လါနိၣ်၀့ဘၢၣ်(၅)သီ,၂၀၂၄နံၣ်
လၢကီၫ်အံၣ်စရ့ နံၣ်လၢကဟဲဖဲတၫ်စးထီၣ်သူ တၫ်ဘျၢသဲစးအသီအကတီၫ် ကမၤတဲာ်တၫ်ဆဲးကျိးဒီး ဘီမုၫ်စၢဖှိၣ် ကရၢ တၫ်ကရၢကရိ ဘၣ်ထွဲပှၤပၣ်လဲးစတဲဘၣ်ကီဘၣ်ခဲဖိဂ့ၫ်၀ီအဂ့ၫ် အံၣ်စရ့ထံဂုၤကီၫ်ဂၤ၀ဲၤကျိၤ ဟ့ၣ်ဒုးသ့ၣ်ညါ၀ဲ ဘီမုၫ်စၢဖှိၣ်ကရၢ လၢဖိးသဲစးအပူၤ ဖဲမဟါနံၤ လါနိၣ်၀့ဘၢၣ်(၄)သီအနံၤန့ၣ်လီၤ.
ကမၤတဲာ်တၫ်ဆဲးကျိးဒီး ဘီမုၫ်စၢဖှိၣ်တၫ်ကရၢကရိ၀ံၤ ထံကီၫ်ပူၤ တၫ်မၤတၫ်ပၢခွဲးယာ် လၢတၫ်ဘျၢသဲစးတြီဃာ်အံၤ အံၣ်စရ့ဘျီၣ်ဒိၣ် ပာ်ဂၢၫ်ပာ်ကျၢၤ၀ဲ၀ံၤအလီၫ်ခံ အခဲအံၤလၢအလီၫ်ခံကတၢၫ် ဟ့ၣ်ဒုးသ့ၣ်ညါ၀ဲလၢ ဖိးသဲစးအပူၤန့ၣ်လီၤ.
UNRWAတၫ်ဖံးတၫ်မၤတဖၣ်အပူၤ ဟါမးတဖၣ် နုာ်လီၤတိဖျိ၀ဲအိၣ်အဂ့ၫ် ပာ်ဖျါထီၣ်၀ဲလၢ တၫ်အုၣ်ကီၤတဖၣ်ဘၣ်ဆၣ် ဘီမုၫ်စၢဖှိၣ်ကရၢ မၤဘၣ်တၫ်တအိၣ်ဘၣ်အဂ့ၫ် ဘၣ်ထွဲဘီမုၫ်စၢဖှိၣ်ကရၢ အံၣ်စရ့မီၫ်သီ Danny Danon တဲဃာ်၀ဲလၢတၫ်ဘိးဘၣ်ရၤလီၤအပူၤန့ၣ်လီၤ.
ဘၣ်ထွဲတၫ်ပဲာ်အၢပဲာ်သီအံၤ အံၣ်စရ့တကပၤ တၫ်အုၣ်ကီၤတဖၣ် ပာ်ထီၣ်၀ဲန့ၫ်ဒၣ်တစံးတက့ၫ်၀ံၤ တၫ်ဃ့ထီၣ်လၢ တၫ်ကဒုးနဲၣ်ဘၣ် တၫ်အုၣ်ကီၤလၢအဂၢၫ်အကျၢၤတဖၣ်ဘၣ်ဆၣ် အံၣ်စရ့တကပၤ ခီၫ်ဆၢက့ၤ၀ဲတအိၣ်ဘၣ်အဂ့ၫ် UNRWAပှၤဘၣ်မူဘၣ်ဒါ Philippe Lazzarini တဲ၀ဲလီၤ.လၢတၫ်ဒုးဆၢက့ၤ ဟါမး လၢကၣ်စၣ်ဟီၣ်က၀ီၤပူၤ တၫ်ဆီၣ်ထွဲမၤစၢၤဖၣ် UNRWA မၤစၢၤန့ၫ်၀ဲလီၤ.အံၣ်စရ့ ဒုးယၤတၫ်ရဲၣ်တၫ်ကျဲၤအဃိ ကၣ်စၣ်ဟီၣ်က၀ီၤလၢ ပှၤနီၫ်ဂံၣ်အိၣ်(၂.၃)ကကွဲၫ်အံၤအပူၤ ပှၤ(၉၀)မၠးကယၤဃၣ်ဃၣ် ဘၣ်ပာ်တ့ၫ်တၫ်အိၣ်ဆိးလီၫ်ကျဲန့ၣ်လီၤ.
Ref: VOA
