လါအီးကထိဘၢၣ်(၂၉)သီ,၂၀၂၄နံၣ်
ယိၤဒိၣ်ကီၫ်စဲၣ်,၀့ၫ်ဖဲၣ်ခိၣ်အပူၤ သုးကီၣ်ကးဒီးPNOခးလီၤကျိဖးဒိၣ်ဒီးဟဲထီၣ်လၢသုးကျိၤအဃိ အစှၤကတၢၫ်ကမျၢၫ် (၁၀)ဂၤဆူအဖီခိၣ် ဘၣ်ဒိဘၣ်ထံးအိၣ်၀ဲ၀ံၤ ကမျၢၫ်လၢအကထိဘၣ်သုးလီၫ်သုးကျဲအဂ့ၫ် ပှၤ၀့ၫ်ဖဲၣ်ခိၣ်လီၫ်က၀ီၤဖိ တဂၤ တဲ၀ဲလီၤ.
“လၢသ၀ီတဖၣ်အပူၤ လူၤတ့ၫ်လီၤမ့ၣ်ပိၫ်လၢကဘီယူၤကိးမုၫ်နံၤလီၤ.ကိးမုၫ်နံၤ သုးကီၣ်ကး အတၫ်ဒုးခးတဖၣ်အဃိ ပှၤလၢဘၣ်ဒိဘၣ်ထံးခဲလၢာ် တၫ်ဘၣ်ဆှၢအီၤဆူ မုၫ်ထီၣ်တကပၤအဃိ နီၫ်ဂံၫ်နီၫ်ဒွးတၫ်မၤလီၤတံၫ်၀ဲ တန့ၫ်ဒံးဘၣ်. အခဲအံၤ သုးကီၣ်ကးဟဲထီၣ်လၢသုးကျိၤအဖၢမုၫ်လီၤ.ဘၣ်ဆၣ်သနာ်က့ ဒ်ပမၤန့ၫ်မၤသ့အသိး ပတြီဆှၢဃာ်အဂ့ၫ်” တၫ်ပၢၫ်ဆၢသုးဖိတဂၤတဲ၀ဲလီၤ.
ဆၢကတီၫ်ခဲအံၤ မ့ၫ်လၢပှၤကူးဘုအကတီၫ်အဃိ အပူၤကွံာ်စှၤသီ ဖဲပှၤကူးဘုအကတီၫ် ကျိဖးဒိၣ်အချံလီၤတဲာ်အဃိ ပှၤဘၣ်သံအိၣ်အသိး,တၫ်ဘၣ်ဒိဘၣ်ထံးအိၣ်၀ံၤ လၢကတီၫ်အံၤ တၫ်ကကူးဘုအဂီၫ် အိၣ်တ့ၫ်ဒၣ်ထဲ ကတဲ(ကိး) ရွှ့ၣ်ပၠ့ၣ်ကရူၫ်(ရွှေပြည်အုပ်စု)အဃိ ဘုလၢအိၣ်တ့ၫ်တဖၣ် တၫ်ကူးအီၤမ့တန့ၫ်လၢၤဘၣ်န့ၣ် ဖဲၣ်ခိၣ်အမုၫ်နုာ်တကပၤ တၫ်အီၣ်တၫ်အီကကီခဲ၀ဲအဂ့ၫ် တဲ၀ဲလီၤ.
“တၫ်ဂ့ၫ်ခိၣ်သ့ၣ်န့ၣ် ကနုာ်လီၤဆူ ကရ့ၣ်နံၣ်အဂီၫ် ဖဲၣ်ခိၣ်ဒီးမိပြဲကျဲန့ၣ်မ့ၫ်တၫ်လၢအရ့ဒိၣ်န့ၣ် အ၀ဲသ့ၣ် သ့ၣ်ညါ၀ဲလီၤ. ကျဲအံၤ မ့ၫ်ဖျိ လံန့ၣ် လၢအ၀ဲသ့ၣ်အဂီၫ် မၤန့ၫ်မိပြဲ(မိုးဗြဲ)ညီကဒၣ်လီၤ.အလီၫ်ခံ လဲၤဆူ လွဲၫ်ကီၫ်တကပၤစ့ၫ်ကီး ညီ၀ဲ လီၤ.အဃိ ဖဲၣ်ခိၣ် ကျဲမ့ၫ်ဖျိန့ၣ် လၢယ့ၣ်ဖၠူၣ်တကပၤ မၤ၀ဲကန့ၫ်အဂီၫ် အ၀ဲသ့ၣ် ဟဲထီၣ်လၢသုးကျိၤအဂ့ၫ်” တၫ်ပၢၫ်ဆၢသုးဖိတဂၤ တဲ၀ဲလီၤ.
ဖဲအပူၤကွံာ်နွံန့ၣ် လၢကဘီသန့ သုးကီၣ်ကးအသုးခးလီၤကျိဖးဒိၣ်အဃိ ပှၤနီချံဖိ(၁)ဂၤ သံဖဲအလီၫ်တဘျီဃီ၀ံၤ ဘၣ်ဒိဘၣ်ထံး(၂)ဂၤနးနးကျံးကျံးန့ၣ်လီၤ.လၢကတီၫ်အံၤ သုးကီၣ်ကးအသုးဒီးPNOဟဲထီၣ်လၢသုးကျိၤအဃိ ၀့ၫ်ဖဲၣ်ခိၣ် သ၀ီတဖၣ်အပူၤ ဒူသ၀ီဖိလၢအကထိဂၤ ဘၣ်သုးလီၫ်သုးကျဲန့ၣ်လီၤ.
ဖဲလါစဲးပထ့ဘၢၣ်(၁၈)သီနံၤန့ၣ် သုးကီၣ်ကးဒီးPNOသုတဖၣ် ဟဲထီၣ်သုးကျိၤဆူ ပ့ၣ်လီတကပၤ လၢသုးဖိဂံၫ်ဘါ (၅၀၀)ဘျဲၣ်၀ံၤ လၢကတီၫ်အံၤ ၀့ၫ်ဖဲၣ်ခိၣ် ဒူသ၀ီတဖၣ်အပူၤ ဒုး၀ဲလၢကလံၤကျါတကးဘၣ် ဘၣ်သဂၢၫ်ခးလိာ်သးဒီး တၫ်ပၢၫ်ဆၢသုးတဖၣ် ကိးမုၫ်နံၤဃၣ်ဃၣ်အဂ့ၫ် တၫ်သ့ၣ်ညါဘၣ်လီၤ.
Ref: Federal FM
