လါနိၣ်၀့ဘၢၣ်(၁၂)သီ,၂၀၂၄နံၣ်
သုးကီၣ်ကးအသုးကျိၤတဖၣ် ဟဲနုၥ်လီၤသုးကျိၤ ဖဲကၠိၣ်ပၠီၣ်ကီၣ်ဆၣ်လၢအစဲဘူးလိၥ်သးဒီးရၢၢ်ခၢၣ်ကီၢ်စဲၣ်အပူၤ၀ံၤ မၤ၀ဲတၢ်ရှဲပျီဟီၣ်က၀ီၤတဖၣ်အဃိပှၤဒူသ၀ီဖိတဖၣ်လဲၤဖံးလဲၤမၤတၢ်တဘူၣ်ဘၣ်ဒီးကွၢ်ဆၢၣ်မဲၥ်ဘၣ်ဒီးတၢ်ဂ့ၢ်ကီအဂ့ၢ် တၢ်သ့ၣ်ညါဘၣ်န့ၣ်လီၤ.
သုးကီၣ်ကးစံး၀ဲလၢ စးထီၣ်လၢ လါနိၣ်၀့ဘၢၣ်(၉)သီအနံၤန့ၣ် ရၢၢ်ခၢၣ်သုးမုၢ်ဒိၣ် AAဒီး PDFအပှၤသုးဖိတနီၤ ဟဲနုၥ်လီၤလၢ ကၠိၣ်ပၠီၣ်ကီၢ်ဆၣ်ပူၤအဃိ သုးကီၣ်ကးအသုးတဖၣ် လဲၤနုၥ်လီၤသုးကျိၤဖဲ အ့တယီၣ်, သထ့ကိ, ညီၣ်ကိသ၀ီတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
သုးကီၣ်ကးအသုးအဂံၢ်အဘါအိၣ် (၆၀)ဃၣ်ဃၣ်တဖၣ် ဟးနုၥ်လီၤသုးကျိၤတဖၣ် တကးဘၣ် သ၀ီပၢပြးခိၣ်နၢ်တဖၣ် ဟးတဲပၥ်လၢ ပိၥ်ခွါကိးဂၤဒဲး သုတဟးထီၣ်ဘၣ်လၢ တၢ်ချၢအဃိ တၢ်ကလဲၤဖံးမၤတၢ်တန့ၢ်ဘၣ်အဂ့ၢ် စံး၀ဲန့ၣ်လီၤ.
“မၤ၀ဲလၢ လီၢ်က၀ီၤတၢ်ဘံၣ်တၢ်ဘၢအဂီၢ်အဂ့ၢ် တၢ်သ့ၣ်ညါဘၣ်န့ၣ်လီၤ. နုၥ်လီၤသုးကျိၤမၤရှဲပျီလီၢ်က၀ီၤန့ၣ်လီၤ. လီၢ်က၀ီၤကမျၢၢ်လၢဟးဆှဲတဖၣ်တခီ ခီဖျိလၢဘၣ်ယိၣ်ဘၣ်ဘှီတၢ်အဃိအဂ့ၢ်” ကၠိၣ်ပၠီၣ်ကီၢ်ဆၣ်ပၢပြးကရၢဖိတဂၤလၢ အဘူးဒီးသုးကီၣ်ကးတဂၤ တဲ၀ဲန့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤ ၂၀၂၁နံၣ်, လါယူၤ(၅)သီအနံၤန့ၣ် ခံခီခံကပၤ တၢ်ဘၣ်သဂၢၢ်ခးလိၥ်သး အိၣ်ထီၣ်၀ဲလၢ သုးကီၣ်ကးဒီးလီၢ်က၀ီၤကမျၢၢ်အဘၢၣ်စၢၤ၀ံၤ ကမျၢၢ်ဘၣ်သံ၀ဲ (၁၇)ဂၤအသိး ဒူသ၀ီဖိလၢ အကထိတဖၣ် ဘၣ်ဃ့ၢ်ပူၤဖျဲးသးန့ၣ်လီၤ.
Ref: DVB
