လါယနူၤအါရံၤ(၂၇)သီ,၂၀၂၅နံၣ်
ပှၤလၢဒိးန့ၫ် ၂၀၂၄နံၣ် ပဒိၣ်မါရှၣ်သးစၫ်ခိၣ်နၫ်တၫ်လၤကပီၤန့ၣ် မ့ၫ် ဖၣ်အၣ်ကီၫ်ရ့ၣ်,ကညီပိာ်မုၣ်သးစၫ်ခိၣ်နၫ် ပဒိၣ်နီၫ်ရှံ၀ါအဂ့ၫ် Phan Foundation လၢဟ့ၣ်မၤလၤကပီၤ၀ဲ ကိးမုၫ်နံၣ်အံၤ ဘိးဘၣ်ရၤလီၤ၀ဲလီၤဖဲ တနံၤအံၤလါယနူၤအါရံၤ(၂၇)သီအနံၤန့ၣ်လီၤ.
ပဒိၣ်နီၫ်ရှံ၀ါန့ၣ် မ့ၫ်ကညီပိာ်မုၣ်သးစၫ်ခိၣ်နၫ်တဂၤ၀ံၤမ့ၫ်စ့ၫ်ကီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ဖၣ်အၣ်ကီၫ်ရ့ၣ် တၫ်ဆီၣ်ထွဲမၤစၤIDPအနဲၣ်ရွဲၣ်တဂၤန့ၣ်လီၤ.
ပဒိၣ်နီၫ်ရှံ၀ါန့ၣ် မ့ၫ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ဖၣ်အၣ်ကီၫ်ရ့ၣ် ပၢဆှၢတၫ်ကမံးတံာ်ကရၢဖိလၢအသးစၫ်ကတၢၫ်တဂၤ၀ံၤ မ့ၫ်ပှၤတဂၤလၢတၫ်လဲၤခီဖျိအိၣ်(၁၀)နံၣ်လၢ တၫ်မၤစၢၤပှၤတ၀ၢတၫ်ဖံးတၫ်မၤအပူၤန့ၣ်လီၤ.
ဘၣ်ထွဲးဒီးအဒိးန့ၢ်ဘၣ် ပဒိၣ်မါရှၣ်သးစၢ်ခိၣ်နၢ်တၢ်လၤကပီၤအဖီခိၣ် ပဒိၣ်နီၢ်ရှံ၀ါ စံး၀ဲလၢ”တၢ်မၤလၤကပီၤ၀ဲအံၤန့ၣ် ယတဂၤယတူၢ်ဘၣ်ဒီးပလဲၢ်ဘၣ်လၢ မ့ၢ်၀ဲဒၣ်တၢ်မၤဆူၣ်ထီၣ်သးစၢ်ဂံၢ်ဘါဒီးတၢ်ဟ့ၣ်ဆူၣ်ထီၣ်သးစၢ်ဂံၢ်ဘါ သးသဟီၣ်တခါလီၤ.ဒီးပမ့ၢ်တဲန့ၣ်စးထီၣ်လၢယနုၥ်လီၤတၢ်ပၢၢ်ဆၢ,နုၥ်လီၤမၤတၢ်လၢတဆီဘၣ်တဆီလၢပှၤတ၀ၢပူၤမ့ၢ်ဂ့ၤ,မၤတၢ်လၢတၢ်ပၢတၢ်ပြးပူၤမ့ၢ်ဂ့ၤန့ၣ်တမုၢ်လၢ်တိၢ်ပၥ်လၢကဒိးန့ၢ်ဘၣ်တၢ်မၤလၤကပီၤဒီးတၢ်ဟ့ၣ်လၤကပီၤလီၤဆီယၤဒံးနီဘျီဘၣ်န့ၣ်လီၤ.