လါယနူၤအါရံၤ(၂)သီ,၂၀၂၄နံၣ်
သုးကီၣ်ကး(၉၇)သုးလၢ အိၣ်ဖဲ၀့ၢ်ကီးတရံးပူၤအံၤ လဲၤသုးအသးဆူလဲၣ်၀းကျိဖးဒိၣ်တၢ်လူၢ်ခိၣ်အဂ့ၢ်န့ၣ် တၢ်သ့ၣ်ညါဘၣ်လၢ ဂံၢ်ခီၣ်ထံးသုးဂ့ၢ်၀ီတၢ်ကစီၣ်အအိၣ်န့ၣ်လီၤ.
တကးဘၣ် ရဲၣ်ကျဲၤ၀ဲစ့ၢ်ကီးလၢ ကလဲၤသုးအသးဆူကြုၢ်တု(၅၄၅)သုးတပၤအဂ့ၢ် ဂံၢ်ခီၣ်ထံးတၢ်ကစီၣ် စံး၀ဲန့ၣ်လီၤ.
ကတီၢ်ခဲအံၤန့ၣ် တၢ်ဒုးတဖၣ်ဆူၣ်ထီၣ်လၢ အ့ရှၢကျဲမုၢ်ဖးဒိၣ်အဖီခိၣ်၀ံၤ ကြုၢ်တု၀့ၢ်ပူၤစ့ၢ်ကီး သုးကီၣ်ကးအသုးတဖၣ် ကိးန့ၢ်ဆူၣ်၀ဲ သုးသီတဖၣ်အဂ့ၢ်န့ၣ်လီၤ. ကြုၢ်တု၀့ၢ်, က၀ီၤဒ့(၁)ဘ့ၣ်န့ၣ် ကဘၣ်လဲၤ၀ဲ(၂)ဂၤစုၥ်စုၥ်အဂ့ၢ် စံး၀ဲန့ၣ်လီၤ.
သုးကီၣ်ကးအသုးလၢ ဟဲထီၣ်သုးကျိၤဆူကီးတရံးအ့ရှၢကျဲမုၢ်ဖးဒိၣ်အဖီခိၣ်တဖၣ် ဟဲထီၣ်ဆူတၢ်မဲၥ်ညါတန့ၢ်ဘၣ်အသိး တၢ်ပၢၢ်ဆၢသုးပၥ်ဖှိၣ်တဖၣ် ကးတံၥ်ဒုးအီၤအဃိ သုးကီၣ်ကးအပှၤသုးဖိတနီၤစ့ၢ်ကီး ဟဲပၥ်လီၤစုက၀ဲၤအဂ့ၢ် စံး၀ဲန့ၣ်လီၤ.
ဖဲအပူၤကွံၥ် လါဒံၣ်စဲဘၢၣ်(၃၁)သီအနံၤ, ဂီၤ(၁)နၣ်ရံၣ်ဘျဲၣ်အဆၢကတီၢ်န့ၣ် တၢ်ပၢၢ်ဆၢသုးပၥ်ဖှိၣ်တဖၣ် လဲၤဒုး၀ဲ သုးကီၣ်ကးကၠဲတိၤတၢ်သမံသမိးတြဲၤ(၄)ဖျၢၣ်လၢ အိၣ်ဖဲကြုၢ်တုတပၤလၢ ဒြိမ့းရှ့ၣ်အဂ့ၢ် ဂံၢ်ခီၣ်ထံးတၢ်ကစီၣ် စံး၀ဲန့ၣ်လီၤ.
တၢ်လဲၤဒုးအီၤလၢဒြိအပူၤ တၢ်ဘၣ်ဒိဘၣ်ထံးဒီးတၢ်ဟးဂုၤဟးဂီၤတဖၣ်အိၣ်၀ံၤ တၢ်လဲၤဒုးအီၤလၢဒြိမ့ၣ်ပိၢ်၀ံၤအလီၢ်ခံ သုးကီၣ်ကးသုးသိလ့ၣ်(၃)ခိၣ် လဲၤဟးဆှဲးအသးဆူ ကၠဲဒီးရိမးတကပၤအဂ့ၢ် စံး၀ဲန့ၣ်လီၤ.
တကးဘၣ် လါဒံၣ်စ့ဘၢၣ်(၃၁)သီအနံၤ, ဟါ(၂)နၣ်ရံၣ်ဘျဲၣ်အဆၢကတီၢ်န့ၣ် သုးကီၣ်ကးတၢ်အီၣ်တၢ်အီတီၣ်သိလ့ၣ်(၂)ခိၣ်လၢအိၣ်ဟးထီၣ်၀ဲဖဲ ၀့ၢ်ဖၣ်အၣ်အံၤ ဟဲခီ၀ဲကၠဲတိၤဒီးဟဲထီၣ်၀ဲဆူ ကီးတရံးတပၤအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.
Ref: Salween Press
