လါနိၣ်၀့ဘၢၣ်(၁၃)သီ,၂၀၂၄နံၣ်
ရၢၣ်ခၢၣ်သုးမုၢ်ဒိၣ် AA ထီၣ်ဒုးမၤန့ၢ်ဃၥ်၀ဲ သုးကီၣ်ကးအသုးရ့ၣ်(၁၇)ရ့ၣ်လၢ အက၀ီၤကးတံၥ်ဃၥ် အါ၀့ၢ်အကျါ သုးရ့ၣ်(၁၃)ရ့ၣ်အဂ့ၢ် ပှၤလၢအဘူးဒီး AAတဖၣ် တဲ၀ဲန့ၣ်လီၤ.
သုးရ့ၣ်တဖၣ်လၢ AAထီၣ်ဒုးမၤန့ၢ်ဃၥ်တဖၣ် မ့ၢ်၀ဲ(ခမရ ၃၇၁, ခမရ ၃၇၃, BEသုး), တမဲၢ်ကိကျိဖးဒိၣ်သုးရ့ၣ်, စရဖ, ပဲပဒိၣ်တၢ်သမံသမိးတြဲၤ, ကးကီၢ်တထီၣ်သုးကလၢၤ, ပူၣ်လီၣ်တီၣ်သုးကလၢၤ, သုးတၢ်ဆါဟံၣ်, နီၣ်ဂံၢ်(၈)တၢ်သိၣ်လိကၠိ, ကၣ်က့တဖၣ် ဒီး တၢ်သမံသမိးတြဲၤတဖၣ်လၢအိၣ်ဖဲ အါ-မ့ဘူကျဲအိၣ်မုၢ်ဖီခိၣ်တဖၣ်န့ၣ်လီၤ.
AA ထီၣ်ဒုးမၤန့ၢ်ဃၥ်၀ဲ စ့ၢ်ကီး တီဟ့တီၣ်သုးတၢ်တိၥ်ကူၣ်ကျဲၤခိၣ်သ့ၣ်, စွ့းခၠီသုးတၢ်တိၥ်ကူၣ်ကျဲၤခိၣ်သ့ၣ်ဒီး မဲတီၣ်သုးတၢ်တိၥ်ကူၣ်ကျဲၤချၣ်သ့ၣ်တဖၣ်လၢအရ့ဒိၣ်လၢအါ၀့ၢ်ဒီးမုၢ်နုၥ်ကလံၤထံးသုးတၢ်တိၥ်ကူၣ်ကျဲၤခိၣ်သ့ၣ်အဂီၢ်န့ၣ်လီၤ.
“AA ထီၣ်ဒုးမၤန့ၢ်ဃၥ်၀ဲ သုးရ့ၣ်တဖၣ်လၢ အိၣ်ဖဲ နပခအပူၤန့ၣ်လီၤ. သုးလၢအိၣ်တ့ၢ်တဖၣ်န့ၣ် မ့ၢ်၀ဲ (ခမရ-၃၇၂, ၀ံစိၥ်တီဆှၢသုး,ပဲပဒိၣ်တိၤအခိၣ်ထီးဒီးအဖီလၥ်တၢ်လီၢ်တဖၣ်,သုးလၢကတဲၥ်ကတီၤဃၥ်ဒ်တၢ်ကခီၣ်ဆၢဒုးက့ၤတၢ်တဖၣ်လၢ အိၣ်ဖဲ နပခအပူၤအဂ့ၢ်” ဂံၢ်ခီၣ်ထံးတၢ်ကစီၣ် လၢအိၣ်ဘူးဒီး AA တဲ၀ဲန့ၣ်လီၤ.
