လါနိၣ်၀့ဘၢၣ်(၁၃)သီ,၂၀၂၄နံၣ်
ကညီကီၫ်စဲၣ်,ကီၫ်ဆၣ်လူၫ်ပျဲၫ်အပူၤ တၫ်ကမၤသုးအဂီၫ် သးစၫ်လၢသးနံၣ်ပှဲၤ(၈၀)ဂၤ သုးကီၣ်ကးအလူၫ်ပျဲၫ်တၫ်တိာ်သုးကလၢၤ ဃ့ထီၣ်၀ဲအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
“ဖဲလါနိၣ်၀့ဘၢၣ်(၁၀)သီအနံၤန့ၣ် တၫ်ကစးထီၣ်လူၤထၢန့ၫ်အီၤအဂီၫ် ဃ့ထီၣ်၀ဲလီၤ.လၢလူၫ်ပျဲၫ်ဒီတဘ့ၣ်အပူၤ တၫ်က ဘၣ်ဟ့ၣ်အီၤပှၤနီၫ်ဂံၫ်(၈၀)ဂၤအဂ့ၫ်တဲ၀ဲလီၤ.လၢကတီၫ်အံၤမၤန့ၫ်ဃာ်၀ဲ(၉)ဂၤလံအဂ့ၫ် တၫ်နၫ်ဟူဘၣ်လီၤ. နၫ်ဟူလၢ တၫ်ဆှၢအီၤဆူ လူၫ်ပျဲၫ်တၫ်တိာ်ကူၣ်ကျဲၤသုးကလၢၤအပူၤလီၤ.အိၣ်သ၀ီဖဲလဲၣ်တခီဒုတသ့ၣ်ညါဘၣ်.သးစၫ်အါတက့ၫ်ဒု ဃ့ၫ်အိၣ်ခူသူၣ်ကွံာ်လံအဂ့ၫ် လီၫ်က၀ီၤဖိတဂၤတဲ၀ဲလီၤ.
“ဂံၫ်ဘါလၢဃ့၀ဲအခဲအံၤန့ၣ် တမ့ၫ်လၢကန့ၫ်ဘၣ်.ကထၢ၀ဲအဂီၫ်စ့ၫ်ကီးကီ၀ဲလီၤ.လူၫ်ပျဲၫ်အပူၤ ပှၤအါတက့ၫ်န့ၣ် မ့ၫ် ပှၤတဖၣ်လၢ ဘၣ်ထွဲလိာ်သးဒီးKNU/ PC,BGFဒီးDKBAတဖၣ်လီၤ.တၫ်န့ၣ်အဃိ ကလူၤထၢသုးအဂီၫ်ကီ၀ဲလီၤ. ကလူၤဖီၣ်န့ၫ်ဆူၣ်၀ဲအဂီၫ်စ့ၫ်ကီးတမ့ၫ်လၢကညီဘၣ်အဂ့ၫ်” တဲအါထီၣ်၀ဲလီၤ.
လၢရၤမတံ-အ့ရှၢၣ်ကျဲမုၫ်အဖီခိၣ် တၫ်ကလဲၤဒုးစၢၤတၫ်အဂီၫ် လူၤထၢသုးဖိဒ်သိးအံၤန့ၣ်လီၤ.
“ဒ်သ့ၣ်ညါအသိးမ့ၫ်ဘၣ်တဲန့ၣ် မ့ၫ်န့ၫ်ပှၤကညီန့ၫ် နၫ်ဟူလၢ သိၣ်လိန့ၫ်၀ဲ နံၤဖုၣ် သုးတၫ်မၤလိ ဖဲလူၫ်ပျဲၫ်တၫ်တိာ် ကူၣ်ကျဲၤသုးကလၢၤပူၤအဂ့ၫ်” လီၫ်က၀ီၤဖိ၀ဲန့ၣ်တဲ၀ဲလီၤ.
တၫ်ကကဲသုးအဂီၫ် ကျိာ်စ့မ့ၫ်ဂ့ၤ,ပှၤလၢအိၣ်ဆိးအဂီၫ်တအိၣ်တဖၣ် မ့ၫ်နုာ်လီၤသုးန့ၣ် ကအိၣ်ဆိးအဂီၫ် တၫ်ကဟ့ၣ်အီၤဟီၣ်ခိၣ်လီၫ်အဂ့ၫ် သုးကီၣ်ကးတကပၤ လူၤကရၢကရိ၀ဲ ဒ်သိးန့ၣ်အိၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
Ref: Salween Press
