လါဒံၣ်စ့ဘၢၣ်(၁၂)သီ,၂၀၂၄နံၣ်
တနီသရံၣ်ကီၫ်ခီပူၤ တၫ်ဒုးအဃိ ပှၤလၢပာ်တ့ၫ်တၫ်အိၣ်တၫ်ဆိးဃ့ၫ်ပူၤဖျဲးသးတနီၤ ဟဲက့ၤကဒါက့ၤအိၣ်ဘၣ်ဆၣ် ဘၣ် ယိၣ်၀ဲလၢသုးကီၣ်ကးသုးကျိၤကဟဲနုာ်လီၤကဒါက့ၤကဒီးအဃိ ဘၣ်ပာ်သူၣ်ပာ်သးထီဘိအဂ့ၫ် လီၫ်က၀ီၤဖိတဖၣ် တဲ၀ဲလီၤ.
တနီသရံၣ်ကီၫ်ခီပူၤ သုးကီၣ်ကးဒီးလီၫ်က၀ီၤတၫ်ပၢၫ်ဆၢသုးတဖၣ်အဘၢၣ်စၢၤ တၫ်ဒုးတၫ်ယၤ,ကျိဖးဒိၣ်အတၫ်မၤဘၣ် ဒိတဖၣ်,တၫ်ဒွဲၣ်အူဟံၣ်ဃီဒီးသုးကီၣ်ကးအသုးကျိၤဟဲနုာ်လီၤအဃိ ပှၤလီၫ်က၀ီၤဖိလၢဘၣ်ဃ့ၫ်ပူၤဖျဲးအသးတဖၣ် အိၣ်ထီၣ်ကိးလါဒဲးဃာ်ဃာ်လီၤ.ပှၤလၢဘၣ်ပာ်တ့ၫ်ဟံၣ်ဃီဃ့ၫ်ပူၤဖျဲးအသးတဖၣ် လၢ(၁)လါအတီၫ်ပူၤ အိၣ်၀ဲ(၆) ကလးဃၣ်ဃၣ်အဂ့ၫ် တၫ်သ့ၣ်ညါဘၣ်လၢ ပှၤလၢထၢဖှိၣ်လီၫ်က၀ီၤတၫ်ဂ့ၫ်တၫ်ကျိၤတဖၣ်အဖီခိၣ်န့ၣ်လီၤ.
ပှၤလၢဘၣ်လဲၤဃ့ၫ်အိၣ်ကဒုလၢပှၫ်ပူၤ လၢတၫ်ဆၢကတီၫ်ယံာ်အပူၤအိၣ်၀ဲအသိး,တနီၤဒု သုးကျိၤမ့ၫ်ဟဲနုာ်လီၤမးဒီး ဃ့ၫ်အိၣ်ခူသူၣ်တစိၤတလီၫ်အိၣ်၀ဲလီၤ.ကီၫ်ရ့ၣ်ဒ၀ဲၫ်,ကီၫ်ဆၣ်ယ့ၣ်ဖၠူၣ် ပှၤလီၫ်က၀ီၤဖိလၢဘၣ်ဃ့ၫ် သုးတလီၫ်လီၫ် တဂၤတဲ၀ဲလၢ လၢအ၀ဲသ့ၣ်အိၣ် ဖဲလါဒံၣ်စ့ဘၢၣ်အံၤအပူၤ သုးကျိၤဟဲနုာ်လီၤတအိၣ်ဘၣ်ဆၣ် ဘၣ်ထွဲဒီးသုးဂ့ၫ်၀ီန့ၣ် ဘၣ်အိၣ်ခိးဒိကနၣ်၀ဲထီဘိန့ၣ်လီၤ.
“ဒံၣ်စ့ဘၢၣ်လါအပူၤတခီ သုးကျိၤတဟဲထီၣ်ဒံးဘၣ်.လၢအ၀ဲသ့ၣ်အိၣ်ဆီလီၤသးအလီၫ် သ၀ီတဖၣ်တခီ ဖီၣ်ပှၤကညီ တအိၣ်ဒံးဘၣ်.အပူၤကွံာ် ဖဲဟဲလီၤတခီ အဂံၫ်ဘါပာ်ဃုာ်(၃၀၀)ဂၤဃၣ်ဃၣ်လီၤ.အခဲအံၤအ၀ဲသ့ၣ် အိၣ်ဒၣ်လၢအသုး ကလၢၤပူၤဒံးလီၤအဂ့ၫ်” တဲ၀ဲန့ၣ်လီၤ.
တနီသရံၣ်ကီၣ်ခီပူၤ သုးကီၣ်ကးန့ၣ် ပာ်ပနီၣ်န့ၫ်ဃာ်၀ဲ ဟုသး,ကဟၣ်သိတဖၣ်ပာ်ဃုာ် ကသံၣ်ကသီဒီးတၫ်တီၣ်ထီၣ် တီၣ်လီၤပနံာ်တဖၣ်န့ၣ်လီၤ.ဟုသးလၢကအီၣ်အဂီၫ် တၫ်ဟဲက့ၤပှ့ၤမ့ၫ်၀ံၤ တၫ်လဲၤခီဂာ် တၫ်လီၫ်လၢသုးကီၣ်ကးအသုးဖိ အိၣ်၀ဲတန့ၫ်ဘၣ်အဂ့ၫ်တဲ၀ဲလီၤ.
