လါယနူၤအါရံၤ(၉)သီ,၂၀၂၅နံၣ်
ကီၢ်ရ့ၣ်ဒူသထူၣ်တၢ်ပၢဟီၣ်က၀ီၤ,ဘံလ့ဒီးကၠဲးထိၣ်ကီၫ်ဆၣ်တဖၣ်အပူၤ သုးကီၣ်ကးတကပၤ အိၣ်ကတဲာ်ကတီၤအသးလၢ သုးဂ့ၫ်၀ီ၀ံၤ လၢကၠဲးထိၣ် နီၫ်ဂံၫ်(၃၁၀)သုးကလၢၤပူၤ ဖဲမဟါ ဟါခီ(၇း၃၀)နၣ်ရံၣ် အကတီၫ် လၢပကိတကပၤ သုးကီၣ်ကး သုးသိလ့ၣ်ထး(၂)ခိၣ်ဟဲတုၤအဂ့ၫ် တၫ်သ့ၣ်ညါဘၣ်လၢ တၫ်ပၢၫ်ဆၢဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
KNLAသုးပာ်ဖှိၣ်တဖၣ်လဲၤဒုး၀ဲ ဘံလ့ကီၫ်ဆၣ်,မဲၫ်ပလံးသုးကလၢၤလၢဒြိတဖၣ်အဃိ ဖဲလါယနူၤအါရံၤ(၅)သီနံၤ,ဟါခီ (၇)နၣ်ရံၣ်ဘျဲၣ်အကတီၫ် သုးကီၣ်ကးအသုးဟဲတ့ၫ်လီၤမ့ၣ်ပိၫ်, ပီၣ်(၅၀၀)ခံဖျၢၣ် ဖဲစံကိသ၀ီအကပၤ၀ံၤ ဖဲ(၆)သီအနံၤစ့ၫ်ကီး ဟဲတ့ၫ်လီၤကဒီးမ့ၣ်ပိၫ်(၂)ဖျၢၣ် ဖဲမဲၫ်ပလံၣ်သ၀ီကပၤအဂ့ၫ် တဲ၀ဲလီၤ.
မဲၫ်ပလံးသုးကလၢၤ သုတလီၤအဂီၫ် သုးကီၣ်ကးတကပၤ မုၫ်နၤမုၫ်ဆါ လူၤဃုကွၫ်တၫ်လၢကဘီယူၤဒုးသုးတကးဘၣ် သူစ့ၫ်ကီးဒြိတဖၣ်အဂ့ၫ်န့ၣ်လီၤ.
တၫ်ဒုးမ့ၫ်ကဲထီၣ်န့ၣ် ဘၣ်ယိၣ်၀ဲလၢ သုးကီၣ်ကးတကပၤ ကဒုးခးလီၤတၫ်လၢကဘီယူၤဒီးဒြိတဖၣ်လၢသ၀ီပူၤအဃိ မဲၫ်ပလံးသ၀ီတကးဘၣ်,ပကပိာ်ကပၤ ပှၤလီၫ်က၀ီၤဖိတဖၣ် ဃ့ၫ်ပူၤဖျဲးကွံာ်အသးအဂ့ၫ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ဒ်န့ၣ်အသိး မံးခၠီ၀့,ပဒၣ်တီၣ်လီၫ်က၀ီၤဖိတဖၣ်ဒီးအကပိာ်ကပၤ ပှၤလီၫ်က၀ီၤဖိအါအါဂီၫ်ဂီၫ် ဘၣ်ဃ့ၫ်ပူၤဖျဲးသးအဂ့ၫ် တၫ်သ့ၣ်ညါဘၣ်လၢဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
Ref: Salween Press
