တၫ်ကထီၣ်ဒုးမၤန့ၫ်ပၢဆှၢကဒါက့ၤ ကီတရံး-ရၤမတံကျဲအဂီၫ် သုးကီၣ်ကးမၤပှဲၤ သုးသိလ့ၣ်ထးအဂံၫ်ဘါ

လါယနူၤအါရံၤ(၂၂)သီ,၂၀၂၅နံၣ်

ကညီကီၫ်စဲၣ်,ကီးတရံး-ရမတံ ကျဲခဲလၢာ်ပာ်ဃုာ် တၫ်ကထီၣ်မၤန့ၫ်ကဒါက့ၤ သ့ၣ်ခါညံၣ်နီၣ်အဂီၫ် သုးကီၣ်ကးဆှၢထီၣ်န့ၫ်၀ဲ အီၣ်စ့ၣ်ယးသုးကျိၤ သုးဖိလၢအကယၤအသိး မၤပှဲၤအါထီၣ်ဂံၫ်ဘါလၢ သုးသိလ့ၣ်ထးတဖၣ်အဂ့ၫ် တၫ်မဲာ်ညါဂ့ၫ်ခီၣ်ထံးတၫ်ကစီၣ်တဲ၀ဲလီၤ.

ကီးတရံး-ရၤမတံ(အ့ရှၢၣ်)ကျဲဒီးအီးဘိၣ်တဲ(ကျဲလီၫ်လံၤ)ဒီးလၢထိၣ်ကီးကိကျဲတကပၤ လၢတလါအတီၫ်ပူၤ ကထီၣ်ဒုးမၤန့ၫ် သ့ၣ်ခါညံၣ်နီၣ်အဂီၫ် သုးကီၣ်ကးမၤပှဲၤအီၣ်စ့ၣ်ယးသုးကျိၤအဂံၫ်ဘါန့ၣ်လီၤ.

လၢကတီၫ်အံၤ အီၣ်စ့ၣ်ယးသုးကျိၤန့ၣ် KNLAသုးပာ်ဖှိၣ်သုးကျိၤတဖၣ် က၀ီၤကးတံာ်ဒုးအီၤအဃိ သုးကီၣ်ကးတကပၤ ခးလီၤဒုး၀ဲ ကီးတရံး၀့ၫ်,ခၠီတီၣ်,ယ့ၣ်ကၠီၣ်ကၠံ,ကီးနွဲးဒီးယွၣ်သံးကိ တၫ်ကပိာ်ကပၤသ၀ီတဖၣ် လၢကျိဖးဒိၣ်ဒီးဒြိတဖၣ်န့ၣ်လီၤ.

ဂ့ၫ်ခီၣ်ထံးတၫ်ကစီၣ်စံး၀ဲလၢ”အခဲအံၤခးတၫ်ဒီးမံးစဲ(Missile)န့ၣ်လီၤ.လၢကီးတရံးပူၤ အပူၤကွံာ်တၫ်လၢအိၣ် တ့ၫ်တဖၣ် အခဲအံၤဒုကဲထီၣ်ချါလံဧါသၢၣ်.အဂံၫ်ဘါတခီ ဖဲမဟါနံၤ ပှၤဆှၢလီၤတၫ်ကစီၣ်န့ၣ် ဟဲထီၣ်၀ဲဂံၫ် ဘါ(၇၀၀)ဂၤဒီးသုးသိလ့ၣ်ထး(၄)ခိၣ်,အိၣ်တ့ၫ်လၢကြူၫ်တု(၂)ခိၣ်,ခဲလၢာ်(၆)ခိၣ်ဒီး ဟဲထီၣ်လၢအံၤတကပၤ အဂံၫ်ဘါထဲလဲၣ်တခီ တသ့ၣ်ညါဘၣ်.အ၀ဲသ့ၣ်အိးထီၣ်ဃာ်၀ဲကျဲ(၄)ဘိအဂ့ၫ်”တဲ၀ဲလီၤ.

(ခမရ-၅၄၅),(ခမရ-၅၄၆)လၢအိၣ်ဆီလီၤအသး ဖဲ၀့ၫ်ကြူၫ်တု, ဒီးလၢကၠဲတိၤခိၣ်ထိး ဆီလီၤဃာ် ကျိဖးဒိၣ်၀ံၤ အိၣ်ကတီၤသးလၢဒုးယၤဂ့ၫ်၀ီအဂီၫ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.

လၢကတၫ်အံၤ သုးကီၣ်ကးန့ၣ် လၢဖၣ်အၣ်-ကြူၫ်တု-ကီးတရံးကျဲတကပၤ ကူထီၣ်သိးထီၣ် သုးခိးကီၫ်ဆၢ (BGF),(KNU/KNLA-PC)တၫ်မုာ်တၫ်ခုၣ်ကီၣ်ကး သုးတၫ်ကူတၫ်ကၤ၀ံၤ သူကမျၢၫ်သိလ့ၣ်ဒီးလ့ၤထီၣ်လ့ၤ လိၤအဃိ ထဲကီးတရံးတကးဘၣ်,ကြူၫ်တုစ့ၫ်ကီး တၫ်လီၤဘၣ်ယိၣ်အိၣ်အဂ့ၫ် ပှၤမၤစၢၤပှၤလီၫ်အိၣ်ကမှံဖိ တဖၣ်တဲ၀ဲလီၤ.

ပှၤမၤစၢၤပှၤလီၫ်အိၣ်ကမှံဖိတဂၤတဲ၀ဲလၢ”သုးကီၣ်ကးန့ၣ် တဟးထီၣ်ဟးလီၤဒီးအသုးတၫ်ကူတၫ်သိး လၢၤဘၣ်.ဆီတလဲဃာ်၀ဲအ(FAW)သိလ့ၣ်တဖၣ်အလွဲၫ်၀ံၤမးဒီးဟးထီၣ်ဟးလီၤလီၤ.ကူထီၣ်သိးထီၣ် BGF,PC တၫ်ကူတၫ်သိး၀ံၤ ဟးထီၣ်ဟးလီၤလၢကျဲမုၫ်ခိၣ်လီၤ. တမ့ၫ်ထဲကီးတရံးဘၣ်ဒီးကြူၫ်တုစ့ၫ်ကီး တၫ်ဘၣ်ယိၣ်အိၣ်၀ဲအဂ့ၫ်”တဲ၀ဲလီၤ.

ဖဲလါယနူၤအါရံၤ(၁၂)သီနံၤ မုၫ်ဃ့ၫ်လီၤအကတီၫ်, မၤပှဲၤအီၣ်စ့ၫ်ယးသုးကျိၤဂံၫ်ဘါ၀ံၤ ရဲၣ်ကျဲၤ၀ဲလၢကထီၣ်ဒုး KNLAသုးပာ်ဖှိၣ်တဖၣ်အကတီၫ် လၢကီးတရံး-ရၤမတံ(အ့ရှၢၣ်ကျဲ)ဖီခိၣ် တီနီၣ်ထံလီၤဆှူအကပၤ အတၫ် မဲာ်ညါသုးကလၢၤတခါ KNLAသုးပာ်ဖှိၣ် ထီၣ်ဒုးမၤန့ၫ်၀ဲလီၤ.

Ref: DVB