လါယနူၤအါရံၤ(၁၆)သီ,၂၀၂၅နံၣ်
ကၠီၣ်တဲၣ်ကိတိၥ်ခိၣ်ကျၢၢ် ပ့ၣ်ထိၣ်ထၣ်ရှ့ၣ်န၀ဲၣ်စံး၀ဲလၢ သါကွၢ်ဆၢၣ်မဲၥ်ဘၣ်ဒီး အိၣ်လဲတၢ်လံၣ်တၢ်လီကျိၥ်စ့ကဲတခါ ဟဲကိးလီတဲစိလၢသါအအိၣ်၀ံၤ ဃ့စ့မၤဘူၣ်တဖၣ်အဂ့ၢ်န့ၣ် ဖဲလၢထံၣ်လိၥ်သးဒီး ကၠီၣ်တဲၣ်မံၣ်ဒံၣ်ယၣ်တဖၣ်အဆၢကတီၢ် စံး၀ဲအဂ့ၢ် ကၠီၣ်တဲၣ်တၢ်ကစီၣ်တဖၣ် ပၥ်ဖျါဃၥ်၀ဲန့ၣ်လီၤ.
သူ၀ဲ AI စဲးဖီကဟၣ်ပီညါ၀ံၤ ပၥ်မၤအသးဒ် ထံကီၢ်တဘ့ၣ်ခိၣ်နၢ်အသိးဒီး စံးဝဲလၢ ကၠီၣ်တဲၣ်ပဒိၣ်တခီစ့ၢ်ကီး ကဘၣ်ဟ့ၣ်စ့မၤဘူၣ်ဆူသါထံကီၢ် ဒ်သိးအၣ်စံၣ်ယၣ်ခိၣ်နၢ်တဖၣ်အသိးအဂ့ၢ် ဟဲဆှၢတၢ်ကလုၢ်မဲးစ့းအဂ့ၢ် ကၠီၣ်တဲၣ်ကိတိၥ်ခိၣ်ကျၢၢ် စံး၀ဲန့ၣ်လီၤ.
ထံကီၢ်ခိၣ်နၢ်တဂၤအံၤ အလီတဲစိနီၣ်ဂံၢ်ဒီးတၢ်ကလုၢ်မဲးစ့းနီၣ်ဂံၢ်တဖၣ်လၢ အဟဲဆဲးကျိးသါန့ၣ် တဒ်သိးဘၣ်အဃိ သါဟ့ၣ်ဒုးသ့ၣ်ညါဆူ စဲးဖီကဟၣ်ပီညါကိတိၥ်အအိၣ်အဂ့ၢ် စံး၀ဲန့ၣ်လီၤ.
“တၢ်ကလုၢ်မဲးစ့းလၢ ဟဲလီန့ၢ်လွဲန့ၢ်သါန့ၣ် ဖျိဖျါ၀ဲလီၤ. Bank Account လၢဟဲဆှၢန့ၢ် သါစ့ၢ်ကီး တဘၣ်ထွဲလိၥ်သး ဒီးထံကီၢ်လၢအဟဲဃ့စ့မၤဘူၣ်ဘၣ်”အဂ့ၢ် ကိတိၥ်ခိၣ်ကျၢၢ် ရှ့ၣ်နၣ်၀ၣ် စံး၀ဲန့ၣ်လီၤ.
လၢန့ၣ်အမဲၥ်ညါ ဒုးသ့ၣ်ညါ၀ဲ ကၠီၣ်တဲၣ်ထံဖိကီၢ်ဖိကမျၢၢ်လၢ တၢ်မ့ၢ်ဟဲဃ့စ့မၤဘူၣ်လၢအမံၤန့ၣ် တၢ်သုတဟ့ၣ်လီၤအီၤအဂီၢ် ဒီး ပှၤလံၣ်လီတၢ်တဖၣ်စ့ၢ်ကီး သူ၀ဲ AIသနူဒီး တၢ်သုတမၤတၢ်လံၣ်တၢ်လီတဖၣ်အဂ့ၢ် ဟ့ၣ်ပလီၢ်၀ဲန့ၣ်လီၤ.
