လါအီးကထိဘၢၣ်(၃၀)သီ,၂၀၂၄နံၣ်
ဖဲလါအီးကထါဘၢၣ်(၂၉)သီအနံၤန့ၣ် ဘၣ်ထွဲကီၫ်ပယီၤ အဲကလံးမီၫ်သီ၀ဲၤဒၢး ထုးထီၣ်ဘိးဘၣ်ရၤလီၤ၀ဲလၢ ကးတံာ်ဟံးန့ၫ်ဂ့ၫ်၀ီ ခီပနံာ်(၅)ခါ လၢဆီၣ်ထွဲမၤစၢၤသုးကီၣ်ကး ကဘီယူၤသိဒီးကဟၣ်တၫ်ပီးတၫ်လီတဖၣ်အဂ့ၫ် န့ၣ်လီၤ.
ဘၣ်ထွဲကမျၢၫ် တၫ်သူၣ်ထီၣ်တဖၣ် သုးကီၣ်ကးဒုးလၢကလံၤကျါဒီးတၫ်မၤကမၣ်ဟီၣ်ခိၣ်ဖိခွဲးယာ်တဖၣ် တတူၫ်လိာ်၀ဲဘၣ်အဃိ တၫ်ကးတံာ်ဟံးန့ၫ်ဂ့ၫ်၀ီအသီတဖၣ် ဘၣ်တၫ်မၤအါထီၣ်၀ဲအဂ့ၫ် အဲကလံးပဒိၣ် အ့ၣ်ဒိၣ်-ပစံးဖ့းဂ့ၫ်၀ီကိတိာ် Catherine West တဲဃာ်၀ဲလၢ တၫ်ဘိးဘၣ်ရၤလီၤအပူၤန့ၣ်လီၤ.
“လၢထံကီၫ်ဒီတဘ့ၣ်အပူၤ တၫ်ကဲထီၣ်သးလၢ ပယီၤသုး အတၫ်ခးလီၤ ကမျၢၫ်တၫ်သူၣ်ထီၣ်လၢကလံၤကျါပာ်ဃုာ် တၫ်မၤကမၣ် ပှၤဂ့ၫ်၀ီခွဲးယာ်တဖၣ် တူၫ်လိာ်၀ဲတန့ၫ်ဘၣ်.ကမျၢၫ်လၢတၫ်ကမၣ်တအိၣ် ဘၣ်ဒိဘၣ်ထံးစ့ၫ်ကီး ၀ံသးစူၤ၀ဲတန့ၫ်ဘၣ်.တၫ်န့ၣ်အဃိ အဲကလံးန့ၣ် ဘၣ်ထုးထီၣ်ဘိးဘၣ်ရၤလီၤ တၫ်ပညိၣ်ဟံးန့ၫ်ဂ့ၫ်၀ီဒီးမၤတၫ်ကးတံၫ် အသီလၢ ပှၤလၢဆါန့ၫ် ပယီၤသုး တၫ်ဖိတၫ်လံၤတဖၣ်ဒီးကဘီယူၤသိတဖၣ်အဖီခိၣ်န့ၣ်လီၤ.”
တၫ်ပာ်လီၤ တၫ်ကးတံာ်ဟံးန့ၫ်ဂ့ၫ်၀ီအသီအံၤအဃိ သုးကီၣ်ကးအတၫ်ဆီၣ်သနံးတဖၣ်ကအါထီၣ်အဂ့ၫ်ဒီး ကီၫ်ပယီၤကမုာ်ခုၣ်အဂီၫ်ဒီးခါဆူညါဒံၣ်မိၣ်ကရ့ၣ်စံၣ်အဂီၫ် အဲကလံးပဒိၣ်တကပၤ ကဆီၣ်ထွဲမၤစၢၤ၀ဲအဂီၫ် အိၣ်ဆၢထၢၣ်၀ဲဂၢၫ်ကျၢၤအဂ့ၫ်တဲ၀ဲလီၤ.
တၫ်အံၤမ့ၫ် အဲကလံး,အံယူၣ်စၢဖှိၣ်ကရၢဒီးကီၫ်ခဲနဒၣ်တဖၣ် မၤအါထီၣ် တၫ်ကးတံာ်လၢ ပယီၤသုးအစ့ပာ်ကီၤဒီး တၫ်ဒိးန့ၫ်တၫ်ဖိတၫ်လံၤတဖၣ်အဂီၫ်အဂ့ၫ် အဲကလံးမီၫ်သီ၀ဲၤဒၢး တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
ဖဲ၂၀၂၄နံၣ် လါအီကူးအပူၤ ပယီၤသုးမၤကလံၤကျါတၫ်ခးလီၤတၫ် အဘျီအါကတၢၫ်အဂ့ၫ် တၫ်မၤနီၣ်မၤဃါဃာ်၀ံၤ ကမျၢၫ်ဘၣ်သံ အဂၤလၢအဆံဘျဲၣ်အဂ့ၫ်စ့ၫ်ကီး အဲကလံးမီၫ်သီ၀ဲၤဒၢး တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
Ref: RFA
