ပယီၤ, ကၠီၣ်တဲၣ်, လၣ်အိၣ်ထံကီၢ်သၢဘ့ၣ် အၢၣ်လီၤတူၢ်လိၥ်လၢ ကဘှဲရှဲဘၣ် ကီၢ်ဆၢခီဂၥ် မ့ၣ်အူလူၢ်တၢ်ဂ့ၢ်ကီ

လါအီးကထိဘၢၣ်(၃၁)သီ,၂၀၂၄နံၣ်

အ့ရှၢၣ်မုၢ်ထီၣ်ကလံၤထံးထံကီၢ်သၢဘ့ၣ်လၢအမ့ၢ် ကၠီၣ်တဲၣ်,လၣ်အၣ်ဒီးပယီၤထံကီၢ်တဖၣ် အၢၣ်လီၤတူၢ်လိၥ်လၢ ကဘှါရှဲဘၣ် ကီၢ်ဆၢခီဂၥ်မ့ၣ်အူလူၢ်ဒီးကလံၤတၢ်ဘၣ်အၢတၢ်ဂ့ၢ်ကီအဂ့ၢ်၀ံၤ သုးကီၣ်ကးဟီၣ်လၥ်တၢ်ထူးတၢ်တီၤဒီးခိၣ်ဃၢၤန့ဆၢၣ်ကိတိၥ် အူမီၣ်ယံၣ်စ့ၢ်ကီး လဲၤထီၣ်၀ဲ တၢ်တၢၣ်ပီၣ်တဲသကိးအံၤအဂ့ၢ် Bangkok Postတၢ်ကစီၣ်ပၥ်ဖျါဃၥ်၀ဲန့ၣ်လီၤ.

တၢ်ယူၢ်န့ၢ်အမံၤလၢ တၢ်မၤကဆှီကွံၥ် မူကပိၥ်လိၤ တၢ်တိၥ်ကူၣ်ကျဲၤခိၣ်သ့ၣ် “Clear Sky Strategy 2024-2030” တၢ်ရဲၣ်တၢ်ကျဲၤလၢ တၢ်မၤအီၤဖဲ ၀့ၢ်ဘီကီၥ်န့ၣ် ကၠီၣ်တဲၣ်ထံဂုၤကီၢ်ဂၤကိတိၥ် နၢၤမၣ်ရ့းဆ့ၣ်ဖိ(နိုင်းမာရစ် ဆငဲမ်ဖုန်း)ဒီး န့ဆၢဟီၣ်လၣ်တၢ်ထူးတၢ်တီၤဒီးခိၣ်ဃၢၤန့ဆၢၣ်ကိတိၥ် ခၠလၣ်ခၠံၣ်ဆံၣ်ရံၣ်အိၣ်(ချလန်ချိုင် ဆီရိအုန်)တဖၣ်လဲၤထီၣ်၀ဲအသိးကီၢ်လၣ်အိၣ်ဟီၣ်လၥ်တၢ်ထူးတၢ်တီၤဒီးခိၣ်ဃၢၤန့ဆၢၣ်ကိတိၥ်စ့ၢ်ကီးဟဲထီၣ်၀ဲန့ၣ်လီၤ.

ဖဲအပူၤကွံၥ် ၂၀၀၂နံၣ်, လါယူၤလံၤလံၤန့ၣ် အၣ်စံၣ်ယၣ်ထံကီၢ်ကရၢတဖၣ် ဆဲးလီၤစုမုၢ်ကျၢၢ်လၢ အၣ်စံၣ်ယၣ်တၢ်အၢၣ်လီၤဘၣ်ထွဲကီၢ်ဆၢခီဂၥ်မ့ၣ်အူလူၢ်တၢ်ဘၣ်အၢဂ့ၢ်၀ီ၀ံၤ စးထီၣ်လၢ ၂၀၂၃နံၣ်,လါအ့ဖြ့ၣ်န့ၣ် ကၠီၣ်တဲၣ်တီခိၣ်ရိၣ်မဲ လၣ်အိၣ်ဒီးပယီၤထံကီၢ်သၢဘ့ၣ် မၤ၀ဲအိၣ်လဲတၢ်တၢၣ်ပီၣ်တဲသကိးတခါလၢ တၢ်ကဘှါရှဲဘၣ် မ့ၣ်အူလူၢ်လူၤဘၢတၢ်အိၣ်သးလၢ ထံကီၢ်သၢဘ့ၣ်အပူၤ၀ံၤ အၢၣ်လီၤတူၢ်လိၥ်လၢ တၢ်ကကွဲးလီၤပၥ် တၢ်တိၥ်ကူၣ်ကျဲၤခိၣ်သ့ၣ်လၢ ဘၣ်ထွဲတၢ်မၤရဲၣ်ကျဲၤဒီးယံၤထၢတၢ်ပၥ်ဖှိၣ်မၤသကိး တၢ်နဲၣ်ကျဲတခါအဂီၢ်န့ၣ်လီၤ.

တၢ်ကဘှါရှဲဘၣ် ကလံၤတၢ်ဘၣ်အၢတဖၣ်လၢ ဟဲဟးထီၣ်လၢ စဲးဖီကဟၣ်တၢ်ဖံးတၢ်မၤ,၀ံစိၥ်တီဆှၢ,တၢ်သူၣ်တၢ်ဖျးဒီး လီၤဆီဒၣ်တၢ် မ့ၣ်အူအီၣ်ပှၢ်တဖၣ် ဒီး တၢ်ဟူးတၢ်ဂဲၤတဖၣ် အိၣ်သူၣ်လီၤအသး လၢတၢ်မၤရဲၣ်ကျဲၤတဖၣ်လၢ အလိၣ်သပှၢ်ကတၢၢ်လၢ အ့ရှၢၣ်မုၢ်ထီၣ်ကလံၤထံးအဂီၢ်အဂ့ၢ် ကၠီၣ်တဲၣ်ထံဂုၤကီၢ်ဂၤကိတိၥ် တဲ၀ဲန့ၣ်လီၤ.

န့ဆၢၣ်ဟီၣ်လၥ်တၢ်ထူးတၢ်တီၤဒီးခိၣ်ဃၢၤန့ဆၢၣ်ကိတိၥ်တခီ တဲလီၤဃၥ်၀ဲလၢ တၢ်ကဘှါရှဲဘၣ် ကီၢ်ဆၢခီဂၥ်မ့ၣ်အူလူၢ်တၢ်ဂ့ၢ်ကီးအဂီၢ် ဒီး တၢ်ကမၤဖျါထီၣ် ဂၢၤကျၢၤတၢ်အဆၢတခါအဂီၢ် တၢ်ပၥ်ဖှိၣ်မၤသကိးဒီးထံကီၢ်လၢအိၣ်ဘူးလိၥ်သး (၂)ဘ့ၣ်လၢဘူးဘူးတံၢ်တံၢ်အဂ့ၢ်န့ၣ်လီၤ.

Source: Bangkok Post