လါနိၣ်၀့ဘၢၣ်(၁၃)သီ,၂၀၂၄နံၣ်
သုးကီၣ်ကးအတၫ်ထၢဖးဖီမုၫ်စရီ တကဲထီၣ်လိၣ်ထီၣ်အဂ့ၫ်ဒီး ကီၫ်ပယီၤတၫ်စံၣ်စိၤအပူၤ မ့ၫ်တၫ်မၤအသးလၢ အတီၤပတီၫ်တအိၣ်,တၫ်ပာ်ဂံၫ်ပာ်ဘါနာ်န့ၫ်တသ့ဒီးကဲထီၣ်စံၣ်စိၤနုာ်လၢအၢသီအဂ့ၫ် ပှၤပူထီၣ်တၫ်ဖိဂံၫ်ဘါကရၢပာ်ဖှိၣ် (GSCB) ဘိးဘၣ်ရၤလီၤ၀ဲ ဖဲလါနိၣ်၀့ဘၢၣ်(၁၂)သီအနံၤန့ၣ်လီၤ.
သုးကီၣ်ကးန့ၣ် ၂၀၂၅နံၣ်အပူၤ ကမၤတၫ်ဃုထၢကန့ၫ်အဂီၫ် ဖဲလါအီးကထိဘၢၣ်(၁)သီနံၤတုၤ (၁၅)သီနံၤန့ၣ် လၢထံကီၫ်ဒီတဘ့ၣ်အပူၤ လူၤထၢဖးဖီမုၫ်စရီန့ၣ်လီၤ.
ထံကီၫ်ဒီတဘ့ၣ်အပူၤ ကီၫ်ဆၣ်ခဲလၢာ်ပာ်ဖှိၣ် (၃၃၀)အကျါ,တစှၤန့ၫ် ကီၫ်ဆၣ်(၂၃၃)ဘ့ၣ် ထံကီၫ်ဟီၣ်က၀ီၤ(၇၀)မျးကယၤဘျဲၣ်အပူၤ တၫ်ဒုးကဲထီၣ်အသိး, ဖဲလါစဲးပထ့ဘၢၣ်အပူၤ ထံဒိၣ်နိယွၤအဃိ ပှၤနီၫ်ဂံၫ်(၄၀၀)ဂၤဘျဲၣ်ဘၣ်သံ, ပှၤတ စှၤန့ၫ်(၁၀၀)ဂၤဘၣ်လီၤမၫ်ကွံာ်၀ံၤ ဖဲကမျၢၫ်(၁)ကကွဲၫ်ဘျဲၣ် ကွၫ်ဆၢၣ်မဲာ်ဘၣ်တၫ်ဟးဂုၤဟးဂီၤအကတီၫ် လူၤထၢဖးဖီ မုၫ်စရီန့ၣ်လီၤ.
သုးကီၣ်ကးန့ၣ် ကွၫ်ကပၤကွံာ် ထံဖိကီၫ်ဖိကမျၢၫ်အတၫ်ကီတၫ်ခဲတဖၣ်၀ံၤ သူ၀ဲ ထံကီၫ်စ့ပာ်ကီၤ ကၠးအကကွၫ် (၅၆၀၀၀)ဘျဲၣ်၀ံၤ မၢဆူၣ်ကူၣ်သ့ပှၤမၤတၫ်ဖိတဖၣ်ဒီးထၢ၀ဲဖးဖီမုၫ်စရီတဖၣ်အဂ့ၫ် ပှၤပူထီၣ်တၫ်ဖိဂံၫ်ဘါကရၢပာ်ဖှိၣ် တဲ၀ဲလီၤ.
ထံကီၫ်တၫ်အိၣ်ယၢၤတဖၣ် သူ၀ဲလၢတဖိးသဲစး၀ံၤ ထံကီၫ်ဒီတဘ့ၣ် တၫ်ထၢဖးဖီမုၫ်စရီအပူၤ ကျဲးစၢးထၢန့ၫ်ဆူၣ်၀ဲဘၣ်ဆၣ် တဒိးန့ၫ်ကမျၢၫ်အတၫ်နာ်န့ၫ်ဒီးတၫ်ပာ်ဖှိၣ်မၤသကိးတၫ်ဘၣ်အဃိ မၤအါထီၣ်ကဒီး၀ဲလၢခံ(၁၅)သီ တုၤလါအီးကထိဘၢၣ်လၢာ်ဒီးတၫ်အံၤ မ့ၫ်တၫ်အုၣ်ကီၤတခါလၢ သုးကီၣ်ကးအတၫ်ထၢဖးဖီမုၫ်စရီ တကဲထီၣ်လိၣ်ထီၣ်ဘၣ်အဂ့ၫ် တဲ၀ဲလီၤ.
သုးကီၣ်ကးအတၫ်ထၢန့ၫ်ဆူၣ် ဖးဖီမုၫ်စရီအပူၤ လၢကျဲအကလုာ်ကလုာ် ထံဖိကီၫ်ဖိကမျၢၫ်တဖၣ် ဒီးတၫ်ပၢၫ်ဆၢ ဂံၫ်ဘါကရၢအတၫ်ထီဒါတဖၣ်န့ၣ် ပာ်လုၫ်ပာ်ပှ့ၤဘၣ်၀ဲဒီး သုးကီၣ်ကး အတၫ်ကျဲးစၢးမၤ တၫ်ဃုထၢတၫ်ဂ့ၫ်တဖၣ် တၫ်ကထီဒါအီၤ ပာ်ဃုာ် သုးမီၤစိရိၤသနူ ကလီၤပှီၫ်ကွံာ်လၢအဆိအချ့ တၫ်ကပာ်ဖှိၣ်ပၢၫ်ဆၢသကိးအဂီၫ် ပှၤပူထီၣ် တၫ်ဖိဂံၫ်ဘါကရၢပာ်ဖှိၣ် (GSCB) တဲဆီၣ်တခူထီၣ်၀ဲလီၤ.
Ref: DVB
