လါဖ့ၤဘြူၤအါရံၤ(၁၀)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,ပသံၣ်ကီၫ်ရ့ၣ်,ငပူးတီကီၫ်ဆၣ်,လၢ၀့ၫ်ဟဲကၠံကၠိန့ၣ် သုးကီၣ်ကး ကတီၤဃာ် သုးတၫ်ခီၣ်ဆၢ အဂီၫ်၀ံၤ နုာ်လီၤသုးကျိၤလၢဒူသ၀ီတနီၤပူၤအဂ့ၫ် တၫ်သ့ၣ်ညါဘၣ်လီၤ.
သုးကီၣ်ကးအသုးဖိ ဂံၫ်ဘါ(၂၀)ဂၤဃၣ်ဃၣ်န့ၣ် နုာ်လီၤသုးကျိၤဖဲ၀့ၫ်ဟဲကၠံကၠိအကပၤ မယါကွ့သ၀ီဒီးငပၠ့ၣ်မးသ၀ီ ပူၤ၀ံၤ ဃုသမံသမိးတၫ်အိၣ်၀ဲန့ၣ်လီၤ.
သုးကီၣ်ကးအသုးဖိတဖၣ်န့ၣ် ဖဲလါဖ့ၤဘြူၤအါရံၤ(၉)သီအနံၤ ဂီၤအကတီၫ်န့ၣ် နုာ်လီၤစ့ၫ်ကီးလၢစံခၠဲၣ်သ၀ီပူၤ၀ံၤ ဃုသမံသမိးတၫ်အဂ့ၫ် တၫ်သ့ၣ်ညါဘၣ်လၢပသံၣ်ဂ့ၫ်ခီၣ်ထံးတၫ်ကစီၣ်အိၣ်န့ၣ်လိၤ.
“ပသံၣ်သုးဟံၣ်ဖိဃီဖိတဖၣ်စ့ၫ်ကီး လဲၤသုးအသးဆူ ဟဲကၠံကၠိသုးအိၣ်တၫ်အလီၫ်န့ၣ်လီၤ.မၤပှဲၤဂံၫ်ဘါဒီး သုးဖိသီ လၢစံၣ်လီၤတၫ်မၤလိတဖၣ်အိၣ်၀ဲလီၤ.ခူၣ်အါထီၣ်တၫ်ပူၤကျိၤဒီးမၤဃာ်၀ဲမ့ၣ်ပိၫ်အလီၫ်တဖၣ်အိၣ်၀ဲအဂ့ၫ်”အ့ၣ်ယၣ်၀တံၣ်ထဲဂ့ၫ်ခီၣ်ထံးတၫ်ကစီၣ်တဲ၀ဲလီၤ.
သုးကီၣ်ကးန့ၣ် လၢအ့ၣ်ယၣ်၀တံၣ်ကီၫ်ခီပူၤ တၫ်ဒုးစးထီၣ်အကတီၫ် အိၣ်ကတီၤဃာ်သုးတၫ်ခီၣ်ဆၢအဂီၫ် ဖဲသၣ်ပီ, ယ့ၣ်ကၠံၣ်,အ့ၣ်ကပူၣ်ဒီးဟဲကၠံကၠိကီၫ်ဆၣ်တဖၣ်၀ံၤ မၤပှဲၤဂံၫ်ဘါ ဟဲထီၣ်ဒီးသုးကျိၤဒီးလၢကတီၫ်အံၤ ဟဲဆီလီၤအသးဖဲ သၣ်ပီကီၫ်ဆၣ်,ခွ့ကိးကရူၫ်,အနါကိသ၀ီ သီခါဖၠၣ် လၢဂံၫ်ဘါ(၁၀၀)ဘျဲၣ်ဃၣ်ဃၣ်အဂ့ၫ် တၫ်သ့ၣ်ညါဘၣ်လီၤ.
ရၢၫ်ခၢၣ်သုးမုၫ်ဒိၣ်(AA)ဒီးတၫ်ပၢၫ်ဆၢသုးပာ်ဖှိၣ်တဖၣ် အတၫ်ထီၣ်ဒုးဃီၤတဖၣ်စ့ၫ်ကီး တုၤ၀ဲဖဲ သၣ်ပီကီၫ်ဆၣ်အပူၤ ကၠါခီ,သံး၀ါပူၣ်,သၣ်ပီလ့သ၀ီတဖၣ်အပူၤ၀ံၤ တၫ်ဒုးဆူၣ်၀ဲအဂ့ၫ် တၫ်သ့ၣ်ညါဘၣ်လီၤ.