ဒီးယအဲၣ်ဒိးစံးလၢPhanFoundationတၢ်ဟ့ၣ်ယၤဟ့ၣ်လၤကပီၤ၀ဲအံၤန့ၣ်ယနၥ်သပှၢ်ကတၢၢ်လၢပှၤသူၣ်ဘီၣ်သးစၢ်အါဒံအါဂၤအကျါန့ၣ်ကကဲထီၣ်၀ဲဒၣ်တၢ်ထိၣ်ဃူထိၣ်ဂဲၤထီၣ်သးသဟီၣ်ဒီးတၢ်မၤဆူၣ်ထီၣ်သးဂံၢ်ဘါတခါဒီးကဲထီၣ်၀ဲဒၣ်တၢ်ကွၢ်ဒိကွၢ်တဲၥ်တခါလီၤ.လၢပှၤသူၣ်ဘီၣ်သးစၢ်တဖၣ်အါဒံအါဂၤပၥ်ဖှိၣ်မၤသကိးတၢ်အါထီၣ်လၢ ပှၤဂ့ၢ်၀ီသနၢၣ်မ့ၢ်ဂ့ၤ, ပှၤတ၀ၢတၢ်ဖံးတၢ်မၤ, တၢ်ပၢတၢ်ပြးအပူၤမ့ၢ်ဂ့ၤ, ပပှၤတ၀ၢအတၢ်လိၣ်ဘၣ်နီၢ်နီၢ်န့ၣ် ယဆၢမုၢ်လၢ်ဒီးယနၥ်သပှၢ်ကတၢၢ်လၢ ပှၤသးစၢ်သ့ၣ်တဖၣ် အနီၣ်ဂံၢ်နီၣ်ဒွးမျးကယၤ ကအါထီၣ်လၢပတၢ်ဖံးတၢ်မၤ ပပှၤတ၀ၢအပူၤန့ၣ် ယနၥ်သပှၢ်ကတၢၢ်န့ၣ်လီၤ.”အဂ့ၢ်န့ၣ်လီၤ.
ပဒိၣ်မါရှၣ်သးစၫ်ခိၣ်နၫ်တၫ်လၤကပီၤန့ၣ် မ့ၫ်တၫ်ဟ့ၣ်ကနၢၤတခါလၢ တၫ်ဟ့ၣ်မၤလၤကပီၤ၀ဲ ကညီသးစၫ်ခိၣ်နၫ်တဖၣ်ကိးမုၫ်နံၣ်ဒဲး၀ံၤ လၢ၂၀၀၈နံၣ် ပှၤလၢတၫ်ကူၣ်မၤသံအီၤ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ အနဲၣ်ရွဲၣ်ခိၣ်ကျၢၫ်ပဒိၣ်မါရှၣ်လါဖါဒီးအမၢၤ တၫ်သ့ၣ်နီၣ်ထီၣ်အီၤအဖီခိၣ် အဟံၣ်ဖိဃီဖိလၢအိၣ်တ့ၫ်တဖၣ် ကရၢကရိဒုးအိၣ်ထီၣ်၀ဲ Phan Foundationန့ၣ် စးထီၣ်ဖဲ၂၀၀၈နံၣ် ကိးမုၫ်နံၣ် ဟ့ၣ်မၤလၤမၤကပီၤ၀ဲလီၤ.
ပဒိၣ်မါရှၣ်သးစၫ်ခိၣ်နၫ် တၫ်ဟ့ၣ်ကနၢၤန့ၣ် မ့ၫ်တၫ်ဟ့ၣ်ကနၢၤတခါလၢ ကိးမုၫ်နံၣ်ဒဲး တၫ်ဟ့ၣ်မၤလၤကပီၤ၀ဲ သးနံၣ်(၃၅)နံၣ်အဖီလာ် ကညီသးစၫ်လၢ ဟူးဂဲၤလၢ လၢကညီကလုာ်ကူၣ်သ့ဂ့ၫ်၀ီအဂီၫ်, ပှၤဂ့ၫ်၀ီခွဲးယာ်, လုၫ်လၫ်တၫ်ဆဲးတၫ်လၤဒီးတၫ်မၤစှၤလီၤတၫ်ဖီၣ်တၫ်ယာ်ဂ့ၫ်၀ီတဖၣ်န့ၣ်လီၤ.
