လါယနူၤအါရံၤ(၁၃)သီ,၂၀၂၅နံၣ်
အမဲရကၤကီၫ်စၢဖှိၣ်,ခဲၣ်လံၣ်ဖိနံယါကီၫ်စဲၣ်, Los Angelesအပူၤ သ့ၣ်ပှၫ်မ့ၣ်အူအီၣ်အဃိ ပှၤဘၣ်သံအနီၫ် ဂံၫ်နီၫ်ဒွးန့ၣ် အါထီၣ်၀ဲ(၁၁)ဂၤတုၤ(၁၆)ဂၤအဂ့ၫ် ဘၣ်ထွဲကသံၣ်ဂ့ၫ်၀ီတၫ်သမံသမိး၀ဲၤဒၢး ပာ်ဂၢၫ်ပာ်ကျၢၤ ၀ဲလီၤ.
ပှၤအသီ(၅)ဂၤလၢဟဲအါထီၣ်အံၤ မ့ၫ်ပှၤတဖၣ်လၢ ဘၣ်သံဖဲ Palisadesတၫ်လီၫ်မ့ၣ်အူအီၣ်တၫ်အပူၤ၀ံၤ အိၣ်တ့ၫ်(၁၁)ဂၤတခီ ဘၣ်သံဖဲ Eatonတၫ်လီၫ် မ့ၣ်အူအီၣ်တၫ်အပူၤအဂ့ၫ် ဖဲလါယနူၤအါရံၤ(၁၁)သီအနံၤန့ၣ် ပာ်ဂၢၫ်ပာ်ကျၢၤ၀ဲလီၤ.
တၫ်ကတြီဆၢ မ့ၣ်အူအီၣ်ပှၫ်အဂီၫ် ဖဲပှၤမၤသံမ့ၣ်အူဖိတဖၣ်ဂဲၤလိာ်၀ဲကတီၫ်,တၫ်တယာ်ဃာ်လၢ ကလံၤအူ တၫ်သ့အဃိ ကွၫ်ဆၢၣ်မဲာ်ဘၣ် မ့ၣ်အူကအီၣ်အါထီၣ်တၫ် တၫ်ဘၣ်ယိၣ်တဖၣ်န့ၣ်လီၤ. အမဲရကၤဒီကလုာ် မူခိၣ်ကလံၤသီၣ်ဂီၤ၀ဲၤကျိၤတခီ တယာ်ဃာ်၀ဲလၢ လၢလါယနူၤအါရံၤ(၁၁)နံၤတုၤ(၁၃)နံၤအလီၫ်ခံ (၁)နၣ်ရံၣ်ကလံၤ အူတၫ်အသဟီၣ်ဆူၣ် (၄၈)ကံၣ်လိၣ်မံထၢၣ်တုၤ (၁၁၂)ကံၣ်လိၣ်မံထၢၣ်သ့န့ၣ်လီၤ.
လၢတၫ်ပၢဆှၢမ့ၣ်အူအီၣ်တၫ်အပူၤ တၫ်ကမၤစၢၤအဂီၫ် ထံကီၫ်အိၣ်ဘူး ကီၫ်ခဲနဒၣ်ဒီးမဲးကစံးကိၣ်စ့ၫ်ကီး ဆှၢလီၤဃာ်၀ဲပှၤမၤသံမ့ၣ်အူဖိတဖၣ်န့ၣ်လီၤ.
Ref: VOA
