လါယနူအါရံၤ(၂၉)သီ,၂၀၂၅နံၣ်
တၫ်ကပှ့ၤ TikTok အဂီၫ် Microsoft တၢၣ်ပီၣ်တဲသကိး၀ဲအဂ့ၫ် အမဲရကၤကီၫ်ခိၣ်ဒီနၢၣ်ထရၢး တဲဖျါထီၣ်၀ဲ၀ံၤ လၢတၫ်ပှ့ၤ Applicationအံၤအပူၤ အဲၣ်ဒိးထံၣ်၀ဲလၢ တၫ်ပြၢလိာ်သးတဖၣ်အဂ့ၫ် တဲ၀ဲလီၤ.
အမဲရကၤခီပနံာ်အါတက့ၫ်န့ၣ် သူၣ်ဆူၣ်သးဂဲၤလၢ ကပှ့ၤTikTokအဂ့ၫ် ထရၢးတဲ၀ဲလီၤ. အမဲရကၤပဒိၣ်တဖၣ်န့ၣ် TikTokတၫ်ဖံးတၫ်မၤလၢအိၣ်ဖဲအမဲရကၤကီၫ်ပူၤတဖၣ် တၫ်ကဆါကဂီၫ် ဟ့ၣ်တၫ်ဆီၣ်သနံး ဘဲးဒးခီပနံာ်လၢအိၣ်သူၣ်ဆီလီၤအသးဖဲတရူးကီၫ်န့ၣ်လီၤ.
ကီၫ်ခိၣ်လီၫ်လံၤ ကၠိဘဲၣ်တၣ်ပၢတၫ်အစိၤ Applicationအံၤတၫ်ကဆါလီၤကွံာ် (မ့တမ့ၫ်)တၫ်ကပတုာ်ကွံာ် အီၤလၢအမဲရကၤကီၫ်ပူၤအဂီၫ် တြီဃာ်၀ဲ၀ံၤ ဖဲအမဲရကၤကီၫ်ခိၣ် ဒီနၢၣ်ထရၢးဟဲထီၣ်အကတီၫ် တၫ်တြီဃာ်တဖၣ်န့ၣ် ဟ့ၣ်အါထီၣ်၀ဲတၫ်ဆၢကတီၫ်(၇၅)သီန့ၣ်လီၤ.
ဘၣ်ထွဲဒီးတၫ်ကပှ့ၤ TikTokန့ၣ် ခီပနံာ်တဖၣ် တၢၣ်ပီၣ်တဲသကိး၀ဲ၀ံၤ လါယနူၤအါရံၤ(၃၀)သီနံၤန့ၣ် မုၫ်လၫ် ၀ဲလၢ တၫ်ဆၢတဲာ်လီၤ Applicationအံၤ အခါဆူမဲာ်ညါအဂီၫ်ကန့ၫ်အဂ့ၫ် ဒီနၢၣ်ထရၢးတဲ၀ဲလီၤ.Microsoft ပှၤဘၣ်မူဘၣ်ဒါတဂၤတခီ လၢကတီၫ်အံၤ ဘၣ်ထွဲဒီးတၫ်ဂ့ၫ်အံၤန့ၣ် ကတဲဖျါအဂီၫ်တအိၣ်ဒံးဘၣ်အဂ့ၫ် တဲ ၀ဲလီၤ.
ကီၫ်တရူးပူၤ, ဘဲးဒးခီပနံာ်ပၢ TikTok Applicationအံၤ ပှၤလၢသူ၀ဲတဖၣ် အတၫ်ဂ့ၫ်တၫ်ကျိၤန့ၣ် တၫ်ဟ့ၣ်ခီ ဃီၤဆူ တရူးပဒိၣ်အိၣ်အဂ့ၫ် အမဲရကၤပဒိၣ်တဖၣ်စံးအၢဃာ်၀ဲ၀ံၤ TikTokတခီတၫ်ဂ့ၫ်အံၤအဖီခိၣ် ဂ့ၫ်လိာ် ဃာ်၀ဲတလီၫ်လီၫ်န့ၣ်လီၤ.
Ref: VOM
