တၫ်ဒုးဆူၣ်ထီၣ်အဃိ ရွှ့ၣ်သီၣ်ယၣ်လီၫ်က၀ီၤကမျၢၫ် ဘၣ်သုးလီၫ်သုးကျဲ

လါယနူၤအါရံၤ(၂၁)သီ,၂၀၂၅နံၣ်

အ့ၣ်ယၣ်၀တံၣ်ကီၫ်ခီ,ပသံၣ်ကီၫ်ဆၣ်,ရွှ့ၣ်သီၣ်ယၣ်၀့ၫ်အကပၤ ရၢၫ်ခၢၣ်သုးမုၫ်ဒိၣ်(AA)သုးပာ်ဖှိၣ်တဖၣ် ဒီးသုးကီၣ်ကးသုးအဘၢၣ်စၢၤ တၫ်ဒုးဆူၣ်ထီၣ်၀ံၤ တၫ်သ့ၣ်ညါဘၣ်လၢ ရွ့ၣ်သီၣ်ပှၤလီၫ်က၀ီၤဖိဒၣ်လဲၣ် ဘၣ်သုးလီၫ်သုးကျဲလံန့ၣ်လီၤ.

“ပှၤလၢသုးလီၫ်သုးကျဲန့ၫ်တဖၣ် တအိၣ်တ့ၫ်နီတဂၤလၢၤဘၣ်.အါတက့ၫ် ပှၤလၢအိၣ်တ့ၫ်န့ၣ် မ့ၫ်ကွး၀့ၫ် ပှၤလီၫ်အိၣ်ကမှံဒီးပှၤလၢသုးလီၫ်သုးကျဲတန့ၫ်ဘၣ်တဖၣ်လီၤအဂ့ၫ်” ပှၤရွှ့ၣ်သီၣ်ယၣ်ဖိတဂၤတဲ၀ဲလီၤ.

မကၠံစ့ၣ်သ၀ီပၢၤကီၫ်သုးကလၢၤ လၢအိၣ်ဖဲအ့ၣ်ယၣ်၀တံၣ်ကီၫ်ခီဒီးရၢၫ်ခၢၣ်ကီၫ်စဲၣ်အဆၢအံၤ ဖဲလါယနူၤ အါရံၤ(၉)သီအနံၤန့ၣ် ရၢၫ်ခၢၣ်သုးမုၫ်ဒိၣ်(AA)ဒီးသုးပာ်ဖှိၣ်တဖၣ် ထီၣ်ဒုးမၤန့ၫ်၀ဲ၀ံၤအလီၫ်ခံ ဘီမံးသ၀ီလၢ သုးကီၣ်ကးအသုးဂုၤက့ၤအခံအံၤ ဖဲလါယနူၤအါရံၤ(၁၇)သီအနံၤန့ၣ် ဘၣ်တၫ်ဒုးမၤန့ၫ်ကဒီး၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.

“အခဲအံၤ သုးကီၣ်ကးအသုးဟံးန့ၫ်ဃာ်တၫ်လီၫ် ဖဲသပီးကၣ်လီၤ.တၫ်န့ၣ်အဃိ ပှၤအိၣ်တဘူၣ်လၢၤဘၣ်. သပီးကၣ်န့ၣ် အိၣ်ဘူးဒီးရွ့ၣ်သီၣ်ယၣ်၀့ၫ်လီၤ.ဘၣ်ယိၣ်၀ဲလၢတၫ်ကကးတံာ်ကျဲအဃိ သုးကွံာ်အသးခဲလၢာ် အဂ့ၫ်”ပှၤရွ့ၣ်သီၣ်ယၣ်ဖိတဲ၀ဲလီၤ.

ရွှ့ၣ်သီၣ်ယၣ်န့ၣ် အိၣ်စီၤစုာ်ယံၤထဲဒၣ်စှၤမဲၣ်ဒီး မုၫ်နုာ်ကလံၤထံးကီၫ်ခီသုး၀ဲၤလီၫ်ခိၣ်သ့ၣ်အိၣ်အလီၫ် ၀့ၫ်ပသံၣ်၀ံၤ သုးကီၣ်ကးမၤပှဲၤဃာ် ခိ,ထံ,ကလံၤသုးဂံၫ်ဘါအဂ့ၫ်န့ၣ်လီၤ.

ခၠီသၣ်လၢအိၣ်ဘူးဒီးရွှ့ၣ်သီၣ်ယၣ်အံၤ ပှၤလီၫ်က၀ီၤဖိတဖၣ်စ့ၫ်ကီး သုးလီၫ်သုးကျဲအိၣ်ထီၣ်၀ံၤ ဟိၣ်ထဲတနီၤ ကးတံာ်ဃာ်၀ဲအိၣ်ဒီးတၫ်ဟ့ၣ်ဆိမံၤစရီ တတူၫ်လိာ်၀ဲလၢၤဘၣ်အဂ့ၫ် လီၫ်က၀ီၤဖိတဂၤတဲ၀ဲလီၤ.

လၢကတီၫ်အံၤ ရွှ့ၣ်သီၣ်ယၣ်လီၫ်က၀ီၤဖိတဖၣ်န့ၣ် ဘၣ်လဲၤသုးလီၫ်သုးကျဲဆူ ပသံၣ်,သၣ်ပီ,ဒီးသ၀ီလၢအိၣ် ဘူးတဖၣ် တကးဘၣ် လၢ၀့ၫ်တကူၣ်ဒၣ်လဲၣ်အိၣ်၀ဲန့ၣ်လီၤ.

ရၢၫ်ခၢၣ်ကီၫ်စဲၣ်ဒီးအ့ၣ်ယၣ်၀တံၣ်ကီၫ်ခီအဆၢ ရွှ့ၣ်သီၣ်ယၣ်ကီၫ်ဆၣ်ပူၤတၫ်ဒုးန့ၣ် မ့ၫ်တၫ်ဒုးလၢ စးထီၣ်ကဲထီၣ်အသး ဖဲလါယနူၤအါရံၤ(၂)နွံတနွံအပူၤန့ၣ်လီၤ.

Ref: Mizzima