လါအီးကထိဘၢၣ်(၂၈)သီ,၂၀၂၄နံၣ်
“၁၀၂၇ ဒုးယၤတၫ်ရဲၣ်တၫ်ကျဲၤ”အပူၤ ယိၤဒိၣ်ကီၫ်စဲၣ်ကလံၤစိး ကီၫ်ဆၣ်တဖၣ်အပူၤ သုးကီၣ်ကးဒုးလၢကလံၤကျါ ဒီးခးလီၤကျိဖးဒိၣ်တဖၣ်အဃိ ကမျၢၫ်ဘၣ်သံ(၃၃၉)ဂၤဒီး ဘၣ်ဒိဘၣ်ထံး(၆၇၂)ဂၤအဂ့ၫ် ပှၤဂ့ၫ်၀ီခွဲးယာ်တၫ်ဟူးတၫ်ဂဲၤပှာ်ဘျးစဲ(HRAN) ထုးထီၣ်ဘိးဘၣ်ပာ်ဖျါ၀ဲ ဖဲလါအီးကထိဘၢၫ်(၂၇)သီအနံၤန့ၣ်လီၤ.
အါတက့ၫ်ပှၤဘၣ်သံခီဖျိလၢ သုးကီၣ်ကးအကလံၤကျါတၫ်ခးလီၤအဃိ၀ံၤ ပှၤဘၣ်သံ(၁၀၇)ဂၤဒီး ဘၣ်ဒိ(၃၂၀)ဂၤအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
မ့ၫ်တၫ်သံတၫ်ပှၫ်တၫ်ဘၣ်ဒိဘၣ်ထံးစရီလၢ တၫ်ထၢ၀ဲဖဲ ကလံၤစိးသိၣ်မှံၤ(၃)ဖု ထီၣ်ဒုးမၤန့ၫ်ဃာ် ၀့ၫ်တဖၣ်လၢအမ့ၫ် နါခါ,မူၣ်ဆဲၣ်,ကိးခဲၤ,လါရှိ,လီးကဲၣ်,မိကိး,မိးမ့း ပာ်ဃုာ် ၀့ၫ်(၁၄)၀့ၫ်အပူၤန့ၣ်လီၤ.
တအါဒီကလုာ်တၫ်ထူၣ်ဖျဲးသုးမုၫ်ဒိၣ်(TNLA),ကိကးသုးမုၫ်ဒိၣ်(MNDAA)ဒီးရခၢၣ်သုးမုၫ်ဒိၣ်(AA) စၢဖှိၣ်ဃာ်၀ဲ ကလံၤ စိးဒီပုၫ်၀ဲၫ်သိၣ်မှံၤကရၢ လၢစးထီၣ်တ့ၫ်ဃာ်၀ဲ အ၂၀၂၃နံၣ်,လါအီးကထိဘၢၣ်(၂၇)သီ “၁၀၂၇ဒုးယၤတၫ်ရဲၣ်တၫ်ကျဲၤ ”အံၤ ဖဲမဟါ (၂၇)သီအနံၤန့ၣ် ပှဲၤထီၣ်၀ဲ(၁)နံၣ်လံန့ၣ်လီၤ.
လၢ(၁)နံၣ်အတီၫ်ပူၤ ယိၤဒိၣ်ကီၫ်စဲၣ်ကလံၤစိးတကပၤ ကမျၢၫ်ဟံၣ်ဃီတဖၣ်,ကၠိတဖၣ်,တၫ်ဆါဟံၣ်,တၫ်ဟ့ၣ်ကသံၣ် ဒၢးဒီးတၫ်ဘူၣ်တၫ်ဘါတၫ်သူၣ်ထီၣ်တဖၣ်ပာ်ဃုာ် ခဲလၢာ်ပာ်ဖှိၣ်(၁၉၀၉)ဖျၢၣ် ဘၣ်ဟးဂီၤကွံာ်၀ဲအဂ့ၫ် တဲ၀ဲလီၤ.
တၫ်သုတမၤသကိးဃုာ်တၫ်ဒီး တၫ်ကရၢကရိလၢဘၣ်ထွဲဒီးသုးကီၣ်ကးအဂီၫ်,မုာ်ကျိၤ၀ဲၤကွာ်ဒီး တၫ်ဘျၢလီၤတဖၣ် လၢကကဲထီၣ်တၫ်ဘျူးတၫ်ဖှိၣ်လၢသုးကီၣ်ကးအဂီၫ်တဖၣ် တၫ်ကတြီဃာ်အဂီၫ်,တၫ်သုတဆါန့ၫ် သုးကီၣ်ကးအ ကလံၤကျိၤကဘီယူၤသိတဖၣ်အဂီၫ်,တၫ်ကဆီၣ်ထွဲမၤစၢၤဘၣ် ဂံၫ်ဘါကရၢလၢထီဒါသုးကီၣ်ကးတဖၣ်အဂီၫ်, တၫ်က ဟံးန့ၫ်သုးကီၣ်ကးဂ့ၫ်၀ီအဂီၫ် ပာ်ဃုာ် တၫ်ဂ့ၫ်(၇)ခါ, HRAN ဃ့ထီၣ်ဃာ်၀ဲ ထံဂုၤကီၫ်ဂၤပဒိၣ်ဒီးတၫ်ကရၢကရိတဖၣ် န့ၣ်လီၤ.
ပှၤဂ့ၫ်၀ီခွဲးယာ်တၫ်ဟူးတၫ်ဂဲၤပှာ်ဘျးစဲ(HRAN)ဘၣ်တၫ်ကရကရိဒုးအိၣ်ထီၣ်အီၤလၢ တအါပိာ်မုၣ်ကရၢ,တအါကၠိဖိဒီး သးစၫ်ကရၢ,တအါသဲစးတၫ်မၤစၢၤဖီၣ်ဒ့ရှ့,ဂ့ၫ်ဘါပာ်ဖှိၣ်အ့ၣ်စံၣ်ကျူးဒီး New Star Law Firmတဖၣ်န့ၣ်လီၤ.
Ref: RFA