လါအီးကထိဘၢၣ်(၇)သီအနံၤ, AA ထီၣ်ဒုးမၤန့ၢ် မဲတီၣ်သုးတၢ်တိၥ်ကူၣ်ကျဲၤခိၣ်သ့ၣ်၀ံၤအလီၢ်ခံ က၀ီၤကးတံၥ်ဒုး၀ဲ ကျဲအနုၥ်လီၤလၢအါ၀့ၢ်တဖၣ်၀ံၤ ပၢဆှၢဃၥ်၀ဲ အါကဘီသန့ၤအဂ့ၢ် တၢ်သ့ၣ်ညါဘၣ်န့ၣ်လီၤ.
“သုးကီၣ်ကးသူ၀ဲ အါကဘီသန့ၤတန့ၢ်ဘၣ်အဃိ သူ၀ဲ ဖျၢၣ်ထူပျီဒီးဟီၣ်ခိၣ်ပျီတဖၣ်လၢအိၣ်ဖဲ နပခကီၢ်ခီ၀ဲၤဒၢအကပၤ၀ံၤ ဆှၢ၀ဲအပှၤသုးဖိတဖၣ်လၢ ကဘီယူၤတဖၣ်န့ၣ်လီၤ. ဆှၢတၢ်အီၣ်တၢ်အီတဖၣ်န့ၣ်လီၤ. ကဘီယူၤဒုးသုးတဖၣ် လဲၤတ့ၢ်မ့ၣ်ပိၢ်တဖၣ်ဆူ တၢ်ဒုးကဲထီၣ်သးအလီၢ်တဖၣ်န့ၣ်လီၤ”အဂ့ၢ် ပှၤ၀့ၢ်ဖိတဂၤ တဲ၀ဲန့ၣ်လီၤ.
လါနိၣ်၀့ဘၢၣ်(၁၀)သီအနံၤ, မုၢ်ထူၣ်(၂)နၣ်ရံၣ်အဆၢကတီၢ် သုးကီၣ်ကးကဘီယူၤ(၄)ခိၣ်လၢ ဟဲဆှၢတၢ်အီၣ်ဆူ အါ (နပခ)အကျါ AA ခးအီၤလၢကျိဖးဒိၣ်တဖၣ်အဃိ လီၤတဲၥ်ဟးဂီၤကွံၥ်၀ဲ(၁)ခိၣ်အဂ့ၢ် ရၢၢ်ခၢၣ်သုးမုၢ်ဒိၣ် AAပှၤကတိၤတၢ်ပၢ ခဲၣ်သူးခးတဲၤဃၥ်၀ဲဆူ မံၣ်ဒံၣ်ယၣ်တဖၣ်အအိၣ်န့ၣ်လီၤ.
AA ကထီၣ်ဒုးမၤန့ၢ် အါ၀့ၢ်ဒီး နပခအဂီၢ် သူ၀ဲသုးအဂံၢ်အဘါ, စုက၀ဲၤအဂံၢ်အဘါအါအါဂီၢ်ဂီၢ်အသိး သုးကီၣ်ကးတပၤစ့ၢ်ကီး ဟဲခးစၢၤ၀ဲဒၣ်လၢ ကလံၤကျါ တဘိယူၥ်ဃီအဂ့ၢ် တၢ်သ့ၣ်ညါဘၣ်န့ၣ်လီၤ.
သုးကီၣ်ကးအပှၤသုးဖိ သုးအဂံၢ်အဘါ(၁)ကထိဘျဲၣ် အိၣ်ကးတံၥ်သးလၢအါ၀့ၢ်ပူၤအဂ့ၢ် သုးဂံၢ်ခီၣ်ထံးတၢ်ကစီၣ်တဖၣ် စံး၀ဲန့ၣ်လီၤ. လၢန့ၣ်အမဲၥ်ညါ လီၢ်က၀ီၤကမျၢၢ် (၃)ကထိဘျဲၣ်စ့ၢ်ကီး အိၣ်ကးတ့ၥ်သးလၢ အါ၀့ၢ်ပူၤအဃိ AAမၤပူၤဖျဲးထီၣ်က့ၤ ကယီကယီအဂ့ၢ် တၢ်သ့ၣ်ညါဘၣ်န့ၣ်လီၤ.
