လါအီးကထိဘၢၣ်(၃၁)သီ,၂၀၂၄နံၣ်
ကီၫ်ပယီၤ စုက၀ဲၤတၫ်သဘံၣ်သဘုၣ်ဆူၣ်ထီၣ်,တၫ်မၤကမၣ်ကွီၫ်မ့ၣ်ပှာ်ဘျးစဲတဖၣ် တၫ်ပၢဆှၢက့ၤအီၤတန့ၫ်လၢၤ ဘၣ်၀ံၤ ကမျၢၫ်ဘၣ်ဒိဘၣ်ထံးဆါဒိၣ်မးအဂ့ၫ် ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢ ခၢၣ်စးလီၤဆီJulie Bishop ဟ့ၣ်ပလီၫ်၀ဲလီၤ.
ဖဲလါအီးကထိဘၢၣ်(၂၉)သီ တဲလီၤ၀ဲ ဖဲဘီမုၫ်စၢဖှိၣ်ကရၢ ပှၤဂ့ၫ်၀ီခွဲးယာ်ကမံးတံာ် တၫ်အိၣ်ဖှိၣ်ပူၤန့ၣ်လီၤ .ဘီမုၫ်စၢဖှိၣ် ကရၢ နဲၣ်ရွဲၣ်ခိၣ်ကျၢၫ် Antonio Guterresန့ၣ် ဟ့ၣ်လီၤ Julie Bishop မူဒါ ဒ်ခၢၣ်စးလီၤဆီအသိး ဖဲလါအ့ဖြ့ၣ်အပူၤ ၀ံၤအလီၫ်ခံ မ့ၫ်တၫ်အဆိကတၢၫ်တဘျီလၢ ပာ်ဖျါထီၣ်တၫ်ဂ့ၫ်ဆူ ဘီမုၫ်စၢဖှိၣ်ကရၢန့ၣ်လီၤ.
ကီၫ်ပယီၤတၫ်သဘံၣ်သဘုၣ်အပူၤ ပှၤလၢပာ်ဃုာ်ပာ်ဂီၫ်တဖၣ် မ့ၫ်နၢၤဒီးနၢၤ,မ့ၫ်ဃၣ်ဒီးဃၣ် သးသဟီၣ်တဖၣ် ကပာ်တ့ၫ်ကွံာ်၀ဲအဂီၫ် ဆီၣ်တခူထီၣ်၀ဲလီၤ.
ထံကီၫ်ဒီတဘ့ၣ်အပူၤ စုက၀ဲၤတၫ်သဘံၣ်သဘုၣ်ဆူၣ်ထီၣ်အဃိ ကမျၢၫ်တၫ်လိၣ်ဘၣ်တဖၣ် မၤလၢပှဲၤ၀ဲ တမ့ၫ်ကန့ၫ် ဘၣ်အဂ့ၫ် တဲ၀ဲ၀ံၤ တၫ်မၤအၢမၤသီမၤသံမၤ၀ီတဖၣ် ကပတုာ်ကွံာ်အဂီၫ် ဆီၣ်တခူထီၣ်၀ဲလီၤ.
အီစတြ့လယါ ထံဂုၤကီၫ်ဂၤဂ့ၫ်၀ီ ကိတိာ်ခိၣ်ကျၢၫ်လီၫ်လံၤ Julie Bishopန့ၣ် ထံၣ်လိာ်သးဒီး သုးကီၣ်ကးအခိၣ် မ့အီၣ်လဲၣ် ဖဲန့ၣ်ပၠံၣ်ဒီၣ်၀ံၤအလီၫ်ခံ ထံၣ်လိာ်ကဒီးအသးဒီး ဒီကလုာ်ဒံၣ်မိၣ်ကရ့ၣ်စံၣ်ကရၢခိၣ်ကျၢၫ်(NLD) ပာ်ဃုာ် ထံရူၫ်ကီၫ်သဲးပၣ်တံၣ်တဖၣ်ဒီးကလုာ်ဒူၣ်တၫ်ပၢၫ်ဆၢခၢၣ်စးတဖၣ်န့ၣ်လီၤ.တၫ်ထံၣ်လိာ်တၢၣ်ပီၣ်တဲသကိး တၫ်ဂ့ၫ်တၫ်ကျိၤလီၤတံၫ်တခီ Julie Bishopတတဲဖျါ၀ဲဘၣ်.
Ref: RFA
