လါယနူၤအါရံၤ(၁)သီ,၂၀၂၅နံၣ်
ဆိစံၣ်ညီၣ်ကွီၢ်ဘျီၣ်ဒိၣ် ထုးထီၣ်တၢ်ဖီၣ်န့ၢ်အခွဲး လၢကလံၤစိးကီၢ်ခိရံယါ ကီၢ်ခိၣ်ယိစိးယိၣ်လၢ ခီဖျိလါဒံၣ်စဲဘၢၣ်(၃)သီအနံၤန့ၣ် ထုးထီၣ်သုးတၢ်ပၢတၢ်ပြးတၢ်ကလုၢ်အဃိ တၢ်လိၥ်ကွီၢ်ဃၥ်အီၤ၀ံၤ တၢ်ပၥ်ပတုၥ်ဃၥ်အီၤလၢ အလီၢ်လၤမူဒါအံၤန့ၣ်လီၤ.
ကီၢ်ခိၣ်ယိစိးယိၣ်လၢ တၢ်လိၥ်ဘၢလိၥ်ကွီၢ်ဃၥ်အီၤလၢ တၢ်မၤပူထီၣ်တၢ်, တတီလၢထံကီၢ်အဖီခိၣ်ကွီၢ်တဖၣ်အံၤ အပူၤကွံၥ် (၂)နွံအတီၢ်ပူၤ တၢ်ကိးထီၣ်လၢ တၢ်ကသမံသမိးအဂီၢ် ဘၣ်ဆၣ်တကနၣ်ဃုၥ်၀ဲဘၣ်အဃိ စံၣ်ညီၣ်ကွီၢ်ဘျီၣ်ဒိၣ် ထုးထီၣ်၀ဲတၢ်ဖီၢ်န့ၢ်အခွဲးအဂ့ၢ် စံး၀ဲန့ၣ်လီၤ.
တၢ်ထုးထီၣ်၀ဲ တၢ်ဖီၣ်န့ၢ်အခွဲးလၢ အပူၤကွံၥ်အနၤ၀ံၤ တၢ်အံၤတဖိးသဲစးဘၣ်အဂ့ၢ်န့ၣ် ကီၢ်ခိၣ် အပီၢ်ရီတဖၣ် စံး၀ဲန့ၣ်လီၤ. အပူၤကွံၥ်(၂)နွံအတီၢ်ပူၤန့ၣ် ဘျီၣ်ဒိၣ်လိၥ်ဘၢလိၥ်ကွီၢ်၀ဲ ယိစိးယိၣ်တကးဘၣ် ကီၢ်ခိၣ်ပတြီၤစ့ၢ်ကီးအဃိ ကလံၤထံးကီၢ်ခိရံယါအပူၤ ထံရူၢ်ကီၢ်သဲးတၢ်ဃံးတၢ်စ့ၢ်အိၣ်ထီၣ်၀ဲန့ၣ်လီၤ.
ပှၤသမံသမိးတၢ်တဖၣ်အံၤ မၤအါထီၣ်တၢ်ဖီၣ်န့ၢ်အခွဲး တုၤလါယနူၤအါရံၤ(၆)သီအနံၤ၀ံၤ မ့ၢ်လိၣ်န့ၣ် မၤအါထီၣ်၀ဲသ့ဒံးအဂ့ၢ် စံး၀ဲန့ၣ်လီၤ. တၢ်အိၣ်သးအံၤအဃိ ကီၢ်ခိၣ်ယိစိးယိၣ် ကဲထီၣ်၀ဲ ကလံၤထံးကီၢ်ခိရံယါကီၢ်ခိၣ်တဖၣ်အကျါ ဖဲလၢလီၢ်လၤမူဒါအိၣ်ဒံးအဆၢကတီၢ် ဘၣ်ကွၢ်ဆၢၣ်မဲၥ်ဘၣ်ဒီး ဘၣ်တၢ်ဖီၣ်အီၤ အဆိကတၢၢ်တဂၤန့ၣ်လီၤ.
ဘၣ်ဆၣ်ဒီး ခီဖျိတၢ်ပၥ်ဖျါထီၣ်တၢ်ပၥ်သးဒီး တၢ်အိၣ်သးအဂုၤအဂၤတဖၣ်အဃိ ပှၤဘၣ်မူဘၣ်ဒါတဖၣ် ဖီၣ်တဖီၣ်ဘၣ်အဂ့ၢ်န့ၣ် တၢ်တသ့ၣ်ညါဘၣ်လီၤတံၢ်ဒံးဘၣ်. သုးတၢ်ပၢတၢ်ပြးတၢ်ကလုၢ်အံၤ အိၣ်၀ဲလၢ ကီၢ်ခိၣ်အတၢ်သူၣ်ထီၣ်တၢ်ဘျၢသဲစးခိၣ်သ့ၣ်တၢ်မၤပျဲအတကွီၣ်ပူၤအဃိတၢ်ပျဲတအိၣ်လၢတၢ်ကဘၣ်ဖီၣ်အီၤဘၣ်အဂ့ၢ်န့ၣ် ကီၢ်ခိၣ်အပီၢ်ရီကရၢတဖၣ် စံး၀ဲန့ၣ်လီၤ.
Ref:BBC
Photo:Reuters
