လါဒံၣ်စ့ဘၢၣ်(၉)သီ,၂၀၂၄နံၣ်
၂၀၂၄နံၣ်, လါဒံၣ်စ့ဘၢၣ်(၈)သီအနံၤ, ရၢၢ်ခၢၣ်သုးမုၢ်ဒိၣ်(AA) ဘိးဘၣ်ရၤလီၤ၀ဲလၢ တၢ်ထီၣ်ဒုးမၤနၢၤပၢဆှၢန့ၢ်ကွံၥ် သုးကီၣ်ကးအသုးကလၢၤတဖၣ်လၢအိၣ်ဖဲ ရၢၢ်ခၢၣ်ကီၢ်စဲၣ်, မီၣ်တီကီၢ်ဆၣ်ပူၤအဂ့ၢ်န့ၣ်လီၤ.
ဘိးဘၣ်ရၤလီၤဃၥ်၀ဲစ့ၢ်ကီးလၢ ပၢၤကီၢ်သုးခိးကီၢ်ဆၢသုးကလၢၤလၢအိၣ်တ့ၢ်တဖၣ် တၢ်ထီၣ်ဒုးမၤန့ၢ်ကွံၥ်အီၤ ဖဲမုၢ်ဘူၣ်အနံၤ, ဂီၤအဆၢကတီၢ်အဂ့ၢ်ဒီး တၢ်မၤတၢ်မၤရှဲပျီတဖၣ်အဃိ တၢ်ဒုးတဖၣ် ဆဲးကဲထီၣ်သးဒံးအဂ့ၢ်န့ၣ်လီၤ.
တၢ်ဒုးကဲထီၣ်သးလၢ သုးကီၣ်ကးအသုးအဘၢၣ်စၢၤ တကးဘၣ် တၢ်ဒုးကဲထီၣ်စ့ၢ်ကီးဒီး ရိၣ်ဟ့ကၠၣ်ပှၤဖီၣ်စုက၀ဲၤကရၢတဖၣ်အဃိ တၢ်ဘၣ်ကးတံၥ်ကွံၥ် တၢ်လ့ၤလိၤဟးထီၣ်လၢ နးထံကျိၤအပူၤအဂ့ၢ် ပၥ်ဖျါဃၥ်၀ဲလၢ အလံၥ်ဘိးဘၣ်ပၥ်ဖျါအပူၤန့ၣ်လီၤ.
ထီၣ်ဒုးကဒီး၀ဲ အါ, တီၣ်ကိးဒီးကွးကီၢ်ဆၣ်တဖၣ်အပူၤန့ၣ်လီၤ. မ့မ့ၢ်လၢ သုးကီၣ်ကးတခီ တထုးထီၣ်ပၥ်ဖျါ၀ဲ ဘၣ်ထွဲဒီး ရၢၢ်ခၢၣ်ကီၢ်စဲၣ်ပူၤ ဒုးယၤဂ့ၢ်၀ီတၢ်ကစီၣ်တဖၣ် နီတမံၤဒံးဘၣ်န့ၣ်လီၤ.
ရၢၢ်ခၢၣ်ကီၢ်စဲၣ်အပူၤ စုက၀ဲၤတၢ်သဘံၣ်သဘုၣ်ဟဲဒိၣ်ထီၣ်အသးတကတီၢ်ဃီ တၢ်ဘၣ်ယိၣ်ဘၣ်ဘှီအိၣ်ထီၣ်၀ဲ စ့ၢ်ကီးလၢ တၢ်မၤကမၣ်ပှၤဟီၣ်ခိၣ်ဖိခွဲးယၥ်တဖၣ်အဖီခိၣ်အဂ့ၢ်န့ၣ်လီၤ.
လီၤဆီဒၣ်တၢ် အပူၤကွံၥ်ဖဲ ၂၀၁၇နံၣ်, ခီဖျိကီၢ်ပယီၤသုးမုၢ်ဒိၣ်မၤ တၢ်မၤရှဲပျီဟီၣ်က၀ီၤဒုးယၤတဖၣ်ဖဲ ရၢၢ်ခၢၣ်ကီၢ်စဲၣ်ပူၤအဃိ ပှၤရိၣ်ဟ့ၣ်ကၠၣ်ဖိအကလီၢ်တဖၣ်လၢ ဘၣ်လဲၤဃ့ၢ်ပူၤဖျဲးဆူ ကီၢ်ဘ့ကလါဒ့းတဖၣ် ဘၣ်သဂၢၢ်ဘၣ်ကဒီး တၢ်မၤပျံၤမၤဖုးနးနးကျံးကျံးအဂ့ၢ် ဟီၣ်ခိၣ်ဒီဘ့ၣ်ပှၤဟူးဂဲၤပှၤဟီၣ်ခိၣ်ဖိခွဲးယၥ်ကရၢ(Amnesty International) ပၥ်ဖျါဃၥ်၀ဲလၢ အလံၥ်ဘိးဘၣ်ပၥ်ဖျါအပူၤန့ၣ်လီၤ.
