လါယနူၤအါရံၤ(၈)သီ, ၂၀၂၅နံၣ်
ခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ,သုးက့နီၣ်ဂံၢ်(၅),ဖၣ်ပူၣ်ကမးမိၢ်ကျဲမုၢ်အဖီခိၣ် သုးခိၣ်လးကၠဲၣ်တီခိၣ်ရိၥ်မဲ သုးခိးကီၢ်ဆၢ(BFG)သုးရ့ၣ်(၁၀၁၃)လၢအိၣ်ဆီလီၤဃၥ်သးဖဲကတၢတံးသုးကလၢၤအံၤဟဲက့ၤပၥ်ဖှိၣ်မၤသကိးတၢ်ဒီးကညီဒီကလုၥ်တၢ်ထူၣ်ဖျဲးသုးမုၢ်ဒိၣ်KNLAတပၤတအိၣ်ဘၣ်အဂ့ၢ် သုးက့နီၣ်ဂံၢ်(၅)ပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဘၣ် R2K န့ၣ်လီၤ.
အပူၤကွံၥ်စှၤနွံအတီၢ်အပူၤန့ၣ်တၢ်ကစီၣ်တဖၣ်ဟူးထီၣ်သါထီၣ်လၢသုးခိၣ်လးကၠဲၣ်တီခိၣ်ရိၥ်မဲ(BGF)သုးရ့ၣ်(၁၀၁၃)ဒီတရ့ၣ်ဟဲက့ၤပၥ်ဖှိၣ်မၤသကိးတၢ်ဒီးကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တပၤအိၣ်၀ဲအဂ့ၢ်န့ၣ် Social Media ဒီး တၢ်ကစီၣ်သန့တဖၣ်အပူၤပၥ်ဖျါထီၣ်ဝဲဒၣ်န့ၣ်လီၤ.
ဘၣ်ထွဲဒီးသုးခိၣ်လးကၠဲၣ်တီခိၣ်ရိၣ်မဲ(BGF)သုးရ့ၣ်(၁၀၁၃)သုးရ့ၣ်ဟဲက့ၤပၥ်ဖှိၣ်ထီၣ်သးအိၣ်တအိၣ်အဂ့ၢ်န့ၣ်သုးက့၅ပှၤဘၣ်မူဘၣ်ဒါစံး၀ဲလၢ”မ့မ့ၢ်လၢ(BFG)သုးရ့ၣ်(၁၀၁၃)သုးခိၣ်လးကၠဲၣ်ကရူၢ်တခီဒုအ၀ဲန့ၣ်ဟဲက့ၤပၣ်ဖှိၣ်မၤသကိးတၢ်ဒီးပပှၤဒုတမ့ၢ်ဘၣ်နီၢ်.အဝဲသ့ၣ်ထုးကွံၥ်အသးဖဲကတၢတံးဟီၣ်က၀ီၤဖဲန့ၣ်လီၤဒီးအ၀ဲသ့ၣ်က့ၤလီၤကွံၥ်လၢတၢ်ဖီလၥ်ဆူသုးက့(၁)ဟီၣ်က၀ီၤဝံၤဘျီဒီးအ၀ဲသ့ၣ်က့ၤထီၣ်အိၣ်က့ၤလၢ အ၀ဲန့ၣ်နိထၣ်ဖဲန့ၣ်တကပၤ”အဂ့ၢ်န့ၣ်လီၤ.
ဒီးတကတီၢ်ဃီ KNLAဒီးသုးပၥ်ဖှိၣ်တဖၣ် ထီၣ်ဒုး၀ဲသုးကီၣ်ကးကတၢတံးသုးကလၢၤလၢအိၣ်ဖဲ ဖၣ်ပူၣ်,ကမးမိၢ်ကျဲမုၢ်အဖီခိၣ်အံၤအဃိ တၢ်ဒုးဆူၣ်ထီၣ်၀ဲအဖၢမုၢ်လီၤအဂ့ၢ် တၢ်သ့ၣ်ညါဘၣ်န့ၣ်လီၤ.
မ့မ့ၢ်လၢ KNLAဒီးသုးပၥ်ဖှိၣ်တဖၣ် ထီၣ်ဒုးသုးကီၣ်ကးကတၢတံးသုးကလၢၤတၢ်ဒုးအပူၤ ခံခီခံကပၤတၢ်ဘၣ်ဒိဘၣ်ထံးဒီးတၢ်သံတၢ်ပှၢ်တခီ တၢ်တဲလီၤတံၢ်တန့ၢ်ဒံးဘၣ်ဒီး တၢ်ဒုးတဖၣ်ဆူၣ်ထီၣ်၀ဲရုၢ်ရုၢ်လီၤအဂ့ၢ် အ၀ဲစံး၀ဲန့ၣ်လီၤ.
ဖဲအပူၤကွံၥ် လါဒံၣ်စ့ဘၢၣ်(၂၉)သီအနံၤလံၤလံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် KNLAဒီးသုးပၥ်ဖှိၣ်တဖၣ် ထီၣ်ဒုး၀ဲသုးကီၣ်ကးအသုးကလၢၤတဖၣ်ဒီး ထီၣ်ဒုးမၤန့ၢ်ဃၥ်၀ဲ သုးကီၣ်ကးအသုးကလၢၤတဖၣ်ဒ်အမ့ၢ် ကစၢၢ်သၢဖျၢၣ်, ကဆီမဲသုးကလၢၤတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
