လါယနူၤအါရံၤ(၁၀)သီ,၂၀၂၅နံၣ်
ဖဲလါယနူၤအါရံၤ(၆)သီနံၤန့ၣ် အမဲရကၤတၫ်ကူၣ်လဲၫ်မၤကၤကိတိာ်၀ဲၤကျိၤ ဘိးဘၣ်ရၤလီၤ၀ဲလၢ ဖၢနုာ်၀ဲ ကီၫ်ပယီၤ တၫ်ဆဲးကျိးခီပနံာ်တခါလၢအမ့ၫ် Mytelခီပနံာ်ပာ်ဃုာ် ခီပနံာ်တၫ်မၤ(၁၃)ခါ လၢတၫ်ကးတံာ်ဟံးန့ၫ်ဂ့ၫ်၀ီစရီ ပူၤန့ၣ်လီၤ.
ကီၫ်ပယီၤပူၤ Mytelခီပနံာ်,ကီၫ်တရူး ခီပနံာ်(၁၁)ခါဒီးကီၫ်ပၣ်ကံၣ်စတၣ် ခီပနံာ်(၁)ခါ ပာ်ဃုာ်၀ဲလီၤ. Mytelခီပနံာ်န့ၣ် လီၤဆီဒၣ်တၫ် ဟ့ၣ်ဆီၣ်ထွဲမၤစၢၤသုးကီၣ်ကး ကျိာ်စ့ဒီးပ့ၫ်ဆှါတၫ်မၤတဖၣ်အဃိ ဘၣ်တၫ်ထၢနုာ်အီၤ လၢ တၫ်ကးတံာ်ဟံးန့ၫ်ဂ့ၫ်၀ီစရီပူၤအဂ့ၫ် တဲ၀ဲလီၤ.
ခီဖျိလၢ Mytelအတၫ်မၤစၢၤအဃိ သုးကီၣ်ကးန့ၣ် ပညိၣ်ဃုသ့ၣ်ညါ၀ဲ ပှၤနီၫ်တဂၤဒီးတၫ်ကရၢကရိတဖၣ်၀ံၤ မၤကမၣ် ပှၤဂ့ၫ်၀ီခွဲးယာ်န့ၫ်၀ဲအဂ့ၫ် တဲ၀ဲလီၤ.
ကီၫ်ပယီၤပူၤ Mytelခီပနံာ်လၢဖံးတၫ်မၤတၫ်လၢ တၫ်ဆဲးကျိးတၫ်ဖံးတၫ်မၤအံၤ ကဲထီၣ်တၫ်ဆီၣ်ထွဲမၤစၢၤ၀ဲ သုးကီၣ် ကးအတၫ်မၤကမၣ်သုးဂ့ၫ်၀ီတၫ်မၤကမၣ်တဖၣ်အဂ့ၫ် Justice For Myanmarန့ၣ် လၢ၂၀၂၀နံၣ်,လါဒံၣ်စ့ဘၢၣ်(၂၀)နံၤ အတၫ်ဘိးဘၣ်ရၤလီၤအပူၤ ပာ်ဖျါဃာ်၀ဲလီၤ.
ထဲဒၣ် Mytelခီပနံာ်အတၫ်န့ၫ်ဘျူး(၂၃)မျးကယၤဧိၤလီၤ ကီၫ်ပယီၤခီပနံာ်လၢတဘၣ်ထွဲဒီးပဒိၣ်တဖၣ်န့ၫ်ပၢ၀ဲ၀ံၤ အိၣ်တ့ၫ်(၂၈)မျးကယၤန့ၣ် ပယီၤသုးအမုာ်ကျိၤ၀ဲၤကွာ်တၫ်မၤခူသူၣ်တခါလၢအမ့ၫ် “ကီၫ်ပယီၤမုာ်ကျိၤ၀ဲၤကွာ် ခိၣ်ဖရ့ရှ့(MEC)”အစုတီၤဖီလာ် Star Highခီပနံာ်လံၣ်မံးတဲး ပၢဆှၢရဲၣ်ကျဲၤ၀ဲ တဆီအဂ့ၫ် တဲ၀ဲန့ၣ်လီၤ.
Ref: RFA
