လါအီးကထိဘၢၣ်(၂၉)သီ,၂၀၂၄နံၣ်
ကီၫ်ဖံးလံးပံအပူၤ လၢတနံၣ်အံၤ တၫ်ကိၫ်ကလံၤမုၫ် ထရမံၣ်အဃိ ပှၤ(၁၀၀)ဂၤဘၣ်သံတ့ၫ်၀ဲ၀ံၤ စှၤသီအတီၫ်ပူၤ ကလံၤမုၫ်လၢအဂၤ ဟဲနုာ်လီၤအူကဒီးအဃိ ဖဲလါအီးကထိဘၢၣ်(၂၈)သီအနံၤန့ၣ် ပဒိၣ်ဘၣ်မူဘၣ်ဒါတဖၣ် ဘိးဘၣ်ရၤလီၤကဒီး၀ဲ မူခိၣ်ကလံၤသီၣ်ဂီၤ တၫ်ဟ့ၣ်ပလီၫ်အသီန့ၣ်လီၤ.
အပူၤကွံာ် လါအီးကထိဘၢၣ်(၂၂)သီအနံၤ ထရမံၣ်ကလံၤနုာ်လီၤအူတၫ်အဃိ ပှၤ(၁)ကကွဲၫ်ဃၣ်ဃၣ် ဟံၣ်ဃီဟးဂီၤ ကွံာ်၀ံၤအလီၫ်ခံ ပှၤလၢအကထိတဖၣ် ဘၣ်ဒိၣ်ကဒီး ဖဲတၫ်မၤပူၤဖျဲးထီၣ်သးသမူ ဒဲက၀ီၤပူၤန့ၣ်လီၤ.
လၢကတီၫ်အံၤ ကလံၤမုၫ် Kong-reyအဃိ လၢစှၤနၣ်ရံၣ်အပူၤ မူခိၣ်ကစူၤဖးဒိၣ်၀ံၤကလံၤကအူဒီး လၢမုၫ်ထီၣ်ပီၣ်လဲၣ် နံၤ ပီၣ်လဲၣ်ပူၤ လပီကဒိၣ်၀ဲအဂ့ၫ် ဖံးလံးပံဒီကလုာ်မူခိၣ်ကလံၤသီၣ်ဂီၤ၀ဲၤကျိၤ တဲ၀ဲလီၤ.
ကလံၤမုၫ်န့ၣ် ဖဲလါအီးကထိဘၢၣ်(၂၉)သီအနံၤ ကပျိာ်လဲအသးဆူ တဲၣ်ဖိကလံၤမုၫ်လၢအဂံၫ်ဆူၣ်၀ံၤ လၢခံတသီ ဂီၤခီန့ၣ် ကခီဂာ်၀ဲ ဖံးလံးပံ ကီးဆံးဖိတဖၣ်အဂ့ၫ် ထုးထီၣ်ဟ့ၣ်ပလီၫ်ဃာ်၀ဲ၀ံၤ နုာ်လီၤအူ၀ဲ ထဲၣ်၀ဲၣ် လၢမုၫ်ယဲၫ်နံၤ သ့၀ဲအဂ့ၫ် ဘိးဘၣ်ရၤလီၤ၀ဲလီၤ.
ကလံၤမုၫ်တၫ်ဟ့ၣ်ပလီၫ် အဆိကတၢၫ်တပတီၫ်န့ၣ် ဘၣ်တၫ်ဘိးဘၣ်ရၤ၀ဲလၢ ထံကီၫ်မုၫ်ထီၣ်ကလံၤစိးအပူၤလီၤ. ဖဲတယံာ်ဒံးဘၣ် ကလံၤမုၫ် ထရမံၣ်နုာ်လီၤအူတၫ်အဃိ ကီၫ်ဖံးလံးပံအပူၤ ပှၤဘၣ်သံ(၁၁၆)ဂၤ၀ံၤ ပှၤ(၃၉)ဂၤ ဟါမၫ်အဖၢမုၫ်ဒီး ပှၤမၤပူၤဖျဲးထီၣ်တၫ်တဖၣ် ထံၣ်ဘၣ်တၫ်ကီတၫ်ခဲလီၤ.
ကီၫ်ဖံးလံးပံအပူၤ ကိးမုၫ်နံၣ် တဲၣ်ဖိကလံၤမုၫ်ဖးဒိၣ်(၂၀)ဃၣ်ဃၣ် ညီနုာ် နုာ်လီၤအူ၀ဲ၀ံၤ ဟံၣ်ဃီဒီးဂ့ၫ်ခီၣ်ထံးတၫ်သူၣ် ထီၣ်အါမး ဘၣ်ဟးဂီၤ၀ဲ၀ံၤ တၫ်သံတၫ်ပှၫ်တဖၣ်အိၣ်၀ဲန့ၣ်လီၤ.
Ref: VOM
