လါယနူၤအါရံၤ(၁၃)သီ,၂၀၂၅နံၣ်
၀့ၫ်တကူၣ် ကီၫ်ဆၣ်တဖၣ်အပူၤ လီမ့ၣ်အူပတုာ်ကွံာ်သး၀ံၤအလီၫ်ခံ ဖဲလါယနူၤအါရံၤ(၁၀)သီဒီး (၁၁) သီအနံၤန့ၣ် မ့ၣ်အူအီၣ်တၫ်(၇)ဘျီ၀ံၤ ကပူၤဖျဲးဒီးမ့ၣ်အူတၫ်လီၤဘၣ်ယိၣ်အဂီၫ် ကရၢလၢမၤစၢၤတၫ်တဖၣ် ဟ့ၣ်ပလီၫ်ဃာ်၀ဲလီၤ.
မ့ၣ်အူအီၣ်တၫ်အါတက့ၫ်န့ၣ် ကဲထီၣ်လၢမ့ၣ်အူပျံၤတဖၣ်ဟးဂီၤအဃိ၀ံၤ ဖဲလီမ့ၣ်အူပတုာ်ကွံာ်သးအကတီၫ် လီမ့ၣ်အူတၫ်ပီးတၫ်လီလၢတၫ်သွီဃာ်အဂံၫ်တဖၣ် တဘ့ၣ်လီၤကွံာ်၀ဲဘၣ်အဃိ မ့ၣ်အူအီၣ်တၫ်ဘၣ်ကဲထီၣ်၀ဲ (၄)ဘျီန့ၣ်လီၤ.
ပှၤမၤစၢၤတၫ်ဖိတဂၤတဲ၀ဲလၢ “မ့ၣ်အူသံ,တထုးကွံာ်လီမ့ၣ်အူပျံၤဘၣ်. မ့ၣ်အူဟဲက့ၤကဒါက့ၤဒီး တၫ်ကိၫ် ဆူၣ်အဃိ မ့ၣ်အူအီၣ်၀ဲလီၤ. တၫ်သ့ၣ်တဖၣ်န့ၣ် လၢကတီၫ်အံၤ ကဲထီၣ်အါကတၢၫ်လီၤ.”
ဖဲတၫ်သူ၀ဲလီမ့ၣ်အူလၢအိၣ်ပတုာ်သးတလီၫ်လီၫ်အံၤ တၫ်ဘၣ်ပလီၫ်သူၣ်ပလီၫ်သး,မ့ၣ်အူအီၣ်တၫ်မ့ၫ်ကဲထီၣ် ပှၤကညီအသးသမူသုတလီၤမၫ်ကွံာ်အဂီၫ်ဒၢးလီၫ်ခံ ဂ့ၫ်ဂီၫ်အူဃီသွါတဖၣ် တၫ်သုတကးတံာ်ကွံာ်အီၤအဂီၫ်, လံာ်လဲၫ်လၢအရ့ဒိၣ်တဖၣ် ဖၢနုာ်ဃာ်အီၤလၢတလါပူၤဂ့ၤဂ့ၤဒီးတၫ်ကပာ်ကီၤဃာ် ကသံၣ်မၤပံာ်မ့ၣ်အူအဂီၫ် ၀့ၫ်တကူၣ်ပှၤမၤစၢၤတၫ်ကရၢ ဟ့ၣ်ကူၣ်ဃာ်၀ဲလီၤ.
ကီၫ်ပယီၤတၫ်မၤသံမ့ၣ်အူ၀ဲၤကျိၤ အတၫ်ဘိးဘၣ်ရၤလီၤအဖီခိၣ် (၂)သီအတီၫ်ပူၤ လၢမ့ၣ်ကလၣ်တီၣ်ညိး, အရှ့းတကိၣ်,မယါကိ,မၠီးအီးကလၣ်,စါခၠီ,တဲးကၠံ,သ့ၣ်ကါကၠိကီၫ်ဆၣ်တဖၣ်ပူၤ မ့ၣ်အူအီၣ်တၫ်အဃိ တၢး ဟံၣ်ဒၢး(၅)ဒၢး,ဟံၣ်(၃)ဖျၢၣ်ဘၣ်ဟးဂီၤကွံာ်၀ံၤ ပှၤဘၣ်သံ(၁)ဂၤ,ဘၣ်ဒိ(၃)ဂၤအဂ့ၫ် တၫ်သ့ၣ်ညါဘၣ်လီၤ.
Ref: DVB
