လါအီးကထိဘၢၣ်(၂၁)သီ,၂၀၂၄နံၣ်
ကီၫ်ကၠီၣ်တဲၣ်န့ၣ် ဂဲၤလိာ်၀ဲလၢကနုာ်လီၤ၀ဲဆူ BRICSကရၢထံကီၫ်၀ံၤ မ့ၫ်ကဲထီၣ်ကရၢထံကီၫ်န့ၣ် ဘၣ်ထွဲတၫ်ကူၣ်လဲၫ်မၤကၤဒီးမုာ်ကျိၤ၀ဲၤကွာ်တၫ်ခွဲးတၫ်ယာ်တဖၣ်အပူၤ ကဒဲကဒဲအဘျူးအိၣ်သ့အဂ့ၫ် ကၠီၣ်တဲၣ်ကိတိာ်ခိၣ်ကျၢၫ်ခံ အနူးတ့ၣ် ကၠၣ်ဘံၣ်ရကိၣ်(Anutin Charnvirakul)တဲ၀ဲလီၤ.
ဘရၣ်စံ,ရၢရှၢၣ်,အ့ဒံယါ,တရူးဒီးကလံၤထံးအၣ်ဖရံးကၣ် ထံကီၫ်(၅)ဘ့ၣ် အBRICSကရၢအံၤ လၢကတီၫ်အံၤအံၣ်ရၣ်,အံၣ်ကၠံး,အံၣ်သံၣ်ယိပံယါ,ဆီၣ်ဒံၣ်အရ့ဘံယါဒီး UAEထံကီၫ်တဖၣ် လၢတနံၣ်အံၤလါယနူၤအါရံၤအပူၤ နုာ်လီၤပာ်ဃုာ်၀ဲအဃိ ကဲထီၣ်၀ဲထံကီၫ်အဘ့ၣ်(၁၀)၀ံၤ ကီၫ်ကၠီၣ်တဲၣ်စ့ၫ်ကီး ကကဲထီၣ်ဘၣ်ကရၢထံကီၫ်အဂီၫ် ဂဲၤလိာ်၀ဲန့ၣ်လီၤ.
ဖဲလါအီးကထိဘၢၣ်(၂၂)သီအနံၤ တၫ်ကစးထီၣ်မၤ၀ဲ ၂၀၂၄နံၣ် BRICSပတီၫ်ထီတၫ်အိၣ်ဖှိၣ်န့ၣ် ဒ်ဟံၣ်ကစၫ်အသိး ရၢရှၢၣ်လၢကတူၫ်လိာ်မၤ၀ဲအံၤ ကွဲမုာ်ဃာ်၀ဲ ကီၫ်ကၠီၣ်တဲၣ်၀ံၤ တၫ်ကကဲထီၣ်ဘၣ်ကရၢထံကီၫ်အဂီၫ် ကၠီၣ်တဲၣ်မုၫ်လၫ်၀ဲလီၤ.
မ့ၫ်ကဲထီၣ်BRICSကရၢထံကီၫ်န့ၣ် ဒံၣ်ကၠံၤတဲၣ်မုာ်ကျိၤ၀ဲၤကွာ်ဒီးတၫ်မၤပှဲၤကဒါက့ၤဂံၫ်ဘါသဟီၣ်ပာ်ဃူာ် တၫ်ကူၣ်လဲၫ်မၤကၤပနံာ် အကျိၤအကျဲခွဲးယာ်တဖၣ်,မုာ်ကျိၤ၀ဲၤကွာ်တၫ်ဘၣ်ဘျူးတဖၣ် တၫ်နီၤဟ့ၣ်လိာ်သးကန့ၫ်၀ံၤလၢတူၫ်ယံာ် တၫ်ဂုၤထီၣ်ပသီထီၣ်အပူၤ ကကဲထီၣ်တၫ်မၤစၢၤအဂ့ၫ်တဲ၀ဲလီၤ.
ကရၢထံကီၫ်ဟဲအါထီၣ်၀ံၤအလီၫ်ခံ အဆိကတၢၫ်တဘျီကမၤ၀ဲ(၁၆)၀ီတ၀ီ BRICSပတီၫ်ထီတၫ်အိၣ်ဖှိၣ် လၢကီၫ် ရၢရှၢၣ်,Kazanအပူၤ ဖဲလါအီးကထိဘၢၣ်(၂၂)သီ,ခဲမုၫ်ဆ့ၣ်အနံၤန့ၣ်လီၤ.
Ref: VOA
