လါယနူၤအါရံၤ(၁၃)သီ, ၂၀၂၅နံၣ်
၂၀၂၅နံၣ်, လါယနူၤအါရံၤ(၉)သီအနံၤန့ၣ် ရၢၢ်ခၢၣ်သုးမုၢ်ဒိၣ်(AA)ထီၣ်ဒုးမၤန့ၢ် မကၠံစ့ၣ်သ၀ီလၢအိၣ်ဖဲ အ့ၣ်ယၣ်၀တံၣ်ကီၢ်ခီ, ကီၢ်ဆၣ်ပသံၣ်၀ံၤအလီၢ်ခံ သုးကီၣ်ကးအစုတီၤဖီလၥ် ၀ဲၤကျိၤ၀ဲၤဒ့ပှၤမၤတၢ်ဖိအဟံၣ်ဖိဃီဖိလၢ အိၣ်ဖဲခၠီသၣ်ဒီးရွ့ၣ်သီၣ်ယၣ်တဖၣ် အိၣ်ကတီၤသးလၢ ကသုးလီၢ်သုးကျဲအဂီၢ်အဂ့ၢ် တၢ်သ့ၣ်ညါဘၣ်န့ၣ်လီၤ.
“အသီ(၁၀)အနၤန့ၣ် ကီၢ်ဆၣ်ပၢပြးခိၣ် ကိး၀ဲၤကျိၤ၀ဲၤဒ့တဖၣ် တၢ်အိၣ်ဖှိၣ်၀ံၤ တဲလီၤဃၥ်၀ဲလၢ ကဆှၢပၥ်ဆူအဟံၣ်ဖိဃီဖိတဖၣ် ဆူ ပသံၣ်ဒီး၀့ၢ်အဂၤတဖၣ်အဂ့ၢ်န့ၣ်လီၤ. စှၤသီအတီၢ်ပူၤန့ၣ် ကသုးလီၢ်သုးကျဲလီၤ.” အဂ့ၢ် လီၢ်က၀ီၤဖိတဂၤ စံး၀ဲန့ၣ်လီၤ.
ကတီၢ်ခဲအံၤန့ၣ် သုးကီၣ်ကးကတဲၥ်ကတီၤဃၥ် ခၠီသၣ်၀့ၢ်ဖျၢၣ်ထူပျီလၢ ကဘီယူၤကစံၣ်လီၤအဂီၢ်၀ံၤ ရွ့ၣ်သီၣ်ယၣ်၀့ၢ်ပူၤစ့ၢ်ကီး ဟဲဆီလီၤပၥ်၀ဲ ဟီၣ်၀့ၣ်စၣ်ကျိဖးဒိၣ်တဖၣ်အသိး သုးသိလ့ၣ်ထးတဖၣ်စ့ၢ်ကီး လ့ၤလိၤဟးထီၣ်၀ဲအိၣ်အဂ့ၢ် စံး၀ဲန့ၣ်လီၤ.
သုးကီၣ်ကးအသုးအံၤ ဒ်သိးကန့ၢ်ပၢဘၣ်က့ၤပကၠံစ့ၣ်သ၀ီအဂီၢ်မၤက့ၤဒုးယၤတဖၣ်လၢခိ,ထံဒီးကလံၤသုးတဖၣ်အသိး ဟဲတ့ၢ်လီၤမ့ၣ်ပိၢ်လၢ သ၀ီလၢအဘူးဒီးဖဲန့ၣ်တဖၣ်ပူၤအဃိ လီၢ်က၀ီၤကမျၢၢ်တဖၣ် ဘၣ်ဃ့ၢ်ပူၤဖျဲးသးဆူ ပသံၣ်ဒီးသၣ်ပီ၀့ၢ်တဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
Ref: Ayeyarwaddy Times
