လါအီးကထိဘၢၣ်(၂၉)သီ,၂၀၂၄နံၣ်
ကညီကီၢ်စဲၣ်အပူၤ ပှၤအဂၤ(၁၀၀)ဘျဲၣ်လၢ ဘၣ်တၢ်ကူလဲၢ်မၤကၤ၀ံၤ ဘၣ်တၢ်မၢန့ၢ်ဆူၣ်တၢ်မၤတဖၣ်လၢ တရူးကဲအပူၤတဖၣ် ကပူၤဖျဲးထီၣ်က့ၤအဆိအချ့အဂီၢ် ကမျၢၢ်ကရၢသဘျ့တဖု ဃ့ထီၣ်တၢ်မၤစၢၤဆူ ကၠီၣ်တဲၣ်ပဒိၣ်အအိၣ်န့ၣ်လီၤ.
(Civil Society Network for Victim Assistance in Human Trafficking)ကရၢလၢ အမၤစၢၤ ပှၤလၢဘၣ်တၢ်ကူလဲၢ်မၤကၤတဖၣ် ကမျၢၢ်ကရၢသဘျ့ ဖဲလါအီးကထိဘၢၣ်(၂၄)သီအနံၤအတၢ်ဆှၢထီၣ်လံၥ်ဆူ ကီၢ်ကၠီၣ်တဲၣ်ကိတိၥ် ပ့ၣ်ထိၣ်ဖၣ်ရှ့ၣ်န၀းအအိၣ်အပူၤ ဆီၣ်တခူထီၣ်ဃၥ်၀ဲန့ၣ်လီၤ.
ပှၤလၣ်အိၣ်ဖိ(၉)ဂၤပၥ်ဃုၥ် ထံကီၢ်(၉)ဘ့ၣ် ပှၤ(၁၁၀)ဂၤ အိၣ်ကးတံၥ်သးလၢ ဒံၣ်မိၣ်ခြ့ၣ်စံၣ်တၢ်ဘၣ်ဘျူးကညီသုးမုၢ်ဒိၣ် DKBAဒီး သုးခိးကီၢ်ဆၢ BGFပၢဆှၢဟီၣ်က၀ီၤတဖၣ်အပူၤအဂ့ၢ်န့ၣ်လီၤ.
DKBA မ့ၢ်ကရၢတဖုလၢ ထုးဖးကွံၥ်အသးလၢ KNU၀ံၤ ကိးန့ၢ်၀ဲပှၤသုးဖိသီတဖၣ်လၢ သုးခိးကီၢ်ဆၢ(BGF)အဂီၢ်န့ၣ်လီၤ.
DKBAဒီး(BGF)ကရၢ(၂)ဖုလၢ အမၤသကိးတၢ်ဒီးသုးကီၣ်ကးအံၤ မၤ၀ဲကၣ်စံၣ်နိၣ်တၢ်လိၥ်ခိၣ်လိၥ်ကွဲတဖၣ်, အိၣ်လဲတၢ်လံၣ်တၢ်လီကျိၥ်စ့တၢ်ဖံးတၢ်မၤတဖၣ်ပၥ်ဃုၥ် မုၥ်ကျိၤ၀ဲၤကွၢ်တၢ်ဖံးတၢ်မၤဒိၣ်ဒိၣ်မုၢ်မုၢ်တဖၣ်လၢ ကီၢ်ကၠီၣ်တဲၣ်ကီၢ်ဆၢ, ကီၢ်ပယီၤတပၤန့ၣ်လီၤ.
ထံကီၢ်အဂၤတဖၣ် ကကူလဲၢ်မၤကၤပှၤကညီဆူ ကီၢ်ပယီၤအဂီၢ် သူ၀ဲမဲးဆီကီၢ်ဆၣ် ဒ်တရူးကဲ တၢ်ဘၢၣ်စၢၤသုးကလၢၤအသိးအဂ့ၢ် စံး၀ဲန့ၣ်လီၤ. တကးဘၣ် သူမွဲကျိဒီတကျိၤအံၤ မ့ၢ်စ့ၢ်ကီးထံကီၢ်ခံဘ့ၣ်ကီၢ်ဆၢအဃိ သူ၀ဲဒ်တၢ်ကူလဲၢ်မၤကၤပှၤကညီကျဲတဘိအသိးအဂ့ၢ် ကရၢအံၤနဲၣ်လီၤဃၣ်၀ဲန့ၣ်လီၤ.
Ref: RFA
