လါအီးကထိဘၢၣ်(၂၃)သီ,၂၀၂၄နံၣ်
အ့ၣ်ယၣ်၀တံၣ်ကီၫ်ခီ, မၠီမၠးကီၫ်ရ့ၣ်,အ့ၣ်မဲကီၫ်ဆၣ်,သုးကီၣ်ကးအပှၤ လူၫ်ကီကၠိသ၀ီကရူၫ် သ၀ီသးပှၫ်န့ၣ် တၫ်မၤန့ၫ်သုးလၢပှၤဂၤအလီၫ်အဂီၫ် ထၢ၀ဲဟံၣ်(၁)ဖျၢၣ် စ့ပယီၤ(၁)ကလီၫ်ကၠးအဂ့ၫ် လီၫ်က၀ီၤဖိတဖၣ်တဲ၀ဲလီၤ.
သုးကီၣ်ကးအပှၤ လူၫ်ကီကၠိသ၀ီကရူၫ် သ၀ီသးပှၫ် အူအီၣ်ကိၣ်အူဒီးပၢပြးအပှၤတဖၣ် စးထီၣ်ဖဲလါအီးကထိဘၢၣ်(၁၉)သီအနံၤန့ၣ် လူၫ်ကီကၠိသ၀ီကရူၫ်အပူၤလၢ ဟံၣ်ခိၣ်အိၣ်(၁၀၀၀)ဘျဲၣ်အံၤအပူၤ တၫ်ကဲန့ၫ်သုးလၢပှၤဂၤအလီၫ် အဂီၫ် ဟံၣ်တဖျၢၣ် ထၢ၀ဲစ့ပယီၤ(၁)ကလီၫ်ကၠးအဂ့ၫ်န့ၣ်လီၤ.
လူၫ်ကီကၠိသ၀ီဖိတဂၤတဲ၀ဲလၢ“ထၢ၀ဲဟံၣ်တဖျၢၣ်(၁)ကလီၫ်လီၤ.ဒ်သိးပှၤနုာ်လီၤန့ၫ်လၢပှၤဂၤအလီၫ်အဂီၫ်လီၤ.ဃ့စ့ပှၤဟ့ၣ်မ့ၫ်တန့ၫ်ဘၣ်န့ၣ် တဲ၀ဲလၢ လဲၤပိာ်တၫ်ဘၣ်ကဲသုးအခံအဂ့ၫ်န့ၣ်လီၤ. သ၀ီသးပှၫ်န့ၣ်အၢဒိၣ်မးလီၤ. တၫ်မ့ၫ်တထၢ နုာ်စ့တန့ၫ်ဘၣ်အဂ့ၫ်”တဲ၀ဲလီၤ.
သုးကီၣ်ကးအပှၤသ၀ီသးပှၫ်အီၣ်ကိၣ်အူအတၫ်ပၢ လူၫ်ကီကၠိသ၀ီကရူၫ်အပူၤ ခၠီသၣ်ကၠံ,တီၣ်ယၣ်စူး,အူးတိၣ် ,ညီၣ်ခၠီကၠံ(ညောင်ချောင်းကြီး)ဒီးလူၫ်ကီကၠိသ၀ီတဖၣ်အပူၤ ထၢ၀ဲစ့အဂ့ၫ်တၫ်သ့ၣ်ညါဘၣ်လီၤ.
သုးကီၣ်ကး အသ၀ီသးပှၫ် အီၣ်ကိၣ်အူန့ၣ် ပာ်ဖှိၣ်ထီၣ်အသးဒီးကီၫ်ဆၣ်ပတီၫ်ပၢပြးဘၣ်မူဘၣ်ဒါတဖၣ်၀ံၤ တၫ်မ့ၫ်တအဲၣ်ဒိးကဲသုးဘၣ်န့ၣ် ဃ့၀ဲစ့၀ံၤ သ၀ီလၢထၢစ့န့ၫ်တဖၣ် တကိးတၫ်ဘၣ်ကဲသုးဘၣ်အဂ့ၫ် တၫ်သ့ၣ်ညါဘၣ်လၢ ပှၤအိၣ်ဘူးဒီးပၢပြးဘၣ်မူဘၣ်ဒါတဖၣ်အိၣ်န့ၣ်လီၤ.
အပူၤကွံာ် ဖဲလါအီးကူးအပူၤစ့ၫ်ကီး လၢအ့ၣ်ယၣ်ကတံၣ်ကီၫ်ခီ,ပသံၣ်ကီၫ်ရ့ၣ်,ကၣ်ကၠံတီးကီၫ်ဆၣ်,တကိကၠံသ၀ီ သ၀ီသးပှၫ်န့ၣ် တၫ်ဘၣ်ကဲသုးအဖီခိၣ် စ့လၢထၢန့ၫ်၀ဲကၠးအကလီၫ်(၁၀၀၀)သူကဘျံးကဘျၣ်၀ဲ၀ံၤ ဘှါဆှဲ၀ဲတန့ၫ် လၢၤဘၣ်ဒီး ဃ့ၫ်ဖျိးကွံာ်အဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
Ref: DVB
