လါအီးကထိဘၢၣ်(၂၈)သီ,၂၀၂၄နံၣ်
ပိၣ်လၣ်ကီၢ်ခီၣ် အၣ်ဒရ့ၣ်ဒူၣ်ဒၣ်ဂ့ၢ်လိၣ်လၢ စုက၀ဲၤသနူတဖၣ်လၢ အပှ့ၤဃၥ်၀ဲလၢကလံၤထံးကီၢ်ခိရံယါတဖၣ် တၢ်ဆီတလဲဟ့ၣ်ဆူယူၣ်ကရ့ၣ်ထံကီၢ်အအိၣ်အဂ့ၢ် ပိၣ်လၣ်မံၣ်ဒံၣ်ယၣ် RMF24ပၥ်ဖျါဃၣ်၀ဲဖဲ လါအီးကထိဘၢၣ်(၂၅)သီအနံၤန့ၣ်လီၤ.
ကလံၤထံးကီၢ်ခိရံယါသဲစးတၢ်ဘျၢ တြီဃၥ်၀ဲလၢ တၢ်သြီနုၥ်လီၤစုက၀ဲၤတဖၣ်ဆူ တၢ်သဘံၣ်သဘုၣ်ကဲထီၣ်သးအလီၢ်တဖၣ်ဘၣ်ဆၣ် ခီဖျိလၢ ရှၢးရှါဒီးကလံၤစိးကီၢ်ခိရံယါအဘၢၣ်စၢၤ မၤအါထီၣ်သုးဂ့ၢ်၀ီတၢ်ပၥ်ဖှိၣ်မၤသကိး ဟဲဒိၣ်ထီၣ်အဃိ တၢ်အိၣ်သးဆီတလဲသ့အဂ့ၢ် ကလံၤထံးကီၢ်ခိရံယါ တဲပၥ်ဖျါတ့ၢ်၀ဲ ခဲအံၤခဲအံၤန့ၣ်လီၤ.
ကလံၤထံးကီၢ်ခိရံယါကီၢ်ခိၣ် ယိဆိးယိဒီးပိၣ်လၣ်ကီၢ်ခီ အၣ်ဒရ့ၣ်ဒူၣ်ဒၣ်တဖၣ် ကမၤ၀ံၤမၤတဲၥ်ကွံၥ် လံၥ်ဃံးဃၥ်အသီလၢဘၣ်ထွဲ ကလံၤထံးကီၢ်ခိရံယါသိလ့ၣ်ထးတဖၣ်တၢ်ကဆှၢဆူပိၣ်လၣ်ထံကီၢ်အအိၣ်အဂ့ၢ် အၢၣ်လီၤတူၢ်လိၥ်၀ဲဖဲ လါအီးကထိဘၢၣ်(၂၄)သီအနံၤန့ၣ်လီၤ.
ကလံၤထံးကီၢ်ခိရံယါ အဟိဒဲခီၣ်ပိၣ်ရ့ရှ့လၢ ကမၤစၢၤဆီၣ်ထွဲ ကီၢ်ပိၣ်လၣ်ထံကီၢ် K-2 သိလ့ၣ်ထးတဖၣ်အဂီၢ် တချူးနံၣ်ကတၢၢ်န့ၣ် ကလံၤထံးကီၢ်ခိရံယါဒီးပိၣ်လၣ်ပဒိၣ်တဖၣ် ကဆဲးလီၤစုမုၢ်ကျၢၤလၢ တၢ်အၢၣ်လီၤတခါအပူၤအဂ့ၢ် ကလံၤထံးကီၢ်ခိရံယါ ယိဆိးယိတဲလီၤ၀ဲဖဲပတီၢ်ထီတၢ်အိၣ်ဖှိၣ်၀ံၤအလီၢ်ခံန့ၣ်လီၤ.
ကလံၤထံးကီၢ်ခိရံယါဒီးပိၣ်လၣ်တဖၣ် ကဒုးအိၣ်ထီၣ်၀ဲ ဖိၣ်ရၣ်တခါလၢဘၣ်ထွဲတၢ်ဒီသဒၢဂ့ၢ်၀ီအဂီၢ်၀ံၤ ကပၥ်ဖှိၣ်မၤသကိး၀ဲဘူးဘူးတံၢ်တ့ၢ်လၢ တၢ်ဘံၣ်တၢ်ဘံၣ်ဂ့ၢ်၀ီတဖၣ်အဖီခိၣ်အဂ့ၢ် ယိတဲ၀ဲန့ၣ်လီၤ.
ခီဖျိလၢ ရှၢးရှါနုၥ်လီၤဂုၢ်ဆူၣ်ဒုး ယူၣ်ကရ့ထံကီၢ်ပူၤအဃိ ပိၣ်လၣ်မၤအါထီၣ်၀ဲ သုးတၢ်လၢၥ်ဘူၣ်လၢၥ်စ့န့ၣ်လီၤ. ကလံၤထံးကီၢ်ခိရံယါ ကဆှၢ ကဘီယူၤဒုးသုးတဖၣ်, သိလ့ၣ်ထးဒီးကျိဖးဒိၣ်ဟီၣ်၀့ၣ်စၣ်တဖၣ် ဆူကီၢ်ပိၣ်လၣ်လၢ တၢ်တယၣ် ဒီလၣ်(၂၂)ဘံၣ်လံၣ်ယၣ်အိၣ် တၢ်အၢၣ်လီၤတခါ ဆဲးလီၤစုမုၢ်ကျၢၤ ဖဲ ၂၀၂၂နံၣ်န့ၣ်လီၤ.
Source-Reuters
