဲ ကၠ့ၣ်ရူးစလ့ၣ်အဆၢကတီၢ် စံး၀ဲန့ၣ်လီၤ.
အမဲရကၤထံဂုၤကီၢ်ဂၤကိတိၥ် ဟဲတုၤအဆိကတၢၢ်တဘျီ ဆူမုၢ်ထီၣ်ခၢၣ်သးဟီၣ်က၀ီၤပူၤ၀ံၤ ကလဲၤ၀ဲဆူ ယူၣ်အ့ၣ်အံဒီးစီၣ်ရ့ၣ်အၣ်ရ့ဘံယါထံကီၢ်တဖၣ်အိၣ်၀ဲဘၣ်ဆၣ် မ့မ့ၢ်လၢ ကထံၣ်လိၥ်သးဒီး ပၣ်လဲးစတဲပှၤဘၣ်မူဘၣ်ဒါတဖၣ်တခီ တအိၣ်၀ဲဘၣ်န့ၣ်လီၤ.
Arabထံကီၢ်တဖၣ် ကတူၢ်လိၥ်ဘၣ် ပှၤပၣ်လဲစတဲတဖၣ်၀ံၤ မ့မ့ၢ်လၢကၣ်စၣ်ဟီၣ်က၀ီၤတခီ ကဆီတလဲဟ့ၣ်လီၤဆူ အမဲရကၤအအိၣ်အဂီၢ် အမဲရကၤကီၢ်ခိၣ် ထရဲးဃ့ထီၣ်ဃၥ်၀ဲန့ၣ်လီၤ.
ဒ်န့ၣ်အသိး အံၣ်ကၠ့းထံကီၢ် ကိးဃၥ်၀ဲ Arabထံကီၢ်တဖၣ် ပတီၢ်ထီတၢ်အိၣ်ဖှိၣ်ဖးဒိၣ်တခါ ဖဲလါဖ့ၤဘြူၤအါရံၤ(၂၇)သီအနံၤလၢ ကထံၣ်လိၥ်တဲသကိးတၢ်ဘၣ်ထွဲ တၢ်တသုသုးကွံၥ် ပှၤပၣ်လဲးစတဲဖိတဖၣ်ဒီး တၢ်ကမၤက့ၤ တၢ်သူၣ်ထီၣ်ဆီလီၤတၢ်ဖံးတၢ်မၤတဖၣ် ဖဲကၣ်စၣ်ဟီၣ်က၀ီၤပူၤအဂီၢ်န့ၣ်လီၤ.
Arabထံကီၢ်တဖၣ် ဃ့ထီၣ်ဃၥ်၀ဲ တၢ်ကသူၣ်ထီၣ် ပၣ်လဲးစတဲထံကီၢ်လီၤဆီအဂီၢ်၀ံၤ အမဲရကၤပဒိၣ်စ့ၢ်ကီး တူၢ်လိၥ်၀ဲန့ၣ်လီၤ.
Ref:VOA
