လါယနူၤအါရံၤ(၉)သီ,၂၀၂၅နံၣ်
ဖဲလါဖ့ၤဘြူၤအါရံၤ(၁၃)သီအနံၤ ထံဂုၤကီၫ်ဂၤပှၤမၤတၫ်ဖိလၢတၫ်မၤတၫ်ခွဲးယာ်(Work Permit)သးသမူကလၢာ်တဖၣ် လၢတၫ်မၤအါထီၣ်သးသမူတၫ်ဖံးတၫ်မၤအဂီၫ် တၫ်ကဟ့ၣ်အါထီၣ်ဘၣ်တၫ်ဆၢကတီၫ်အဂီၫ် ကပာ်ဖျါထီၣ်၀ဲဆူ ကၠီၣ် တဲၣ်ပဒိၣ်အိၣ်အဂ့ၫ် ကၠီၣ်တဲၣ်ပှၤမၤတၫ်ဖိကိတိာ် ဖံးဖးလးခၠးကံးပရၣ်ကၣ် တဲ၀ဲလီၤ.
ဖဲလါယနူၤအါရံၤ(၈)သီနံၤ,ဂီၤ(၉)နၣ်ရံၣ်အကတီၫ် လၢ၀့ၫ်ဘီကီာ်, ကၠီၣ်တဲၣ် ပှၤမၤတၫ်ဖိကိတိာ်၀ဲၤကျိၤ တၫ်အိၣ်ဖှိၣ် အပူၤ ဘၣ်ထွဲပှၤကီၫ်ပယီၤဖိပာ်ဃုာ် ထံဂုၤကီၫ်ဂၤပှၤမၤတၫ်ဖိလၢ တၫ်မၤတၫ်ခွဲးယာ် အသးသမူကလၢာ် ဖဲလါဖ့ၤဘြူၤ အါရံၤ(၁၃)သီအနံၤတၫ်ဂ့ၫ်တဖၣ်န့ၣ် ကၠီၣ်တဲၣ်ပှၤမၤတၫ်ဖိကိတိာ်တဲလီၤ၀ဲလီၤ.
ကၠီၣ်တဲၣ်ပှၤမၤတၫ်ဖိကိတိာ်၀ဲၤကျိၤန့ၣ် လၢလါဖ့ၤဘြူၤအါရံၤ(၁၃)သီအနံၤ ထံဂုၤကီၫ်ဂၤပှၤမၤတၫ်ဖိလၢ တၫ်မၤတၫ်ခွဲး ယာ်အသးသမူကလၢၤတဖၣ်ဒီးတၫ်မၤကစၫ်တဖၣ် လၢတၫ်ပာ်ပနီၣ်မုၫ်နံၤမုၫ်သီအပူၤ ကမၤအါထီၣ်တၫ်မၤတၫ်ခွဲးယာ် သးသမူ လၢချူးဆၢချူးကတီၫ်အဂီၫ် ဟ့ၣ်ဒုးသ့ၣ်ညါဃာ်၀ဲဘၣ်ဆၣ် ပှၤမၤတၫ်ဖိအနီၫ်ဂံၫ်နီၫ်ဒွးလၢဟဲမၤအါထီၣ် တၫ်မၤတၫ်ခွဲးယာ်သးသမူ စှၤလီၤ၀ဲအဃိ တၫ်ဆၢကတီၫ်ကအိၣ်လၢလၢလီၫ်လီၫ်အဂီၫ် တၫ်ကဟ့ၣ်ဘၣ်တၫ်ဆၢကတီၫ် အဂီၫ် ကၠီၣ်တဲၣ်ပှၤမၤတၫ်ဖိကိတိာ်၀ဲၤကျိၤပာ်ဖျါထီၣ်၀ဲဆူ ကၠီၣ်တဲၣ်ပဒိၣ်အိၣ်န့ၣ်လီၤ.
ကီၫ်ကၠီၣ်တဲၣ်ပူၤ ကီၫ်ပယီၤပှၤမၤတၫ်ဖိလၢ မၤတၫ်လၢဖိးသဲစးအကျါ ပှၤမၤတၫ်ဖိ(၂)ကကွၫ်ဘျဲၣ်န့ၣ် လါလၢကဟဲ ဖ့ၤဘြူၤအါရံၤ(၁၃)သီအနံၤန့ၣ် တၫ်မၤတၫ်ခွဲးယာ်(Work Permit)သးသမူကလၢာ်အဂ့ၫ် တၫ်သ့ၣ်ညါဘၣ်လီၤ.
Ref:Myawaddy & Maesot Media Group