“လဲၤပှ့ၤမ့ၫ်၀ံၤန့ၣ် ဘၣ်လဲၤတရံးလၢကျဲအဂၤဒီးက့ၤလီၤ.ပှ့ၤဒုန့ၫ်လီၤ.ပှ့ၤမ့ၫ်၀ံၤ လဲၤဆူအ၀ဲသ့ၣ်အသုးရ့ၣ်ကပၤတဘူၣ် ဘၣ်.ဘၣ်က့ၤလၢကျဲအဂၤလီၤ.မ့ၫ်ထံၣ်ဟုသးန့ၣ်ဖီၣ်၀ဲလီၤ.လၢဒ၀ဲၫ်စ့ၫ်ကီးတၫ်ပှ့ၤဟုသးန့ၫ်လီၤ.ဘၣ်ဆၣ်သနာ်က့ ပှ့ၤ၀ဲ မ့ၫ်၀ံၤန့ၣ် က့ၤလၢကျဲအဂၤတဘိဒီးဟးဆှဲး၀ဲသုးကီၣ်ကးအသုးတဖၣ်န့ၣ်လီၤ.”
တနီသရံၣ်ကီၫ်ခီပူၤ တၫ်သဘံၣ်သဘုၣ်တဖၣ်အဃိ ဖဲတၫ်ဘၣ်ဃ့ၫ်သုးအကတီၫ် သုးကီၣ်ကးထုးထီၣ်ကမျၢၫ် တၫ်ဘၣ် ကဲသုးတၫ်ဘျၢအဃိ ပှၤလၢဘၣ်တၫ်ဖီၣ်အီၤတနီၤစ့ၫ်ကီး ပာ်ဃုာ်လၢတၫ်ထၢသုးဖိသီအကျါအဂ့ၫ် လီၫ်က၀ီၤဖိတဖၣ် တဲ၀ဲလီၤ.
“လၢပအိၣ်တကပၤ တဘျီတခီၣ် ပှၤလၢဘၣ်တၫ်က့ၤကိးအီၤအိၣ်၀ဲလီၤ.ပှၤလၢတနာ်န့ၫ်၀ဲန့ၣ် က့ၤကိး၀ဲလီၤ. က့ၤကိး၀ဲ ဒ်သိးကဘၣ်လဲၤကဲသုးအက့ၫ်အဂီၤအသိးလီၤ.၀ံၤဒၢး လၢပအိၣ်တကပၤ မ့ၫ်သ့ၣ်ညါတၫ်အိၣ်သးလၢ သုးကျိၤကဟး ထီၣ်လီၤန့ၣ်ဘၣ်ဃ့ၫ်ကွံာ်ခဲလၢာ်လီၤ.ဖီၣ်၀ဲန့ၫ်ဒၣ်ပှၤလၢဃ့ၫ်တပူၤဘၣ်တဖၣ်လီၤ.အိၣ်လၢဟံၣ်တဘူၣ်လၢၤဘၣ်.တဘျီတခီၣ် မ့ၫ်ဘၣ်ဃ့ၫ်န့ၣ် အိၣ်၀ဲ၄,၅,တုၤ၁၀သီအိၣ်၀ဲလီၤ.အ၀ဲသ့ၣ်မ့ၫ်ဟဲန့ၣ် အိၣ်ဖဲသ၀ီပူၤအဃိလီၤ.အခဲအံၤ တဟဲဒံး ဘၣ်ဒၢး အိၣ်ဘၣ်လၢဟံၣ်မုာ်မုာ်ခုၣ်ခုၣ်လီၤအဂ့ၫ်”တဲ၀ဲလီၤ.
ဖဲသုးကျိၤဟဲနုာ်လီၤအကတီၫ် ပှၤလၢဘၣ်တၫ်ဖီၣ်တနီၤ တၫ်ပျၫ်ကွံာ်၀ဲအိၣ်ဘၣ်ဆၣ် ပှၤလၢဘၣ်တၫ်မၤသံအီၤ တၫ်ကဲ ထီၣ်အသးတဖၣ်စ့ၫ်ကီး အိၣ်၀ဲတပယူာ်ဃီလီၤ.လၢတၫ်ဂ့ၫ်ကလုာ်ကလုာ်အဃိ ဘၣ်တၫ်ဖီၣ်,ဘၣ်တၫ်မၤသံဒီးလၢ တၫ်ဘၣ်ဃ့ၫ်အိၣ်ကဒုကျါ လဲၤခီဆူကၠီၣ်တဲၣ်လၢတဖိးသဲစးအပူၤအဃိ ပှၤလၢဘၣ်တၫ်ဖီၣ်၀ဲစ့ၫ်ကီး အိၣ်၀ဲအဂ့ၫ် ပှၤလီၫ်က၀ီၤဖိဒီးပှၤလၢထၢဖှိၣ်လီၫ်က၀ီၤတၫ်ဂ့ၫ်တၫ်ကျိၤတဖၣ်တဲ၀ဲန့ၣ်လီၤ.
Ref: VOA
