လါယနူၤအါရံၤ(၁၇)သီ,၂၀၂၅နံၣ်
KNU,သုးက့နီၫ်ဂံၫ်(၃), လၢၫ်ဒိၣ်ကီၫ်ဆၣ်ပူၤ ဖဲအပူၤကွံာ်(၁)နွံန့ၣ် သုးကီၣ်ကးအသုးတကပၤ မၤပှဲၤဂံၫ်ဘါ, တၫ်အီၣ်တၫ်အီဒီးတၫ်စုက၀ဲၤတဖၣ် တပယူာ်ဃီအဂ့ၫ် တၫ်သ့ၣ်ညါဘၣ်လၢ ပှၤလီၫ်က၀ီၤဖိဒီးလီၫ်က ၀ီၤဂ့ၫ်ခီၣ်ထံးတၫ်ကစီၣ်တဖၣ်အိၣ်န့ၣ်လီၤ.
“လၢကတီၫ်အံၤ သုးကီၣ်ကးတကပၤ တၫ်ထံၣ်ဘၣ်လၢထီၣ်ထီၣ်လီၤလီၤလီၤ. အိၣ်လၢလၢၫ်ဒိၣ်ဒီး လဲၤထီၣ် ဆူတၫ်ဖီခိၣ်အိၣ်အသိး,သုးဖိလၢက့ၤလီၤစ့ၫ်ကီးအိၣ်၀ဲလီၤ.လဲၤ၀ဲလၢခီၣ်ချ့အိၣ်လီၤ.(၁)သီအတီၫ်ပူၤ လဲၤထီၣ် ဒီးသိလ့ၣ်(၇)ခိၣ်ဃၣ်ဃၣ်လီၤ.သိလ့ၣ်ပူၤ သုးဖိပာ်ဃုာ်လီၤ. စိာ်ဃုာ်ဒီးတၫ်အီၣ်တၫ်အီဒီး တၫ်စုက၀ဲၤတဖၣ် အဂ့ၫ်” ပှၤလၢထံၣ်၀ဲလၢအမဲာ်တဂၤတဲ၀ဲလီၤ.
သုးကီၣ်ကးန့ၣ် ဒ်သိးကဟဲထီၣ်ဒုးဃီၤ၀ဲမုၫ်သဲၣ်ကျဲအဂီၫ် သုးဂံၫ်ဘါ,တၫ်အီၣ်တၫ်အီဒီးတၫ်စုက၀ဲၤတဖၣ်န့ၣ် မၤပှဲၤ၀ဲ ဖဲသၣ်ဘိၣ် ခလရ(၆၀) သုးကလၢၤပူၤအဂ့ၫ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ဒ်န့ၣ်အသိး သုးကီၣ်ကး အကိးဖျါလ့သုးကလၢၤလၢ အိၣ်ဖဲမုၫ်သဲၣ်ဒီးဆီမံၤလူၫ်အဘၢၣ်စၢၤအံၤ တၫ်ပၢၫ်ဆၢ သုးတဖၣ် လဲၤဒုး၀ဲလၢစဲးပြဲာ်တၫ်ဒုး၀ံၤအလီၫ်ခံ ဖဲလါယနူၤအါရံၤ(၁၄)သီအနံၤန့ၣ် သုးကီၣ်ကးတကပၤ ဟဲတ့ၫ်လီၤမ့ၫ်ပိၫ်လၢကဘီယူၤန့ၣ်လီၤ.
ကိးဖျါလ့ သုးကီၣ်ကးသုးကလၢၤအိၣ်တၫ်လီၫ်န့ၣ် အပူၤကွံာ် ကိးဖျါလ့သ၀ီန့ၣ်အိၣ်၀ဲ၀ံၤ သုးကီၣ်ကး ဟဲဆီလီၤအသုးကလၢၤ၀ံၤအလီၫ်ခံ ဖဲ၁၉၇၄-၁၉၇၅နံၣ်န့ၣ် ပယီၤသုး နီဟးထီၣ်ကွံာ် ဒူဖိသ၀ီဖိတဖၣ် လၢကသုးအလီၫ်အကျဲအဂီၫ်န့ၣ်လီၤ.
Ref: Salween Press