ပှၤလၢဒိးန့ၫ် ပဒိၣ်မါရှၣ်သးစၫ်ခိၣ်နၫ် တၫ်ဟ့ၣ်ကနၢၤန့ၣ် Phan Foundationဟ့ၣ်မၤကလၤကပီၤအီၤ စ့ဒီလၣ်(၄၀၀၀)အဂ့ၢ် တၢ်သ့ၣ်ညါဘၣ်န့ၣ်လီၤ.
လၢအဒိးန့ၢ်ဘၣ် တၢ်မၤလၤကပီၤ စ့ဒီလၣ်(၄၀၀၀)အံၤန့ၣ် တၢ်ကသူက့ၤအီၤလၢ ပှၤတ၀ၢအလိၣ်ဘၣ်တဖၣ်အပူၤလီၤအဂ့ၢ်န့ၣ် အ၀ဲစံး၀ဲလၢ” တၢ်လၢယဒိးန့ၢ်တၢ်မၤစၢၤ၀ဲအံၤန့ၣ် ယမ့ၢ်တဲန့ၣ် ယတၢ်မုၢ်လၢ်တိၢ်ပၥ်ခူသူၣ်အိၣ်၀ဲဒၣ်သၢမံၤ တၢတခါလၢအမ့ၢ်၀ဲဒၣ် ယကမၤစၢၤ၀ဲဒၣ်လၢ ဖိသၣ်လၢယဆှၢတ့ၢ်လံလၢ ကထီၣ်၀ဲဒၣ် Hight Schoolမ့ၢ်၀ံၤ ကလဲၤထီၣ် Postenကၠိ, ခံခါတခါလၢအမ့ၢ်၀ဲဒၣ် ဟံၣ်ဒွဲဖိသ့ၣ်တဖၣ်လၢ တၢ်အီၣ်တၢ်အီတဆံးတက့ၢ်ဒ်သိး ယမၤစၢၤတ့ၢ်တၢ်သူတၢ်စွဲဒီး တၢ်ကဆှဲကဆှီသ့ၣ်တဖၣ်အဂီၢ် ဒီး သၢခါတခါလၢအမ့ၢ်၀ဲဒၣ် ယကမၤစၢၤ၀ဲဒၣ် ယပှၤတ၀ၢလၢ မုၢ်ကမဲဖိၣ်ဃဲလၢလီၤတံၢ်လီၤတီၤသ့ၣ်တဖၣ်ဒီးပှၤသးစၢ်လၢ ပှၤအံးထွဲကွၢ်ထွဲအီၤ ဟးတသ့က့ၤတသ့ဘၣ်တဖၣ်ဒ်အမ့ၢ် ဖံသးပှၢ်မ့ၢ်ဂ့ၤ, ဖုသးပှၢ်မ့ၢ်ဂ့ၤသ့ၣ်တဖၣ်န့ၣ် ယတၢ်ရဲၣ်တၢ်ကျဲၤအိၣ်လၢ ယကမၤစၢၤဒ်န့ၣ်”အဂ့ၢ်န့ၣ်လီၤ.
ပဒိၣ်မါရှၣ်သးစၢ်ခိၣ်နၢ်တၢ်ဟ့ၣ်ကနၢၤန့ၣ် တၢ်စးထီၣ်ဟ့ၣ်အီၤ ဖဲ၂၀၀၈နံၣ်ဒီးတုၤ၂၀၂၄နံၣ်န့ၣ် ပှဲၤထီၣ်၀ဲ (၁၇)ဂၤလံန့ၣ်လီၤ.
