လါနိၣ်၀့ဘၢၣ်(၁၁)သီ,၂၀၂၄နံၣ်
ဖဲလါနိၣ်၀့ဘၢၣ်(၉)သီအနံၤန့ၣ် ဒီနၢၣ်ထရၢးတဲလီၤ၀ဲလၢ ရံၣ်ပၣ်ပလံၣ်ကၣ်ပၣ်တံၣ် တၫ်ဃုထၢအပူၤ Nikki Haleyဒီး ထံဂုၤကီၫ်ဂၤကိတိာ်လီၫ်လံၤ Mike Pompeo လၢဒိးဃုထၢအသးလၢကီၫ်ခိၣ်အလီၫ်တဖၣ် တမ့ၫ်ကဒုးပာ်ဃုာ်၀ဲလၢ ပဒိၣ်အကျါဘၣ်န့ၣ်လီၤ.
ဘၣ်ထွဲဘီမုၫ်စၢဖှိၣ်ကရၢ အမဲရကၤမီၫ်သီလီၫ်လံၤ Nikki Haleyဒီးထံဂုၤကီၫ်ဂၤကိတိာ်လီၫ်လံၤ Mike Pompeoတဖၣ် လၢပဒိၣ်လၢကဟဲထီၣ်အသီအကျါ ကပာ်ဃုာ်အဂီၫ် တမ့ၫ်လၢကကွဲမုာ်၀ဲဘၣ်န့ၣ်လီၤ. အပူၤကွံာ် ယမၤတ့ၫ်တၫ်လၢ အ၀ဲသ့ၣ်မုာ်ဒီးပာ်လုၫ်ပာ်ပှ့ၤဘၣ်အ၀ဲသ့ၣ်အသိး,လၢထံကီၫ်အဖီခိၣ်အ၀ဲသ့ၣ်မၤတ့ၫ်တၫ်တဖၣ်စ့ၫ်ကီး စံးဘျူးဘၣ်၀ဲ အဂ့ၫ် ဘိးဘၣ်ရၤလီၤ၀ဲလၢ ပှၤတ၀ၢပှာ်ဘျးစဲပူၤန့ၣ်လီၤ.
လါလၢကဟဲ လါယနူၤအါရံၣ်(၂၀)သီအနံၤ ဒ်ကီၫ်ခိၣ်အသိး တချူးဆိၣ်တၫ်အၢၣ်လီၤဒံးဘၣ်အကတီၫ် ထံၣ်လိာ်အသး ဒီး ပှၤလၢကပာ်ဃုာ်သ့လၢပဒိၣ်အကျါတဖၣ်၀ံၤ လၢထံၣ်၀ဲအကျါ အမဲရကၤခိသွဲကိတိာ်လီၫ်လၤအဂီၫ် ထံၣ်လိာ်သးဒီး ပှၤဘျၢလီၤကျိာ်စ့မုာ်ကျိၤ၀ဲၤကွာ်တၫ်ဖံးတၫ်မၤအပူၤ ပှၤမံၤဟူသၣ်ဖျါ Scott Bessentအဂ့ၫ် Reuters တၫ်ကစီၣ်တဲ၀ဲ လီၤ.
လၢအမဲာ်ညါတဘျီ ထရၢးပဒိၣ်ပၢတၫ်အစိၤ ဘၣ်ထွဲဘီမုၫ်စၢဖှိၣ်ကရၢ အမဲရကၤမီၫ်သီ Haleyန့ၣ် အပူၤကွံာ် ပၣ်တံၣ် အပူၤ တၫ်ဃုထၢအကတီၫ် ပဲာ်အၢပဲာ်သီ ဒီနၢၣ်ထရၢးလၢနုာ်လီၤသတြီၤဃုာ်တၫ်ဒီးအီၤ ၀ံၤအလီၫ်ခံမးဒီး ကဲထီၣ်ပှၤတူၫ် လိာ်ဆီၣ်ထွဲထရၢးန့ၣ်လီၤ.
ထရၢးပဒိၣ်ပၢတၫ်အစိၤ ပှၤလၢဟံးန့ၫ်တ့ၫ်ဘၣ်မူဒါ ဒ်အမဲရကၤလီၫ်ခၢၣ်သးပ့ၫ်ဆှါအ့ၣ်ကၠ့ၣ်စံၣ်(CIA)ပှၤဘၣ်မူဘၣ်ဒါ Pompeoန့ၣ် ကဲထီၣ်တၫ်ဒီသဒၢကိတိာ်သ့အဂ့ၫ် တၫ်ကစီၣ်သန့တနီၤ ပာ်ဖျါ၀ဲဘၣ်ဆၣ် လၢအ၀ဲတခီ တတဲခီၣ်ဆၢက့ၤ တၫ်နီတမံၤဒံးဘၣ်.အ၀ဲန့ၣ်တၫ်တယာ်လၢကဲထီၣ် ရံၣ်ပၣ်ပလံၣ်ကၣ်ကီၫ်ခိၣ်သ့ဘၣ်ဆၣ် ဖဲ၂၀၂၃နံၣ် လါအ့ဖြ့ၣ် အပူၤန့ၣ် တမ့ၫ်လၢကနုာ်လီၤသတြီၤတၫ်ဃုထၢဘၣ်အဂ့ၫ် ဘိးဘၣ်ရၤလီၤတ့ၫ်၀ဲလၢဖိးသဲစးအပူၤန့ၣ်လီၤ.
Ref: VOA
