လါဒံၣ်စ့ဘၢၣ်(၁၂)သီ,၂၀၂၄နံၣ်
တၢ်မၤစၢၤထံရူၢ်ကီၢ်သဲးပှၤလီၤဃိၣ်ဖိကရၢ(AAPP) ဘိးဘၣ်ရၤလီၤဃၥ်၀ဲလၢ ကီၢ်ပယီၤဒီတဘ့ၣ်အပူၤ လွံၢ်လါအတီၢ်ပူၤ ခီဖျိသုးကီၣ်ကးအသုး ခးလီၤကျိဖးဒိၣ်အဃိ ပှၤသံ၀ဲ(၁၀၀)ဘျဲၣ်ဒီး ကလံၤကျါတၢ်ဒုးအဃိ ပှၤသံ၀ဲ(၂၄၀)ဂၤဃၥ်ဃၥ် ပှၤဘၣ်သံ၀ဲ ခဲလၢၥ်ပၥ်ဖှိၣ်အိၣ်(၃၀၀)ဘျဲၣ်အဂ့ၢ်န့ၣ်လီၤ.
ခီဖျိကလံၤကျါတၢ်ဒုးအဃိ ပှၤသံ(၂၃၇)ဂၤအကျါ ပၥ်ဃုၥ်၀ဲ သးနံၣ်(၁၈)နံၣ်ဆူအဖီလၥ် ဖိသၣ်(၄၇)ဂၤန့ၣ်လီၤ. ကလံၤကျါတၢ်ဒုးအဃိ ပှၤဘၣ်သံ၀ဲအအါကတၢၢ်လၢ ရၢၢ်ခၢၣ်ကီၢ်စဲၣ်ပူၤ (၈၈)ဂၤဒီး ယိၤဒိၣ်ကီၢ်စဲၣ်ပူၤ (၄၃)ဂၤန့ၣ်လီၤ.
တကးဘၣ် ခီဖျိသုးကီၣ်ကးအသုးခးလီၤကျိဖးဒိၣ်အဃိ ပှၤဘၣ်သံအိၣ်၀ဲ(၁၀၄)ဂၤဒီး ဖဲန့ၣ်အကျါ ပၥ်ဃုၥ်၀ဲ (၁၈)နံၣ်ဆူအဖီလၥ် (၁၉)ဂၤန့ၣ်လီၤ. ဖဲလါဒံၣ်စ့ဘၢၣ်(၁၁)သီအနံၤ, AAPPဘိးဘၣ်ရၤလီၤဃၥ်၀ဲလၢ ပှၤဘၣ်သံအအါကတၢၢ်လၢ စကဲကီၢ်ခီပူၤ(၃၂)ဂၤဒီး ရၢၢ်ခၢၣ်ကီၢ်စဲၣ်ပူၤ (၂၀)ဂၤန့ၣ်လီၤ.
ပှၤသံစရီအနီၣ်ဂံၢ်နီၣ်ဒွးအံၤ တၢ်စးထီၣ်ထၢဖှိၣ်အီၤဖဲ လါအီးကူး(၁)သီတုၤလါနိၣ်၀့ဘၢၣ်(၃၀)သီအနံၤအတီၢ်ပူၤ၀ံၤ တၢ်ပၥ်ဂၢၢ်ပၥ်ကျၢၤန့ၢ်အီၤဒီးအမံၤတဖၣ်အဂ့ၢ် AAPP စံး၀ဲန့ၣ်လီၤ.
