ယပၣ်ယၣ်ကူၣ်စၣ်အခိၣ် အၢၣ်လီၤ၀ဲလၢ အတၫ်ကမၣ်အိၣ်လၢ ကူလဲၫ်မၤကၤခူသူၣ် ကီၫ်ပယီၤပူၤ နူကလံယါတၫ်ဖိတၫ်လံၤတဖၣ်

လါယနူၤအါရံၤ(၁၀)သီ,၂၀၂၅နံၣ်

ကီၫ်ပယီၤပူၤ နူကလံယါတၫ်ဖိတၫ်လံၤတဖၣ် ကူၣ်လဲၫ်မၤကၤ၀ဲလၢ ပနံာ်သူတၫ်ဂ့ၫ်အဖီခိၣ် ယပၣ်ယၣ်ကူၣ်စၣ် အခိၣ်လၢ အမဲရကၤလိာ်ဘၢလိာ်ကွီၫ်အီၤအံၤ အတၫ်ကမၣ်အိၣ်န့ၣ် အၢၣ်လီၤ၀ဲအဂ့ၫ် အမဲရကၤသဲစး၀ဲၤကျိၤ ထုးထီၣ်ဘိးဘၣ်ရၤလီၤ၀ဲလီၤ.

သးနံၣ်(၆၀)နံၣ်အိၣ် ယပၣ်ထံဖိကီၫ်ဖိ တၣ်ကံၣ်ရှံၣ်အံၣ်ဘံၣ်ဆၣ်၀ၣ်န့ၣ် ယူၣ်ရ့ၣ်နံၣ်ယၣ်ဒီးတၫ်စုက၀ဲၤပတီၫ် ပလူၣ် တိၣ်နံၣ်ယၣ်ပာ်ဃုာ် နူကလံယါတၫ်ဖိတၫ်လံၤတဖၣ် လၢကီၫ်ပယီၤပူၤ ကစိာ်ဆှၢပှ့ၤဆါ၀ဲဆူ ထံကီၫ်အဂၤအဂီၫ် ကူၣ် ထီၣ်၀ဲ၀ံၤ လၢနယူယီး မၣ်ဟၣ်တၣ် သဲစး၀ဲၤဒၢးအပူၤ အတၫ်ကမၣ်အိၣ်အဂ့ၫ် အၢၣ်လီၤ၀ဲလီၤ.

အ၀ဲအပနံာ်သူတၫ်ကူၣ်လဲၫ်မၤကၤန့ၣ် အမဲရကၤ,အ့ၣ်ဒိၣ်နံရှါ,ယပၣ်ဒီးကၠီၣ်တဲၣ်ပဒိၣ်တဖၣ် ပာ်ဖှိၣ်တြီဆၢ၀ဲန့ၫ်၀ံၤ တၫ်လိာ်ဘၢလိာ်ကွီၫ်အီၤလၢ တၫ်စိာ်ဆှၢနူကလံယါတၫ်ဖိတၫ်လံၤန့ၣ်လီၤ.အ၀ဲန့ၣ် လၢ၂၀၂၂နံၣ်အပူၤစ့ၫ်ကီး လၢထံဂုၤ ကီၫ်ဂၤန့ၣ် မ့ၫ်ပှၤတဂၤလၢ တၫ်လိာ်ဘၢလိာ်ကွီၫ်ဃာ်အီၤလၢ တၫ်ကူၣ်လဲၫ်မၤကၤတၫ်မူၤတၫ်ဘှီး ဒီးတၫ်စုက၀ဲၤကွီၫ်မ့ၣ် တဖၣ်န့ၣ်လီၤ.

လၢကီၫ်ပယီၤပူၤ တၫ်စုက၀ဲၤပတီၫ်အိၣ်,ပလူၣ်တိၣ်နံၣ်ယၣ်ပာ်ဃုာ် နူကလံယါတၫ်ဖိတၫ်လံၤတဖၣ် ကူၣ်လဲၫ်မၤကၤ၀ဲ ဖျိဖျိဖျါဖျါ၀ံၤ အၢၣ်လီၤစ့ၫ်ကီး၀ဲလၢ အတၫ်ကမၣ်အိၣ်လၢ တၫ်ကူၣ်လဲၫ်မၤကၤတၫ်မူၤတၫ်ဘှီးဒီးတၫ်စုက၀ဲၤတဖၣ် အဂ့ၫ် တဲ၀ဲလီၤ.

တကတီၫ်ဃီ တၫ်ကသူ၀ဲလၢ ကီၫ်ပယီၤတၫ်ဒုးပျီအဂီၫ် ဆီတလဲ၀ဲလၢ ဒ်သိးဒီးမျိာ်သၣ်လၢ တၫ်ခးလၢမူကပိာ်, ကျိဖးဒိၣ်တဖၣ်၀ံၤ ပံၫ်ဒီးကသံၣ်မူၤဘှီးတဖၣ်န့ၣ် ဂဲၤလိာ်တ့ၫ်၀ဲလၢ ကဆှၢ၀ဲဆူအမဲရကၤအဂ့ၫ် ပဒိၣ်ပီၫ်ရီတဖၣ်  တဲ၀ဲလီၤ.

Ref:Reuters